| e-texts navigator |
| Wylie |
215a1 པའི་ཆོ་འཕྲུལ་སྟོན། །ེ་མའོ་ཡིད་བཞིན་གསུང་མཆོག་སྒྲ་བརྙན་ལྟ་བུ་ལས། །སྙན་པའི་བྱིན་བརླབས་རྡོ་རྗེ་བརྗོད་མཛད་ཅིང་། །ཡན་ལག་རྒྱ་མཚོ་མི་བཟད་བཀོད་པའི་གསུང་། །སེང་གེ་སྒྲ་ཡིས་གསང་སྔགས་རྒྱ་མཚོ་སྟོན། །ེ་མའོ་ཡེ
215a2 ཤེས་སྙིང་པོ་ཉི་མ་ལྟ་བུ་ལས། །འབར་བའི་བྱིན་བརླབས་རྡོ་རྗེ་བདེ་མཛད་ཅིང་། །ཐིག་ལེ་སྤྲོས་བྲལ་རྣམ་པར་མི་རྟོག་ཐུགས། །རྣམ་གྲོལ་དེ་ཉིད་ངེས་པའི་ཆོ་འཕྲུལ་སྟོན། །མི་ཤེས་བླུན་རྨོངས་འདམ་བྱིང་འགྲོ་བ་རྣམས། །སྡུག་བསྔལ་དྲ་བས་བཅིངས་པ
215a3 ཐབས་ཀྱིས་ཁྲོལ། །མ་རིག་མུན་པས་ལོང་བ་དོན་གྱིས་ཕྱེ། །འཁོར་བའི་རྒྱ་མཚོ་རོལ་པའི་གྲུ་ཡིས་སྒྲོལ། །དེ་བཞིན་གཤེགས་པ་ཀུན་གྱི་ཐུགས་ཆེན་པོ། །ཡེ་ཤེས་དོན་གྱི་སྙིང་པོ་མཆོག་དང་ལྡན། །རྣལ་འབྱོར་ཐེག་ཆེན་རྡོ་རྗེ་ཀུན་འདུས་ལུང་། །འདུས་པའི
215a4 ཚོགས་ལ་རྒྱ་ཆེར་བཤད་དུ་གསོལ། ། ཧོ་ཞེས་ངེས་པར་བཏུད་དེ་གསོལ་བ་བཏབ་བོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་རྡོ་རྗེ་རོལ་པ་དེ་ཁོ་ན་ཉིད་ཀྱི་གླུ་དེས་གསོལ་བ་བཏབ་པས་འཁོར་ཐམས་ཅད་ལ་གཟིགས་ཏེ་འཛུམ་པ་མཛད
215a5 པས། ཐུགས་རྣམ་པར་དག་པའི་ཀློང་ནས་རིག་པའི་ཉི་མ་བརྗོད་ཀྱིས་མི་ལང་བའི་ཡང་མི་ལང་བ་འོད་ཟེར་འབྱམ་ཀླས་པ་ཀུན་ནས་ཀུན་དུ་ཁྱབ་པར་མཛད་དོ། །འོད་ཟེར་དེ་དག་རེ་རེ་ལས་རྡོ་རྗེ་གནོད་སྦྱིན་དང་། རྡོ་རྗེ་སྲིན་པོ་ལྟ་བུའི་གཟུགས་སྣ་ཚོགས་འབྱུང
215a6 ངོ་། །དེ་དག་རེ་རེ་ལས་ཀྱང་སངས་རྒྱས་འབུམ་ཕྲག་དཔག་ཏུ་མེད་པ་འཁོར་སོ་སོའི་ཞམ་རིང་དང་བཅས་པ་ཞིང་ཁམས་མཐའ་ཡས་པར་ཁྱབ་ཅིང་སྣང་བར་གྱུར་ཏོ། །དེ་ལས་རིག་པའི་ཉི་མའི་འོད་ནམ་མཁའི་ཁམས་ཁྱབ་པར་བྱུང་བས་མུན་པ་མུན་ནག་སྨག་ཏུ
215a7 གྱུར་པ་ཐམས་ཅད་ཡང་དག་པར་བསལ་ལོ། །རིག་པའི་ཆོས་ཀྱི་འབྲུག་སྒྲ་དང་། ཆོས་ཀྱི་ཆར་དང་། ཆོས་ཀྱི་གླུ་སྣ་ཚོགས་དང་། ཆོས་ཀྱི་གར་སྣ་ཚོགས་དང་། ཆོས་ཀྱི་མཆོད་པ་སྣ་ཚོགས་འབྱུང་སྟེ། འབྱམ་ཀླས་པའི་ནམ་མཁའ་ལ་ཕན་ཚུན་དང་། ཡན
iiif viewer powered by OpenSeadragon
