| e-texts navigator |
| Wylie |
214b1 རོལ་པ་ཆེན་པོའི་སྐུ། །རྡོ་རྗེ་སེམས་དཔའ་སྐལ་བཟང་དཔལ་ཁྱོད་བདག་།ཐབས་ཀྱི་རོལ་པས་བདེ་ཆེན་དབྱིངས་ནས་བཞེངས། །ཞེས་སྒྲ་དེས་བསྐུལ་བས་བདེ་བ་ཆེན་པོའི་ངང་དེ་ལས་ཆོ་འཕྲུལ་ཆེན་པོའི་རྣམ་པར་བཞེངས་ཏེ། རྣམ་པར་འཕྲུལ་པ་དང་།
214b2 རྣམ་པར་འཁྱིལ་བ་དང་། རྣམ་པར་འགྱིང་བ་དང་། རྣམ་པར་བརྗིད་པ་དང་། གར་གྱི་ཕྱག་རྒྱ་ཆེན་པོ་དང་། རྣམ་པར་བཞད་པ་སྣ་ཚོགས་པ་དང་། ཐུགས་རྗེའི་འཕྲོ་འདུ་དང་། ཡོན་ཏན་གྱི་ཁྱད་པར་དང་། འོད་ཟེར་གྱི་འབར་འཕྲོ་ལ་སོགས་པ་སྤྲུལ་པ
214b3 གློག་གི་ཕྲེང་བས་ནམ་མཁའ་ཐམས་ཅད་ཀུན་དུ་ཁྱབ་པར་མཛད་དེ། ཐམས་ཅད་ནས་ཐམས་ཅད་དུ་མཚན་མ་དང་། རྣམ་པ་དང་། ཡོད་པ་དང་། མེད་པ་ལ་གསང་སྔགས་ཀྱི་ངོ་བོ་དེ་ཁོ་ན་ཉིད་ཀྱི་ངང་གིས་ཡོངས་སུ་ཁྱབ་སྟེ། རང་བཞིན་གསང་བ་ཉིད
214b4 དོ། །དེ་ནས་ཡང་དེ་བཞིན་གཤེགས་པ་ཐམས་ཅད་ཀྱི་ཡུམ་སྟོང་པ་ཆེན་པོ་དེ་ཁོ་ན་ཉིད་ལས་བསྐུལ་བ་ཐ་མའི་སྒྲ་འདི་བྱུང་ངོ་། །ཡེ་ཤེས་སྒྱུ་མས་རྣམ་པར་རོལ་པའི་སྐུ། །ཐབས་དང་ཤེས་རབ་ཆེ་ལ་མངའ་བརྙེས་པའི། །འཕགས་རྗེ་སྤྲུལ་པ་མང་པོ་འབྱུང
214b5 བའི་གནས། །བདེར་གཤེགས་བདེ་བར་གཤེགས་པ་བཞེངས་སུ་གསོལ། ཞེས་བསྐུལ་བས། བཅོམ་ལྡན་འདས་གསང་བ་མཆོག་གི་བདག་པོ་དེ་རྡོ་རྗེ་རོལ་པ་དེ་ཁོ་ན་ཉིད་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཅི་ཡང་མི་གསུང་བར
214b6 བཞུགས་སོ། །དེ་ནས་དེ་བཞིན་གཤེགས་པ་ཀུན་གྱི་ཡུམ་ཤེས་རབ་ཀྱི་ཕ་རོལ་ཏུ་ཕྱིན་པའི་ངང་ལས་རྣམ་པར་བསྐུལ་བ་ཆེན་པོའི་སྒྲ་བྱུང་བ་དེ་དག་ལས་འཁོར་ཤིན་ཏུ་མང་པོ་རྣམས་ངོ་མཚར་དུ་གྱུར། རྨད་དུ་གྱུར་ཏེ། དེ་དག་ཐམས་ཅད་མགྲིན
214b7 གཅིག་ཏུ་རྡོ་རྗེ་རོལ་པ་དེ་ཁོ་ན་ཉིད་ལས་གླུ་འདིས་གསོལ་བ་བཏབ་བོ། །ེ་མའོ་ཡིད་བཞིན་སྐུ་མཆོག་ནམ་མཁའ་ལྟ་བུ་ལས། །ཁྱབ་པའི་བྱིན་བརླབས་རྡོ་རྗེ་གར་མཛད་ཅིང་། །གཟི་བརྗིད་སྤྲིན་ཕུང་རོལ་པས་བསྒྱིངས་པའི་སྐུ། །ཐོགས་མེད་རྡོ་རྗེ་རོལ
iiif viewer powered by OpenSeadragon
