| e-texts navigator |
| Wylie |
206a1 རྨོངས་པ་རྣམས་གོ་འབྱེད་པ་དང་། གང་འཐོམས་པ་དྲང་བའི་ཐབས་སྤྲིན་ཕུང་གི་དྲ་བས་ཐམས་ཅད་བདེ་བླག་ཏུ་དྲང་བའི་སླད་དུ་དགོངས་པ་དམ་པའི་ལུས་དགྲོལ་དུ་གསོལ་ཞེས་བསྐུལ་བ་ལས། གསང་བ་པའི་བདག་པོ་དེས་འདི་སྐད་ཅེས
206a2 སྨྲས་སོ། །བསྐུལ་བའི་གོ་ཆ་ཆེན་པོ་ཁྱོད། །ཀུན་ལ་རབ་ཏུ་བརྩེ་བའི་ཕྱིར། །གང་ལ་བསྐུལ་བར་ཁྱོད་བརྩོན་ན། །བགྲོ་བ་གླེང་བསླང་ལེགས་སོ་ལེགས། །འདི་ལྟར་འདི་སྐད་བདག་ཉིད་ཀྱིས། །ངེས་པའི་དོན་དེ་ཁོ་ན་ཉིད། །ཐོས་པ་སྣང་བའི་དུས་གཅིག
206a3 ན། །ཐམས་ཅད་ནམ་མཁའ་ལྟ་བུ་ལས། །རབ་བྱུང་རང་སྣང་ཉིད་དུ་ཐོས། །གསང་བའི་ཚིག་ནི་འདི་སྐད་དུ། །ཐོས་པར་གྱུར་པའི་དུས་གཅིག་ན། །མཐུན་འཇུག་ཐབས་ཀྱི་ཆ་མཐུན་དུ། །བསྟན་ནས་དྲང་བའི་ཐབས་སུ་ཐོས། །ལུང་གི་གཏན་ཚིགས་འདི
206a4 སྐད་དུ། །བདག་གིས་ཐོས་པའི་དུས་གཅིག་ན། །ལྡེམ་དགོངས་སྦྱོར་བའི་ཚུལ་ཉིད་ཀྱིས། །བསྟན་ནས་བཀྲི་བའི་ཐབས་སུ་ཐོས། །འདོད་རྐྱེན་ཚིག་ནི་འདི་སྐད་དུ། །རྟོགས་པར་གྱུར་པའི་དུས་གཅིག་ན། །འདོད་ཆེན་པ་ལ་འདོད་པ་ནི། །ཐབས་ཀྱིས
206a5 དྲང་བ་ཉིད་དུ་ཐོས། །གསང་སྔགས་རྡོ་རྗེ་ནམ་མཁའ་ཆེ། །ཚིག་གི་སྤྱོད་ཡུལ་མ་ཡིན་པས། །བརྗོད་པས་རྟོགས་པར་མི་ནུས་ཏེ། །བདག་གིས་བགྲོ་བར་རབ་ཏུ་དཀའ། །དཔེའམ་ཚད་མའམ་གཏན་ཚིགས་སམ། །རྗེས་སུ་དཔག་པའི་ཤེས་རབ་ཀྱིས། །
206a6 རྟོགས་པར་ནུས་པ་མ་ཡིན་ཏེ། །དམུས་ལོང་མཁའ་ལ་མཐོས་འཇལ་འདྲ། །འོན་ཀྱང་བཀའ་ཡི་གཉེར་གཏད་ཅིང་། །ལོག་ཞེན་ཐབས་ཀྱིས་དྲང་བ་དང་། །བསྐུལ་བ་ཁྱོད་ཀྱི་དམ་ཚིག་ཀྱང་། །སྔོན་གྱི་གོ་ཆ་གྱོན་པའི་མཐུས། །མ་རྟོགས་པ་རྣམས་ཚིག
206a7 ཙམ་གྱིས། །མཚོན་ནས་རྣམ་གྲོལ་ས་དག་ལ། །བརྒྱུད་དེ་དྲང་བའི་ཐབས་ཉིད་དུ། །ཅི་རིགས་ཙམ་དུ་བགྲོ་བར་བྱ། །རང་བཞིན་ཡེ་ནས་སངས་རྒྱས་པ། །མཐོང་དང་མ་མཐོང་རྣམ་གཉིས་ལ། །དམན་པའི་སྐབས་ན་དེ་མཐོང་མིན། །མཐོང་བ་དམ་པའི་སྐབས
iiif viewer powered by OpenSeadragon
