| e-texts navigator |
| Wylie |
205b1 བརྗོད་པ་ཆོས་ཀྱི་ཕྱག་རྒྱའི་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་བཅུ་གཅིག་པའོ། ། །།བམ་པོ་བདུན་པར་ཟུག་པ། དེ་ནས་ཡང་ལང་ཀའི་བདག་པོ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སྔོན་བྱུང་བའི་ཚིག་བཅུ་གཉིས་པའི
205b2 ཐ་མ་དགོངས་པ་རྣམ་པར་བགྲོ་བ་ན་ཡང་བྱུང་ཞེས་སྣང་བའི་དྲི་བ་ཡོངས་སུ་དྲིས་པ། ཀྱེ་གསང་བ་པའི་བདག་པོ་ཉིད་ཀྱིས་ཐེག་པ་ཆེན་པོ་གསང་བ་དམ་པ་བྱུང་བའི་ཚུལ་སྟོན་པས་ལུང་བསྟན་པ་གཏམ་དུ་བརྗོད་པའི་སྐབས་སུ་དགོངས་པ་རྣམ་པར་བགྲོ་བ་ན
205b3 ཡང་བྱུང་ཞེས་བཀོད་པ་དེ་ལྟ་ཞིག་ཏུ་བགྲོས་ཏེ་གྲགས་པ་ལགས། སྨྲས་པ། ལང་ཀའི་བདག་པོ་གང་ཡོངས་སུ་དྲི་བ་དེ་ནི་འདི་ལྟར་ཟབ་པ། ཆེས་ཟབ་པ། འདི་ལྟར་དཀའ་བ། ཆེས་དཀའ་བ། རྟོག་གེའི་སྤྱོད་ཡུལ་མ་ཡིན་པ། བརྟག་པར་རབ་ཏུ་དཀའ
205b4 བ། དཔག་པ་ལས་འདས་པ་སྟེ། གང་རྒྱུད་ཡོངས་སུ་དག་པའི་སངས་རྒྱས་དང་། གང་ས་ལ་གནས་པ་རྣམས་ཀྱིས་ཀྱང་རབ་ཏུ་བགྲོ་བར་མི་ནུས་པ་ཡིན་ན་བདག་གིས་ཡོངས་སུ་བགྲོ་བར་ལྟ་ཅི་སྨོས་ཏེ། གང་གི་སྤྱོད་ཡུལ་ཡང་མ་ཡིན་ནོ། །དེ་སྐད
205b5 ཅེས་སྨྲས་པས། ལང་ཀའི་བདག་པོ་དེས་འདི་སྐད་ཅེས་སྨྲས་སོ། །ཀྱེ་སྐྱེས་བུ་ཆེན་པོ་གསང་བའི་བདག་པོ་ཉོན་མོངས་པར་སྣང་བའི་འགྲོ་བ་རྣམས་ལ་ཕན་པ་དང་སྙིང་བརྩེ་བ་ཉིད་དུ་བགྱི་བའི་སླད་དུ་མི་ཆེན་པོ་རྣམས་ཀྱི་སྤྱོད་ཡུལ། ཆོས་ཐམས་ཅད
205b6 མངོན་པར་རྫོགས་པར་སངས་རྒྱས་པ། གང་དུ་མ་བཀག་པའི་ཆོས་ཉིད་དུ་ལོངས་སྤྱོད་པ། ཐབས་ཀྱི་ཐེག་པ་ཆེན་པོ་དགོངས་པ་དམ་པ་དེ་ཁོ་ན་ཉིད་དེ་རྣམ་པར་བགྲོ་ཞིང་སྨྲ་བའི་སེང་གེ་ཁྱོད་ཀྱིས་ཕྱིན་ཅི་མ་ལོག་པར་བགྲོ་བའི་དུས་ལ་བབ་བོ། །སྐྱེས་བུ
205b7 ཆེན་པོ་ཤིན་ཏུ་རབ་ཏུ་དུས་ལ་བབ་བོ། །ངེས་པ་དམ་པར་བགྲོ་བའི་དུས་ལ་བབ་བོ། །དེ་ཅིའི་སླད་དུ་ཞེ་ན། སྐྱེས་བུ་ཆེན་པོ་ཁྱོད་ནི་དེ་བཞིན་གཤེགས་པ་ཐམས་ཅད་ཀྱི་བཀའ་གསང་བ་ཆེན་པོའི་བདག་པོར་དབང་གིས་དབང་བསྐུར་བ་ལགས་ཏེ། གང
iiif viewer powered by OpenSeadragon
