| e-texts navigator |
| Wylie |
204b1 བཞི་རྡོ་རྗེ་འཆང་གནས་པའོ། །རབ་ལ་ངེས་པར་སྣང་བ་ནི། །སེམས་ཉིད་ཡུལ་ལ་རྩལ་རྫོགས་ཏེ། །ཡུལ་ཉིད་རིག་པས་མངོན་མཐོང་ན། །དེ་ཉིད་དེར་ནི་མངོན་བྱས་ནས། །རྡོ་རྗེ་རིགས་འཆང་གནས་པའོ། །ལང་ཀའི་བདག་པོ་གཞན་ཡང་གང་། །དབང
204b2 སྒྱུར་ཐབས་ཀྱི་ཐེག་པ་ཡང་། །ཡུལ་གྱིས་རྣམ་པ་གསུམ་སྣང་བ། །བསྐྱེད་དང་རྫོགས་དང་ཡོངས་སུ་རྫོགས། །ཐ་མ་བསྐྱེད་པ་གང་སྣང་བ། །ཐབས་དང་ཤེས་རབ་རྣམ་དག་ལས། །བསྟེན་པ་ལྔ་ལ་སོགས་པའི་ཆོས། །རྒྱལ་བ་ལྔ་ལས་རྫོགས་སངས
204b3 རྒྱས། །རྣལ་འབྱོར་རྩལ་ཆེན་རྫོགས་པའི་ས། །འབྲིང་ལ་རྫོགས་པར་གང་སྣང་བ། །མཉམ་པས་མཉམ་པའི་དོན་མཐོང་ན། །མཉམ་རྫོགས་ཡུལ་ཤེས་དབྱིངས་ཡེ་ཤེས། །ཀུན་རིག་ཀུན་རྫོགས་ཀུན་དུ་སྣང་། །ཆོས་ཉིད་མི་འགྱུར་བདལ་བའི་ས། །
204b4 རབ་ལ་ཡོངས་སུ་རྫོགས་པ་ནི། །ཡེ་ཤེས་དབྱིངས་ཞེས་བྱ་བའི་དོན། །ཐ་སྙད་ཙམ་དུ་རྟོགས་ཆུད་ནས། །རྩལ་མེད་རྫོགས་བྲལ་བསམ་ཡུལ་འདས། །ཐམས་ཅད་རྫོགས་པའི་སྤྱིར་ཆིབ་ས། །ལང་ཀའི་བདག་པོ་གཞན་ཡང་གང་། །ཆོ་འཕྲུལ་མངོན
204b5 བྱུང་ཐེག་པ་ཡང་། །ཡུལ་གྱི་རྣམ་པ་གསུམ་སྣང་བ། །ཞེན་དང་རྨོངས་དང་འཁྲུག་པ་ཡི། །ལས་ངན་འདུ་ཤེས་ངན་པ་རྣམས། །རྒྱུན་གཅད་བསྒྱུར་བའི་ཕྲིན་ལས་ནི། །སྲིད་གསུམ་དྲ་བའི་འཁོར་ལོ་དག་།ལས་ཀྱི་འཁོར་ལོ་རྒྱུན་བཅད་ཕྱིར། །དམ
204b6 པའི་འཁོར་ལོ་བསྐོར་བྱས་ནས། །བསྐལ་པའི་འཁོར་ལོ་གཅོད་པར་འགྱུར། །ཅི་ཕྱིར་སེམས་ཅན་ཁ་ཅིག་ནི། །ཆགས་པས་ཞེན་ཅིང་གདུང་བར་འགྱུར། །གང་ཚེ་སེམས་ཅན་ཁ་ཅིག་ནི། །ཤིན་ཏུ་རྨོངས་ཤིང་འཐིབས་པར་འགྱུར། །གང་གིས་སེམས
204b7 ཅན་ཁ་ཅིག་ནི། །ཤིན་ཏུ་ཁྲོ་གཏུམ་གདུག་པར་འགྱུར། །འདི་ལྟར་དུག་གསུམ་སྨིན་པ་ལ། །གང་གིས་ཕན་པར་མི་འགྱུར་ཏེ། །མི་རྟག་མཚན་ཉིད་བསྟན་ནས་ཀྱང་། །ལས་ངན་ལས་རྒྱུད་གཅད་པའི་ཕྱིར། །རང་བཞིན་ཆོ་འཕྲུལ་མངོན་འབྱུང་བ། །
iiif viewer powered by OpenSeadragon
