| e-texts navigator |
| Wylie |
202b1 སློང་སྐལ་ལྡན་ཅན། །ཉི་མའི་སྙིང་པོ་བྱ་བ་ལ། །བསྟན་པའི་ཆར་ཆེན་ཕབ་ནས་ནི། །ཀུན་དུ་མཐུན་པར་གྲགས་པར་འགྱུར། །གཞན་ཡང་བསྐུལ་བ་ཆེན་པོ་ཉོན། །བསྐལ་པ་རྫོགས་ལྡན་བྱ་བ་ལ། །སངས་རྒྱས་བྱེ་བ་ཕྲག་བརྒྱ་བྱུང་། །དེ་ཀུན་མཐར་ཟད་བྱུང
202b2 བ་ཡི། །སངས་རྒྱས་དཀོན་མཆོག་དཔལ་གྱིས་ཀྱང་། །འཁོར་གྱི་ནང་དུ་ལུང་བསྟན་པ། །བྱེ་བ་ཕྲག་བརྒྱ་བྱུང་བ་ཡི། །དེ་བཞིན་གཤེགས་པ་དེ་རྣམས་ཀྱིས། །ངེས་པ་དམ་པར་ལུང་བསྟན་བཞིན། །ང་སྣང་མི་གནས་དེ་རྗེས་ལ། །ལོ་ནི་བརྒྱད་ཅུ་རྩ་གཉིས་ལ། །
202b3 གསང་འདུས་ཐེག་ཆེན་སྙིང་པོ་འདི། །བྱང་ཆུབ་སྙིང་པོ་ཅན་ཞེས་པའི། །ས་ལེ་གསེར་གླིང་བྱ་བ་དེར། །རྒྱལ་པོ་བདེ་སྐྱོབ་སྐལ་ཡོད་ལ། །ལས་དང་ཐུགས་རྗེ་མཐུན་པ་ཡི། །ཆོས་ཀྱི་མིག་གཅིག་འབྱེ་འགྱུར་ཏེ། །རིགས་ལྡན་ཀུན་གྱིས་ཐོབ་པར་འགྱུར། །
202b4 བསྐུལ་བ་ཆེན་པོ་གཞན་ཡང་ཉོན། །བསྐལ་པ་བཟང་པོ་འདི་ཉིད་ལ། །སངས་རྒྱས་བརྒྱ་ཕྲག་བཅུ་འབྱུང་བའི། །བཞི་པར་བྱུང་བའི་སྒྲོན་མ་ཉིད། །ཐུབ་པའི་དབང་པོ་དེ་ཉིད་ཀྱིས། །འཁོར་གྱི་ནང་དུ་ལུང་བསྟན་པ། །བྱེ་ཕྲག་བརྒྱད་ཅུ་རྩ་བཞི་ཡི། །མངོན
202b5 རྫོགས་རྒྱལ་པོ་དེ་ཉིད་ཀྱིས། །གང་གི་ཕྱོགས་དག་སྨིན་བྱས་ནས། །ཐེག་ཆེན་རྡོ་རྗེ་སྙིང་པོ་ཉིད། །རྒྱ་ཆེར་གྲགས་པར་འགྱུར་རོ་ཞེས། །ཀུན་གྱི་ལུང་ཆེན་བསྟན་པ་བཞིན། །ང་ནི་འདི་ནས་མི་སྣང་ནས། །ལོ་ནི་བརྒྱ་དང་བཅུ་གཉིས་ན། །ལྷ་གནས་གསུམ་དུ
202b6 གྲགས་པ་ཡི། །བསྟན་པའི་སྙིང་པོ་དམ་པ་ཞིག་།འཛམ་གླིང་ཤར་གྱི་ཕྱོགས་མཚམས་ཀྱི། །མི་ལས་སྐལ་ལྡན་རིགས་ཅན་དེ། །རྒྱལ་པོ་ཛ་ཞེས་བྱ་བ་ལ། །སྔོན་དུ་ལྟས་སྣང་གནང་འགྱུར་བ། །དྲག་ཤུལ་ཅན་ཞེས་བྱ་བའི་རྩེ། །གྲོགས་ཀྱི་སེམས་དཔའ
202b7 དམན་པའི་ལུས། །ལང་ཀའི་བདག་པོ་ལ་སོགས་ལ། །ལག་ན་རྡོ་རྗེ་སྣང་བར་འགྱུར། །དམ་པས་དེ་སྐད་ལུང་བསྟན་གནང་། །དེ་ལ་སོགས་པ་མཐའ་ཡས་པར། །ཐོག་མ་ཐ་མ་མེད་པའི་བར། །དེ་ལྟ་དེ་ལྟར་གྲགས་པ་ཡིན། །གསང་བ་པའི་བདག་པོས་དེ་སྐད
iiif viewer powered by OpenSeadragon
