| e-texts navigator |
| Wylie |
202a1 གྱིས་ལུང་ཆེན་སྟོན། །ཇི་ལྟར་འདི་ཡང་དེ་བཞིན་ཏེ། །ང་ནི་མི་བཞུགས་འདས་འོག་ཏུ། །ཀུན་གྱི་དགོངས་པ་འདུས་པ་ཉིད། །བརྒྱ་མཐར་འདུལ་བ་སྣང་བར་འགྱུར། །དེ་སྐད་དམ་པ་དེ་ལུང་བསྟན། །གཞན་ཡང་བསྐུལ་བ་ཆེན་པོ་ཉོན། །བསྐལ
202a2 པ་མཐའ་ཡས་བྱ་བ་ལ། །སངས་རྒྱས་སུམ་ཁྲི་ལྔ་སྟོང་འབྱུང་། །ཀུན་གྱི་ཐ་མར་འབྱུང་བ་ཡི། །སངས་རྒྱས་འོད་མཐའ་ཡས་པ་དེས། །འཁོར་གྱི་ནང་དུ་ལུང་བསྟན་པ། །ཁྲི་ཕྲག་ཕྱེད་དང་བཞི་འབྱུང་བའི། །སངས་རྒྱས་སྔ་མ་འདས་རྣམས་ཀྱིས། །སྨིན་བྱས་མ་སྨིན་གང
202a3 ཆེད་དུ། །དམ་པ་བྱུང་བར་ལུང་བསྟན་བཞིན། །འདིར་ཡང་ཡོངས་སུ་གཟུང་བར་གྱིས། །ང་འདས་ན་ནི་མི་སྣང་ན། །བརྒྱ་ཕྲག་གཅིག་ན་དོན་སྣང་འགྱུར། །དྲག་ཤུལ་ཅན་གྱིས་བྱིན་ལུང་བསྟན། །བསྐུལ་བ་ཆེན་པོ་གཞན་ཡང་ཉོན། །བསྐལ་པ་གྲགས་ལྡན་བྱ་བ་ལ། །
202a4 སངས་རྒྱས་བཞི་ཁྲི་དྲུག་སྟོང་བྱུང་། །ཀུན་གྱི་ཐ་མར་བྱུང་བ་ཡི། །སངས་རྒྱས་ཀུན་གྱི་བཤེས་གཉེན་དེས། །འཁོར་གྱི་ནང་དུ་ལུང་བསྟན་པ། །སྟོང་ཕྲག་བཞི་བཅུ་དྲུག་བྱུང་བའི། །དམ་པ་དེ་བཞིན་གཤེགས་རྣམས་ཀྱིས། །གང་གི་ཆེད་དུ་ལུང་བསྟན་བཞིན། །ང་ནི
202a5 བདེ་བར་གཤེགས་ཕྱི་ན། །བརྒྱ་ཕྲག་ལྔར་གྱུར་པ་ན། །འབྲས་བུ་ཆུབ་པར་སྣང་བ་ཡི། །རྡུལ་བྲལ་དྲི་མེད་དམ་པ་ཉིད། །མཆོག་གི་ཞིང་ཁམས་དམ་པ་འདིར། །སྣང་བ་ཐོབ་པའི་སྐལ་ལྡན་ཅན། །བྲམ་ཟེ་ཤེས་པ་མོ་ཞིག་ལ། །གནོད་འདུལ་ཉིད་ཀྱིས་གྲགས
202a6 པར་འགྱུར། །གཞན་ཡང་བསྐུལ་བ་ཆེན་པོ་ཉོན། །བསྐལ་པ་བཟང་རྒྱན་བྱ་བ་ལ། །སངས་རྒྱས་བྱེ་ཕྲག་བརྒྱད་ཅུ་བྱུང་། །དེ་དག་མཐའ་ཟད་བྱུང་བ་ཡི། །སངས་རྒྱས་བཟང་རྒྱན་དཔལ་གྱིས་ཀྱང་། །འཁོར་གྱི་ནང་དུ་ལུང་བསྟན་པ། །བྱེ་ཕྲག་བརྒྱད་ཅུ་བྱུང་བ་ཡི། །
202a7 དེ་བཞིན་གཤེགས་པ་སྔ་མ་ཡིས། །ཐེག་པ་འབྱུང་བར་ལུང་བསྟན་བཞིན། །ང་ཡི་སྣང་བ་འདི་ནུབ་ནས། །བརྒྱ་ཕྲག་ཕྱེད་ཀྱི་དུས་དག་ལ། །འདི་ཚེ་གཅིག་ལ་འགྲུབ་པ་ཡི། །ཆོས་ཀྱི་མེ་ལོང་དམ་པ་ཞིག་།ང་འདས་གླིང་གི་འཇིག་རྟེན་འདིར། །འབྱུང་བའི་དགེ
iiif viewer powered by OpenSeadragon
