| e-texts navigator |
| Wylie |
201b1 ངེས་པར་བསྟན་པ་ན་ཡང་བྱུང་ཞེས་བྱུང་བའི་དྲི་བ་ཡོངས་སུ་དྲིས་པ། ཀྱེ་གསང་བའི་བདག་པོ་ཉིད་ཀྱིས་ཐེག་པ་ཆེན་པོ་གསང་བ་དམ་པོ་བྱུང་བའི་ཚུལ་སྟོན་པས་ལུང་བསྟན་པ་གཏམ་རྒྱུད་དུ་བརྗོད་པའི་སྐབས་སུ་ལུང་ཆེན་ངེས་པར་བསྟན་པ་ན་ཡང་བྱུང་ཞེས
201b2 བཀོད་པ་དེ་ཇི་ལྟ་ཞིག་ཏུ་ལུང་བསྟན་ཏེ་གྲགས་པ་ལགས། གསང་བ་པའི་བདག་པོས་སྨྲས་པ། ལང་ཀའི་བདག་པོ་གང་དྲི་བ་དེ་ནི་ལེགས་སོ། །ཤིན་ཏུ་ལེགས་སོ། །རབ་ཏུ་ལེགས་སོ། །དེ་ནི་འདི་ལྟར་འཁོར་བ་ཐོག་མ་མེད་པའི་དབྱིངས་སུ་བསྐལ་པ་ཐོག
201b3 མ་དང་ཐ་མ་མེད་པའི་སྐབས་ལ་སངས་རྒྱས་ཐོག་མ་དང་ཐ་མ་མེད་པར་གང་གི་སྒྲོན་མར་སྣང་བ་དག་གི་ཐབས་གཅིག་གི་བྱ་བས་གང་ཕྱོགས་གཅིག་ཏུ་ཕན་པ་ཉིད་དུ་བྱ་བ་ཡོངས་སུ་སྨིན་པར་བྱས་ཏེ། ཐབས་དམ་པས་གར་ཕྱོགས་མེད་པར་ཕན་པ
201b4 ཉིད་དུ་ཡོངས་སུ་སྨིན་པར་བྱ་བ་དག་གང་གི་རྗེས་སུ་གང་འགྲོ་བར་དམ་བཅས་པ་ཉིད་དེས་བྱུང་ཞིང་སྣང་བར་ལུང་བསྟན་པ་དེ་ཡོངས་སུ་གྲགས་པར་འགྱུར་གྱི། སྒྲོན་མ་གང་གིས་ཉིད་ཀྱི་ཡུལ་སྣང་བ་ལས་མ་གཏོགས་པ་ཐམས་ཅད་སྣང་བ་ནི་མ་ཡིན་པའི་ཕྱིར
201b5 རོ། །ལང་ཀའི་བདག་པོ་ལུང་བསྟན་པ་དེ་ཡང་ཇི་ལྟ་ཇི་ལྟར་འདི་ལྟ་སྟེ། བསྐལ་པ་ཐོག་མ་མེད་པ་ལ། །ཇི་སྙེད་གང་འབྱུང་བརྗོད་མི་ལང་། །སྐབས་ལས་གཅིག་བྱུང་འདིར་བརྗོད་ཀྱིས། །དམ་བཅས་གོ་ཆ་བགོས་ཁྱོད་ཉོན། །བསྐལ་པ་ཀུན་བཀོད་བྱ་བ་ལ། །
201b6 སངས་རྒྱས་བྱེ་བ་ཕྲག་བརྒྱ་འབྱུང་། །ཀུན་གྱི་ཐ་མར་བྱུང་བ་ཡི། །བདེར་གཤེགས་མངོན་འབྱུང་རྒྱལ་པོ་དེས། །འཁོར་གྱི་ནང་དུ་ལུང་བསྟན་པ། །འཇིག་རྟེན་གཅིག་གམ་གླིང་གཅིག་ཏུ། །བསྐལ་པ་གཅིག་གི་གནས་སྐབས་ལ། །ཡུལ་གཅིག་རྡོ་རྗེ་གདན
201b7 གཅིག་ཏུ། །མཛད་པ་མཐར་ཕྱིན་སངས་རྒྱས་གཉིས། །འབྱུང་བར་ཡང་དག་ངས་མ་མཐོང་། །བྱུང་ན་མི་སྲིད་ཆོས་དང་འགལ། །སངས་རྒྱས་མྱ་ངན་འདས་འོག་ཏུ། །རྨད་འབྱུང་གསང་བའི་སྙིང་པོ་ཉིད། །རྒྱ་ཆེར་གྲགས་པར་འགྱུར་རོ་ཞེས། །སངས་རྒྱས་ཀུན
iiif viewer powered by OpenSeadragon
