| e-texts navigator |
| Wylie |
201a1 དེ་ལྟར་ན་གང་གི་ཆེད་དུ་མཛད་པའི་དེ་བཞིན་གཤེགས་པའི་དགོངས་པའི་སྒོ་དང་། དེ་བཞིན་གཤེགས་པའི་གསུང་གི་སྒོ་དང་། དེ་བཞིན་གཤེགས་པའི་མཛད་སྤྱོད་ཀྱི་སྒོ་དང་། དེ་བཞིན་གཤེགས་པའི་སྤྲུལ་པའི་མཐའ་དང་། དེ་བཞིན་གཤེགས
201a2 པའི་ཐབས་རྒྱ་མཚོ་འདྲ་བའི་སྤྲིན་ཕུང་ལ་ནི་འདི་འམ། གཅིག་ཅེས་གང་ལ་ཡང་གཟུང་དུ་མེད་དོ། །དེ་ཅིའི་ཕྱིར་ཞེ་ན། ལང་ཀའི་བདག་པོ་འདི་ལྟ་སྟེ། སེམས་ཅན་མོས་པ་ཐ་དད་པས། །མཐའ་ཡས་སྐྱེ་བོ་མགུ་དཀའ་བ། །རྒྱལ་བས་ཀྱང་ནི་མི་མགུ་བས། །གང
201a3 ལ་འང་མོས་པ་མཐའ་ཡས་གསུངས། །ལང་ཀའི་བདག་པོ་གང་དམ་པ་རྣམས་དེ་ཁོ་ན་ཉིད་ལས་མ་གཡོས་པར་སེམས་ཅན་གྱི་ཁམས་འདུ་ཤེས་མཐའ་ཐུག་པ་མེད་པ་དང་། སྒྲ་དང་། གཟུགས་དང་། སྤྱོད་མ་མཐའ་ཐུག་པ་མེད་པ་རྣམས་མི་མཁྱེན་པ
201a4 དང་། མ་གསན་པ་དང་། མ་གཟིགས་པ་དང་། མི་འགྲེལ་བ་ནི་གང་ཡང་མེད་དོ། །དེ་ཅིའི་ཕྱིར་ཞེ་ན། ཐམས་ཅད་ནས་ཐམས་ཅད་དུ་སྙིང་པོ་བྱང་ཆུབ་ཉིད་དུ་མ་འདྲེས་པར་ཡོངས་སུ་རྫོགས་པའི་ཕྱིར་གང་གི་སྙིང་པོ་བྱང་ཆུབ་ན་མི་གཡོ་བ་ན་མི་རྟོག་པ་ཉིད
201a5 དང་། སེམས་ཅན་གང་ཏིལ་འབྲུ་ན་གནས་པ་དེ་ལ་རིང་བ་དང་། ཉེ་བ་དང་། གཅིག་དང་། སོ་སོ་མ་ཡིན་ཏེ། དེ་ཁོ་ན་ཉིད་གཅིག་པའི་ཕྱིར་དབྱིངས་གཅིག་ཏུ་གཉིས་སུ་མེད་པར་གནས་སོ། །ལང་ཀའི་བདག་པོ་དེ་དག་ནི་གང་གི་ཆེད་དུ་དེ་བཞིན་གཤེགས
201a6 པའི་སྐུའི་མཛད་པ་ཆེད་དུ་མཛད་པའོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་སྐུའི་མཛད་པ་ཡོངས་སུ་རྫོགས་པའི་ལེའུ་སྟེ་བཞི་བཅུ་གཉིས་པའོ།། །།ཐེག་པ་ཆེན་པོ་ངེས་པར་འབྱུང་བའི་ཚུལ་ལས་གང་གི་ཆེད་དུ་མཛད་པ་ན་ཡང
201a7 བྱུང་བའི་གཏམ་རྒྱུད་བརྗོད་པའི་ཆོས་ཀྱི་ཕྱག་རྒྱ་ཡེ་ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་དགུ་པའོ། ། །།དེ་ནས་ཡང་ལང་ཀའི་མངའ་བདག་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སྔོན་དུ་བྱུང་བའི་ཚིག་བཅུ་གཉིས་པའི་བཅུ་པའི་ལུང་ཆེན
iiif viewer powered by OpenSeadragon
