| e-texts navigator |
| Wylie |
199b1 རྡོ་རྗེ་དམ་པ་དབྱེ་བའི་མཆོག་།ལོག་ལྟ་ཡང་དག་ལྟ་དབྱེ་བྱས། །ཕྲ་མ་རྡོ་རྗེ་ཡིད་བཅུག་ནས། །རྡོ་རྗེ་གསང་བར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་ལྷ་མ་ཡིན་ལ་སོགས་པ་གང་ང་རྒྱལ་ཅན་གྱི་ཆེད་དུ་གདུལ་དཀའ་རྡོ་རྗེ་མཛད་པ་འདི
199b2 གསུང་བར་མཛད་དོ། །རྡོ་རྗེ་གདུལ་དཀའ་མ་ལུས་པ། །གནོན་པ་བརྩེགས་པའི་རི་བོ་ཆེ། །ང་རྒྱལ་རྡོ་རྗེ་ཡིད་བཅུག་ནས། །རྡོ་རྗེ་ཐེག་པར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་སྲིན་པོ་ལ་སོགས་པ་ཤ་ཟ་རྣམས་ཀྱི་ཆེད་དུ་རྔམ་པ་རྡོ་རྗེ་མཛད་པ
199b3 འདི་གསུང་བར་མཛད་དོ། །རྡོ་རྗེ་ཟ་བ་མ་ལུས་པ། །ཐམས་ཅད་ཟ་བར་བྱེད་པ་ཉིད། །རྔམ་པ་རྡོ་རྗེ་ཡིད་བཅུག་ནས། །ཐེག་པ་ཆེན་པོར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་མཁའ་འགྲོ་ལ་སོགས་པ་གང་། །ཕྲ་མེན་མ་དག་གི་ཆེད་དུ་རྡོ་རྗེ་ཨ་མྲྀ
199b4 ཏ་མཛད་པ་འདི་གསུང་བར་མཛད་དོ། །རྡོ་རྗེ་བཤང་གཅི་ཨ་མྲྀ་ཏ། །བཏུང་བ་མ་ངེས་པ་ཡི་ཐབས། །ཕྲ་མེན་རྡོ་རྗེ་ཡིད་བཅུག་ནས། །རྡོ་རྗེ་གསང་བར་རབ་ངེས་པའོ། །ལང་ཀའི་བདག་པོ་ཡང་སྐྱེས་བུ་དམ་པ་དེས་མཐའ་ཡས་རྡོ་རྗེ་མཛད་པ་འདི་གསུང་བར་མཛད
199b5 དོ། །མཐའ་ཡས་འཇིག་རྟེན་རྡུལ་སྙེད་ན། །ལོག་རྟོག་མི་མཐུན་རྡུལ་ཕྲན་སྙེད། །གཉེན་པོ་རྟོག་འདུལ་དེ་སྙེད་ཀྱིས། །རྡོ་རྗེ་ཐེག་ཆེན་དབྱིངས་སུ་སྦྱོར། །མཐའ་ཡས་གཡོ་རྡུལ་སྣ་ཚོགས་པ། །གང་ལ་མོས་པ་དེ་གསུངས་པས། །སེམས་ཅན་རྡོ་རྗེ་ཡིད
199b6 བཅུག་ནས། །སེམས་ཉིད་ཐེག་ཅན་རབ་ངེས་པའོ། །ལང་ཀའི་བདག་པོ་དེ་དག་ནི་གསུང་གི་མཛད་པ་གང་གི་ཆེད་དུ་མཛད་དོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གསུང་གི་མཛད་པ་ཡོངས་སུ་རྫོགས་པའི་ལེའུ་སྟེ་བཞི
199b7 བཅུ་པའོ། ། །།དེ་ནས་གསང་བ་པའི་བདག་པོ་དེས་ལང་ཀའི་བདག་པོ་ལ་སྨྲས་པ། ལང་ཀའི་བདག་པོ་གཞན་ཡང་གང་གི་དོན་དུ་ཐབས་ཇི་ལྟར་ཡང་མཛད་པ་ནི་འདི་ལྟ་སྟེ། གང་གི་ཡུལ་ཐ་དད་མཐའ་ཡས་པའི་ཕྱིར། །མཛད་པ་ཡང་ཐ་དད
iiif viewer powered by OpenSeadragon
