| e-texts navigator |
| Wylie |
198a1 ལྷག་མཐོང་དང་། ཞེན་པའི་ཆེད་དུ་ལས་མཐའོ། །ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་སངས་རྒྱས་གསུམ་སྣང་བ་མཛད་པ་ནི་འདི་ལྟ་སྟེ། མི་སྣང་བའི་ཆེད་དུ་འདུས་མ་བྱས་ཀྱི་སངས་རྒྱས་དང་། སྣང་བའི་ཆེད་དུ་འདུས་བྱས་ཀྱི
198a2 སངས་རྒྱས་དང་། ཞེན་པའི་ཆེད་དུ་གཟུགས་ཀྱི་སངས་རྒྱས་དང་གསུམ་མོ། །ལང་ཀའི་བདག་པོ་གྲོང་ཁྱེར་གསུམ་གྱི་རྐྱེན་གྱིས་སེམས་ཅན་གསུམ་སྟེ། དེ་ཉིད་གོལ་བའི་རྐྱེན་གྱིས་གཟུགས་མེད་པའི་སེམས་ཅན་དང་། དེ་འཛིན་གོལ་བའི་རྐྱེན་གྱིས
198a3 གཟུགས་ཀྱི་སེམས་ཅན་དང་། དེ་འཇུག་ཞེན་པའི་རྐྱེན་གྱིས་འདོད་པའི་སེམས་ཅན་ནོ། །ལང་ཀའི་བདག་པོ་གྲོང་ཁྱེར་གསུམ་གྱི་རྐྱེན་གྱིས། །ལུས་གསུམ་བསྟན་པ་ནི་མེད་པ་དང་། རགས་པ་དང་། ཕོ་མོ་དང་། མ་ནིང་ངོ་། །ལང་ཀའི་བདག་པོ་འདོད
198a4 པའི་རྐྱེན་གྱིས་གང་གི་ཡབ་ཡུམ་དང་། སྲས་རྒྱུད་དང་། འདོད་པ་ལྔ་ལ་ལོངས་སྤྱོད་པ་ལྟར་སྣང་ངོ་། །དེ་ཡང་དེ་བཞིན་གཤེགས་པའི་ཡུམ་དུ་དེ་བཞིན་གཤེགས་པ་ཉིད་མཛད་པ་དང་། དེ་བཞིན་གཤེགས་པའི་སྲས་སུ་དེ་བཞིན་གཤེགས་པ་མཛད
198a5 དེ། ལྷུམས་སུ་ཞུགས་པ་དང་། དེ་ན་ཡང་དེ་ཁོ་ན་ཉིད་གསང་བ་དམ་པ་ཐེ་ཚོམ་གཅོད་པ་དང་། སླར་ལོག་པ་དང་། ཞུ་བ་དང་། ཞུ་བར་སྡོག་པ་དང་། གནང་བ་དང་། བྱེ་བ་དང་། བྱེ་བ་སྙེད་དུ་འཇུག་པར་མཛད་དོ། །ལང་ཀའི་བདག་པོ་གྲོང་ཁྱེར
198a6 གསུམ་གྱི་ཆེད་དུ་བསྟན་པ་གསུམ་སྟེ། དེ་ཉིད་ཀྱི་རྐྱེན་གྱིས་ཐེག་པ་ཆེན་པོ་དང་། དེ་འཛིན་གྱི་རྐྱེན་གྱིས་ཐེག་པ་སྣ་ཚོགས་དང་། དེ་འཇུག་གི་རྐྱེན་གྱིས་ཐེག་པ་ཆུང་ངུ་སྣང་བར་མཛད་དོ། །ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་ཏིང་ངེ་འཛིན
198a7 གསུམ་སྣང་བ་ནི་འདི་ལྟ་སྟེ། དེ་ཉིད་ཀྱི་ཆེད་དུ་དེ་བཞིན་ཉིད་ཀྱི་ཏིང་ངེ་འཛིན་དང་། དེ་འཛིན་གྱི་ཆེད་དུ་ཀུན་དུ་སྣང་གི་ཏིང་ངེ་འཛིན་དང་། དེ་འཇུག་གི་ཆེད་དུ་རྒྱུའི་ཏིང་ངེ་འཛིན་ཏོ། །ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་མཆོད་རྟེན་གསུམ་སྣང
iiif viewer powered by OpenSeadragon
