| e-texts navigator |
| Wylie |
197b1 སེམས་ཅན་དང་། ཕོ་མོ་དང་། རིགས་རྒྱུད་དང་། གཟུགས་སྣ་ཚོགས་དང་། བསྟན་པ་སྣ་ཚོགས་དང་། མཚོན་པ་དང་། དཔེ་ཐ་དད་པ་དང་། མཛད་པ་སྣ་ཚོགས་དང་། རྗེས་སུ་དཔག་པ་ལ་སོགས་པ་ཇི་སྙེད་པ་མང་པོ་འདི་དག་གང་གི་ཆེད་དུ་མཛད་པ
197b2 སྣང་བ་ལགས་ཞེས་ཡོངས་སུ་དྲིས་པ་ལས། གསང་བ་པའི་བདག་པོས་སྨྲས་པ། ཀྱེ་ལང་ཀའི་བདག་པོ་ཡོངས་སུ་དྲི་བ་ཆེན་པོ་འདི་ནི་ལེགས་སོ། །རབ་ཏུ་ལེགས་སོ། །གང་ཅི་ཡང་མེད་པ་ལས་ཅིར་ཡང་སྣང་བའི་དོན་འདི་ནི་དེའི་རང་བཞིན་དེ་ཡིན་པའི
197b3 ཕྱིར་ཏེ། གྲོང་ཁྱེར་ཆེན་པོ་གསུམ་གྱི་ཆེད་དུ་མཛད་པ་ཐ་དད་པར་སྣང་བ་འབའ་ཞིག་གོ། །གྲོང་ཁྱེར་གསུམ་གང་ཞེ་ན། འདི་ལྟ་སྟེ། ཕྱེད་སྣང་གི་གྲོང་ཁྱེར་དང་། ཀུན་སྣང་གི་གྲོང་ཁྱེར་དང་། མི་སྣང་བའི་གྲོང་ཁྱེར་རོ། །ལང་ཀའི་བདག་པོ་གྲོང
197b4 ཁྱེར་གསུམ་ཉིད་ཆོས་ཉིད་ཡིན་པས་ན་དེ་ལ་ནི་ཆོས་ཀྱི་དབྱིངས་ཞེས་བྱའོ། །དེ་ཅིའི་ཕྱིར་ཞེ་ན། ཆོས་ཀྱི་དབྱིངས་གང་ཡིན་པ་དང་། གྲོང་ཁྱེར་གསུམ་གྱི་རང་བཞིན་གང་ཡིན་པ་འདིར་གཅིག་པའི་ཕྱིར་ཏེ། ཐམས་ཅད་འབྱུང་བའི་སྒོ་དང་། གནས་སུ་གྱུར
197b5 པ་ཁོ་ནའོ། །ལང་ཀའི་བདག་པོ་གྲོང་ཁྱེར་གསུམ་གྱི་ཆེད་དུ་སྒོ་གསུམ་དུ་སྣང་བ་ནི་འདི་ལྟ་སྟེ། གཟུངས་ཀྱི་སྒོ་དང་། རིག་པའི་སྒོ་དང་། གསང་བའི་སྒོའོ། །ལང་ཀའི་བདག་པོ་གཟུངས་ཀྱི་སྒོ་ཡང་གྲོང་ཁྱེར་གསུམ་གྱི་ཆེད་དུ་གསུམ་སྣང་བ་མཛད་པ་ནི
197b6 འདི་ལྟ་སྟེ། དེ་ཉིད་ཀྱི་རྐྱེན་གྱིས་ཞི་གནས་དང་། དེ་འཛིན་གྱི་རྐྱེན་གྱིས་ལྷག་མཐོང་དང་། དེ་འཇུག་གི་རྐྱེན་གྱིས་ལས་མཐའོ། །ལང་ཀའི་བདག་པོ་རིག་པའི་སྒོ་ལ་ཡང་གྲོང་ཁྱེར་གསུམ་གྱི་ཆེད་དུ་གསུམ་སྣང་བ་མཛད་པ་ནི་འདི་ལྟ་སྟེ། མི་སྣང་བའི་ཆེད
197b7 དུ་ཞི་གནས་དང་། །སྣང་བའི་ཆེད་དུ་ལྷག་མཐོང་དང་། ཞེན་པའི་ཆེད་དུ་ལས་མཐའོ། །ལང་ཀའི་བདག་པོ་གསང་བའི་སྒོ་ལ་ཡང་གྲོང་ཁྱེར་གསུམ་གྱི་ཆེད་དུ་གསུམ་སྣང་བར་མཛད་པ་སྣང་བ་ནི་འདི་ལྟ་སྟེ། །སྣང་བའི་ཆེད་དུ་ཞི་གནས་དང་། སྣང་བའི་ཆེད་དུ
iiif viewer powered by OpenSeadragon
