| e-texts navigator |
| Wylie |
195a1 འདས་པའི་དུས་ན་སྔོན་བྱུང་བ། །བྲམ་ཟེ་བྱམས་ལྡན་ཞེས་བྱ་བས། །གསང་ཆེན་གསང་བའི་སྙིང་པོ་འདི། །མཐོང་བས་མོས་ཏེ་ཀུན་ལ་བལྟས། །དེ་ཡང་རྙེད་པར་མ་གྱུར་ཏེ། །གང་གི་ཕྱོགས་སུ་གནས་ནས་ནི། །ཤིན་ཏུ་ངུས་ནས
195a2 གདུངས་སྔགས་སྨྲེས། །ེ་མའོ་བདག་ནི་ལས་རེ་ཕམ། །སྐྱེས་ནས་རྒས་པར་གྱུར་བར་དུ། །ཡང་དག་གསང་བའི་དོན་བཙལ་ན། །གང་འདི་མ་མཐོང་ལས་རེ་ངན། །ད་ཡང་ཇི་ལྟར་མཐོང་བར་འགྱུར། །བཙལ་བས་རྙེད་པར་ཡོད་མིན་ཏེ། །བདག་ལ་སྟོན
195a3 པ་གང་སུ་ཞིག་། སྒྲ་ཆེར་ངུས་ཏེ་སྨྲས་པ་ལས། །ནམ་མཁའི་ཁམས་ནས་སྒྲ་བྱུང་སྟེ། །སྐལ་དང་ལྡན་པའི་རིགས་ཅན་ཁྱོད། །འདི་ལྟར་ངེས་པའི་བློ་བརྟན་པས། །ཁྱོད་ནི་དོན་གྱི་བགོ་སྐལ་བ། །དུས་གསུམ་རྒྱལ་བ་ཐམས་ཅད་ཀྱིས། །ཁྱོད་ལ་བྱིན་གྱིས
195a4 བརླབ་པ་མཛད། །དེ་བས་མོས་པ་མ་གཡེལ་བར། །དོན་དང་ཕྲད་པའི་ཐབས་དག་ལ། །མཁས་ཤིང་བརྩོན་པར་བྱ་དགོས་ཏེ། །གདོས་པའི་ལུས་ནི་གདོད་བོར་ནས། །སྙིང་པོ་དོན་ལ་ངེས་བལྟས་ན། །དེ་མ་ཐག་ཏུ་མཐོང་བར་འགྱུར། །དེ་སྐད་ལུང་བསྟན
195a5 ཐོས་ནས་ནི། །དགའ་བས་མོས་པ་ཆེར་གཡོས་ཏེ། །ཇི་ལྟར་བསྟན་པ་དེར་བལྟས་པས། །རིགས་ཆེན་འཛིན་པའི་སྲས་སུ་གྱུར། །དེ་འདྲའི་ཚུལ་བྱུང་མོས་པར་སྤྱོད། །གསང་བའི་བདག་པོ་འདི་ལྟ་སྟེ། །མཐོང་ལ་སྐལ་ལྡན་འདིར་ཞུགས་ཏེ། །ཐམས་ཅད་དུ
195a6 ཡང་དེ་བཞིན་ཏེ། །ཏོག་གི་རྩེ་མོར་གྱུར་པ་བཞིན། །ཡོངས་ཀྱིས་ནུབ་པ་མ་ཡིན་ནོ། །དེ་ཡང་ཇི་ལྟ་བུ་ཞེ་ན། །དགེ་བའི་རྒྱལ་པོ་ཞེས་བྱ་བ། །ལྷ་བུ་ཁྲི་ཚོ་བཅུ་དང་བཅས། །སྙིང་པོ་གསང་བར་རྣལ་འབྱོར་ལ། །རིན་ཆེན་འོད་ལྡན་གཙུག་འཛིན་དུ། །ཤིན
195a7 ཏུ་དང་བས་དགེར་གཡོས་ཏེ། །ལྷ་རྫས་ཡོ་བྱད་མང་པོ་དང་། །བཅས་ནས་དམ་པའི་དྲུང་དུ་དོང་། །དགའ་བས་འདུན་པའི་ཚུལ་བཟུང་ནས། །སྙིང་པོ་གསང་བའི་དོན་ལ་ཞུགས། །ཆོ་འཕྲུལ་ཆེན་པོ་བཞི་ཐོབ་སྟེ། །ལྷ་གནས་ཀུན་དུ་བགྲོད་པ་དང་། །འབྱུང
iiif viewer powered by OpenSeadragon
