| e-texts navigator |
| Wylie |
190a1 ཞེ་ན། །འདས་པའི་དུས་ན་སྔོན་བྱུང་བ། །བདག་ཉིད་གཅིག་པུར་ཆོས་སྨྲ་བ། །ལོག་ཕྱོགས་གཅིག་པུར་སྤྱོད་པའོ། །གང་དུ་དམུས་ལོང་ལམ་ཞུགས་པ། །ཡིད་ཀྱིས་གོམ་པའི་ཚད་དཔགས་ནས། །ཉམ་ངའི་ལམ་དུ་རྒྱུག་པ་ལྟར། །ཚོད
190a2 དཔགས་ཙམ་ལ་གཙོར་འཛིན་འབྱུང་། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གང་དུ་མུན་པས་ཟིན་པ་ཡི། །བརྟུལ་ཞུགས་མཆོག་འཛིན་ལྔ་སྡེ་པའོ། །ལུང་མེད་རྣལ་འབྱོར་སྒོམ་པ་དང་། །ཆོས་མེད་ཆོས་སུ་སྨྲ་བ་དང་། །སྡིག་ཅན་སྨྱོན་པའི
190a3 བརྟུལ་ཞུགས་ལ། །དཔལ་བརྟུལ་སྤྱོད་པ་ཆེར་སྤྱོད་འབྱུང་། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གང་གི་ཚད་མས་མ་གཞལ་བའི། །མུ་ཅོར་སྨྲ་བ་སྡེ་བཞི་པའོ། །དོན་མེད་འདུག་ལ་བརྩོན་པ་དང་། །ལུགས་མ་ལ་སོགས་གཟུགས་བརྙན་དག་།
190a4 དམིགས་པའི་མཚན་མར་འཛིན་པ་ཡི། །གང་དུ་རིགས་པའི་རི་བོ་འབྱུང་། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གང་དུ་རྒྱུ་བ་ཀུན་བཀག་པ། །མཉམ་པར་འཇུག་པ་བདུན་སྡེ་པའོ། །སྦས་པའི་དོན་རྣམས་སྒྲར་བསྒྱུར་ནས། །དཔྱོད་ཁོངས
190a5 ཙམ་དུ་བྱེད་པ་རྣམས། །སྟེང་དུ་མི་འབབ་གོལ་སར་འགྲོ། །སྐུ་གསུང་ཐུགས་ཀྱི་སྤུ་བྱེད་ཡིན། །ལང་ཀའི་བདག་པོ་དེ་ལྟར་ན། །དེ་སྐད་གསང་བ་མཆོག་དེས་བཤད། །གཞན་ཡང་ཐབས་ལྡན་འདི་ལྟ་སྟེ། །དེ་ནས་འཁོར་དེར་འདུས་གྱུར་པའི། །རྣལ་འབྱོར
190a6 ཐེག་པ་མཆོག་སྤྱོད་པའི། །ཚངས་པའི་འོད་ཅེས་བྱ་བ་ལ། །གང་དེར་མོས་པ་ཆུང་སྤྱོད་པའི། །རྣལ་འབྱོར་གྲགས་ལྡན་ཞེས་བྱ་བས། །འདི་སྐད་གལ་དུ་དྲི་བ་དྲིས། །དམ་པར་སྤྱོད་པ་ཚངས་པའི་འོད། །གང་འདིར་དམ་པ་སྤྱོད་དོ་ཞེས། །ཤིན་ཏུ་དམན་པའི་ལས
190a7 སྤྱོད་པ། །དེ་ཡི་སྨན་པ་ཐ་དད་ཕྱིར། །མུན་པ་སྣང་བར་མི་འགྱུར་ཞིང་། །དམན་པ་དམ་པར་ག་ལ་འགྱུར། །དཔེར་ན་མཐོ་སར་བགྲོད་འདོད་པ། །གཞོལ་ཕྱོགས་ལམ་དུ་འབབ་པ་བཞིན། །གོ་འཕང་ཆེན་པོ་མཐོང་འདོད་པ། །ངན་འགྲོ་ཡ་ངའི་རྒྱུད་དུ་ཞུགས། །
iiif viewer powered by OpenSeadragon
