| e-texts navigator |
| Wylie |
189b1 དེ་མིན་འདྲ་གཞན་སྤྱོད་པའོ། །གང་དུ་འདི་ལྟར་ལོག་པའི་ཆོས། །གསང་སྔགས་དམ་པའི་ཚིག་དང་སྒྲ། །གཅིག་ལ་མི་གཅིག་སོ་སོ་ལ། །རྨོངས་པའི་མུན་པར་གང་སྤྱོད་པ། །སྔགས་པ་བདུད་ཀྱི་ལས་བྱེད་དེ། །ཤི་ནས་དམྱལ་བ་ཆེན་པོར་འགྲོ། །ཅི་ཕྱིར་ལྟ
189b2 བས་མ་ཟིན་ཕྱིར། །བདུད་དང་སྲིན་པོའི་སྤྱོད་པ་ལ། །དགའ་མགུར་སྤྱོད་ཅིང་འདོད་དགུར་འཇོལ། །དེ་ལ་བག་ཆགས་ཞེན་པའི་མཐུས། །དམྱལ་བར་འབར་བ་བརྒྱད་ཀྱི་ཡང་། །རྡོ་རྗེ་དམྱལ་བ་ཆེན་པོར་ལྷུང་། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན
189b3 བྱུང་བ། །ལོག་པའི་སྟོབས་ལྡན་ཡ་མཚན་ཅན། །ལོག་ཞེན་སྡུག་བསྔལ་སྤྱི་གཙུག་པའོ། །ེ་མའོ་འགྲོ་བ་རྣམ་མི་གྲོལ། །ཅི་ཕྱིར་འོང་བའི་དུས་རྣམས་སུ། །གཡོ་ཅན་བཅོས་པའི་གསང་ཚིག་གིས། །དྲི་མེད་གསང་བའི་བསྟན་པ་རྣམས། །དཀྲུགས་འགྱུར
189b4 བཀའ་བསླད་གཞུང་བོར་ནས། །དོན་མེད་ལོག་ཆོས་རྒྱས་པར་འགྱུར། །གཞན་ནས་བྱུང་བ་མ་ཡིན་ཏེ། །རྩ་བ་ཉིད་ལས་གྱུར་པར་ཟད། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །འདི་བར་མ་གྱུར་བསླད་པ་ཅན། །དེ་རྒྱུད་ངན་པས་དེ་ཉིད
189b5 བསླད། །ང་ཡི་ཡིད་བཞིན་ནོར་བུ་འདི། །ཅིར་ཡང་སྟོན་ལ་དཔག་དཀའི་ཕྱིར། །མ་འོངས་དུས་ན་ལོག་སྤྱོད་ཀྱིས། །ལོག་བརྟགས་ལོག་སྡེ་མང་པོ་འབྱུང་། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །ལམ་ལོག་ལམ་སྟོང་ལམ་ཉེས
189b6 པ། །ལོག་ཞེན་ལོག་སྡེ་དྲུག་བརྒྱུད་པའོ། །གང་ལ་ལོག་ཞེན་ལོག་དབང་གིས། །ལོག་བློས་ལོག་མཐོང་གཙོར་བཟུང་ནས། །ལྟ་སྒོ་ཀུན་དུ་མི་འཇུག་ཅིང་། །རྨོངས་པའི་ལྟ་བས་བརྟན་པར་གནས། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན
189b7 བྱུང་བ། །ལོག་ལྟ་གཅིག་ཏུ་ཞེན་སེམས་པ། །ཆར་ཀ་ནག་པོ་ཀུན་རྨོངས་པའོ། །གང་འདིར་བཅིང་བ་ལྔས་བཅིངས་ནས། །རང་གི་ཆེ་བའི་ཐབས་བཟུང་སྟེ། །རྟོག་དཔྱོད་ཙམ་ཡང་མི་འཇུག་པ། །གླང་ཆེན་མྱོས་པ་རྨོངས་འདྲ་འབྱུང་། །དེ་ཡང་ཇི་ལྟ་བུ
iiif viewer powered by OpenSeadragon
