| e-texts navigator |
| Wylie |
189a1 འདི་ལྟ་སྟེ། བརྒྱུད་དེ་གྲགས་པས་གང་སྤྱོད་པ། །གསང་སྔགས་གསང་བའི་སྙིང་པོ་འདི། །ཇི་ལྟ་དེ་ལྟར་གཏན་ལ་དབབ། །འདི་ནི་ཡང་དག་གསང་བའི་ལམ། །གང་དུ་ལོག་པའི་ཆོས་རྣམས་དང་། །གསང་སྔགས་གསང་བའི་སྙིང་པོ
189a2 གཉིས། །བཏགས་པ་མིང་གི་སྒྲ་གཅིག་ཕྱིར། །ངེས་པའི་རྟགས་དེ་ཟིན་པར་བྱ། །ཐེག་པ་ཆེན་པོའི་གསང་སྔགས་འདི། །མཐུན་འཇུག་ཐབས་ཀྱི་སྒྲར་བསྟན་པས། །ཕྱི་རོལ་གཞན་དུ་འགྱུར་སྲིད་ཕྱིར། །ཚིག་དང་སྒྲ་ལ་དོན་མི་བཞག་།དམ་པ་རྣམས
189a3 ཀྱི་དགོངས་པ་འདི། །དཔེ་འམ་ཚད་མའམ་གཏན་ཚིགས་སམ། །རྗེས་སུ་དཔག་པའི་ཤེས་རབ་ཀྱིས། །རྟོགས་པར་ནུས་པ་མ་ཡིན་ནོ། །དགོངས་དོན་གསང་བའི་སྙིང་པོ་ལ། །གང་གི་བློ་ནི་མ་འབྱོར་པར། །སུ་ཞིག་སྨྲ་བར་བརྩོན་པ་དེ། །མ་སྨྲས་ན་ནི་མི
189a4 འཚོ་འམ་ཅི། །དེ་བཞིན་སྤྱོད་དང་ལྡན་པ་དང་། །སྒྲུབ་དང་རྟོག་དཔྱོད་བྱེད་པ་རྣམས། །དོན་ལ་ངེས་བློ་མ་རྙེད་པར། །མ་སྤྱད་ན་ནི་ཅི་ཞིག་ཉེས། །ཅི་ཕྱིར་གསང་སྔགས་རྒྱ་མཚོ་འདི། །དཔེར་ན་གང་གི་སྦྲིད་བསངས་བཞིན། །དམ་པའི་བཀའ་ཚིག་རེ་རེ་ལའང་། །
189a5 དོན་ནི་ཐ་དད་དུ་མར་འབྱུང་། །དེས་ན་གསང་སྔགས་དམ་པའི་དོན། །མ་རྟོགས་བཞིན་དུ་གང་སྨྲ་བ། །གང་གིས་མཚམས་མེད་ལྔ་བྱས་པས། །ལོག་སྨྲའི་སྡིག་དེ་དེ་བས་ལྕི། །གསང་བ་ཉིད་ལ་གོལ་བ་ཡི། །གསང་བར་སྨྲ་བའི་ལོག་སྲེད་ཅན། །གསང
189a6 སྔགས་ཆོ་གས་ཟིན་གྱུར་ན། །གང་གིས་འཚོ་བ་སྲོག་བཅད་ཀྱང་། །དེ་ནི་ཉེས་པས་མི་འགྱུར་ཞེས། །ལོག་པར་ཁ་ལོ་སྒྱུར་བ་འབྱུང་། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །བྲམ་ཟེ་འཚོ་བའི་ལོག་སྲེད་ཅན། །ལོག་སྨྲ་རྒྱུ་སྤྱོད་དབང
189a7 སྒྱུར་བའོ། །གང་འདིར་ལོག་པར་སྤྱོད་རྒྱས་པས། །ཀུན་ཀྱང་ལོག་པ་ཉིད་ལ་འཇུག་།དེ་ལ་གསང་བར་སྒྲ་མཚོན་ནས། །གསང་སྔགས་དེ་ལ་མངོན་སྤྱོད་འབྱུང་། །དེ་ཡང་ཇི་ལྟ་བུ་ཞེ་ན། །འདས་པའི་དུས་ན་སྔོན་བྱུང་བ། །གང་དུ་གཞན་འབྱུང་ལོག་སྲེད་ཅན། །
iiif viewer powered by OpenSeadragon
