| e-texts navigator |
| Wylie |
185b1 ཡིས། །རྣམ་པར་གྲོལ་བར་མི་འགྱུར་ཏེ། །འདི་ནི་བདུད་ཀྱི་ལས་ཞེས་བཤད། །ཆགས་པའི་ལས་སམ་སྦྱོར་བ་དག་།ཆགས་པའི་དབང་གིས་དེར་རྨོངས་ཏེ། །དེ་དག་དེ་ཡི་གྲོང་ཁྱེར་དུ། །གནས་འགྱུར་དེ་ཡི་སེམས་ཅན་ཡིན། །གང་དུ་སྡང་བས་གསོད
185b2 པའི་ལས། །གང་གི་ལུས་ལ་སྲོག་ཕྲལ་ནས། །ཤན་པ་གསོད་པའི་རིགས་དག་ཏུ། །ལྟུང་འགྱུར་སྡུག་བསྔལ་རྩ་བ་ཡིན། །རྒྱལ་བ་རྣམས་ནི་རྣམ་དག་པས། །གང་ཚེ་བདེར་གཤེགས་རྒྱལ་བའི་ཞལ། །སྨད་པའི་རྫས་ནི་སྣ་ཚོགས་ཀྱིས། །ཡོངས
185b3 སུ་བསྟབས་པ་གང་བྱས་པ། །དེ་ཚེ་ལས་ནི་རྣམ་སྨིན་གྱིས། །ཐར་མེད་ནད་ཀྱིས་བཟུང་ནས་ནི། །ངན་སྐྱུགས་འདམ་དུ་བྱིང་བར་འགྱུར། །ཤ་དང་ཁྲག་ལ་སོགས་པའི་ཟས། །རྐུ་བའི་རྔད་ཟས་ཆེན་པོ་སྟེ། །གང་གིས་ཟོས་པའི་ལུས་རྣམས་ལ། །དྲི
185b4 ཡིས་འཚོ་བ་ཀུན་འདུས་ནས། །མདངས་དང་བཅུད་རྣམས་འཕྲོག་པར་བྱེད། །དེས་ནི་གཟི་མདངས་ཡལ་བྱེད་འགྱུར། །དེ་ཉིད་རིན་ཆེན་ཡོད་བཞིན་དུ། །གཞན་གྱི་རིན་ཆེན་སྤྱོད་ལེན་པ། །ལོག་པས་ལོག་པར་འཚོ་བའི་ཆོས། །འདི་དག་མདུད་པ་དམ
185b5 པོ་ཡིན། །དཀར་ནག་ལས་ལ་ཁྱད་མེད་ཅེས། །ཐམས་ཅད་ཁྲ་བོར་སྤྱོད་པ་ནི། །རིགས་མེད་རིགས་ཆད་ལོག་པའི་རིགས། །འབྲས་བུ་ལོག་པའི་ཁམས་སུ་འགྱུར། །བདེར་གཤེགས་མཉེས་བྱའི་ལས་རྣམས་ལ། །ཡན་ལག་ཚིག་ཏུ་མ་དག་ན། །
185b6 ཉེས་བྱས་ལས་ཀྱི་རྒྱུ་དེས་ནི། །གང་གི་དུས་རྣམས་ཐམས་ཅད་དུ། །དབང་པོ་ཡན་ལག་མ་ཚང་ཞིང་། །དྲན་པའི་སྙིང་པོ་ཉམས་པར་འགྱུར། །བདེར་གཤེགས་རྒྱལ་བ་སྒོམ་ཟློས་པ། །ཆ་མཐུན་བཅོས་པའི་ཆོ་འཕྲུལ་ལྟར། །གང་གིས་དེར་བརྟགས
185b7 དེར་རེད་ནས། །ལས་ཀྱི་སྲིན་པོ་རིག་འཛིན་ཡིན། །རྒྱན་དང་ཆ་ལུགས་ཐམས་ཅད་ཀུན། །གང་གིས་དེ་དང་དེར་བརྟགས་ན། །བྲམ་ཟེ་མི་སྡུག་ལུགས་རིག་འཛིན། །ཆུ་སྲིན་ཉ་སོགས་ཡན་ལག་འབྱུང་། །ཏིང་འཛིན་རྟོག་པ་ཐམས་ཅད་ཀུན། །གང་གིས
iiif viewer powered by OpenSeadragon
