| e-texts navigator |
| Wylie |
184a1 པའི་ཚོགས་ཀྱིས་འདི་སྐད་ཅེས་གསོལ་ཏོ། །ངག་གི་དབང་ཕྱུག་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། གཞན་གྱིས་དཔག་པར་དཀའ་བའི་ཕྱིར། །ངག་གི་སྤྲུལ་པ་འཚམ་སྨྲ་བ། །སླུ་བ་ཆེན་པོའི་མཆོག་ཡིན་ཏེ། །བདག་ཅག
184a2 རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ། །དེ་ནས་ལོག་སྲེད་ཅན་གྱི་ཚོགས་ཀྱིས་འདི་སྐད་ཅེས་གསོལ་ཏོ། །སྐྱེས་བུ་ཡང་དག་ཆེན་པོ་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། ཡང་དག་ངང་དུ་ཀུན་རིག་ན། །ཆེ་ཆུང་ལས་གཉིས་གང་བྱས་ཀྱང་། །
184a3 གཉིས་ཀྱི་དབང་དུ་མི་འགྱུར་ན། །བདག་ཅག་རྣམས་ཀྱི་དམ་ཚིག་དེ་ལགས་སོ་ཞེས་གསོལ་ཏོ། །དེ་ནས་གསང་ཚིག་བསྟེན་པའི་ཚོགས་ཀྱིས་གསོལ་པ། གསང་བའི་རྣལ་འབྱོར་བདག་ཅག་རྣམས་ཀྱི་དམ་ཚིག་ནི་འདི་ལྟ་སྟེ། བཤང་གཅི་ཁྲག
184a4 དང་སོལ་ཁུ་གོས། །བརྒྱ་འམ་སྟོང་དུ་གྱོན་ནས་ནི། །ལིང་ག་གཅད་ན་སངས་རྒྱས་འཇིགས། །གསང་སྔགས་གསང་བའི་དམ་ཚིག་གོ་ཞེས་གསོལ་ཏོ། །དེ་ནས་བཅོམ་ལྡན་འདས་ཀྱིས་གང་མ་འདྲེས་པ་ཡོངས་སུ་མི་འགོག་པའི་དམ་ཚིག་བཀའ
184a5 སྩལ་པ། གང་འདིར་འདུས་པའི་སྐལ་ལྡན་ཀུན། །སོ་སོའི་མོས་པ་ཐ་དད་པའི། །ཡིད་བཞིན་ནོར་བུ་དམ་ཚིག་ནི། །ཡོངས་སུ་རྫོགས་པར་བླང་བར་བྱོས། །གཞན་གྱི་སྡེ་པ་འཇོམས་བྱེད་ཅིང་། །མཚམས་མེད་ལྔ་པོ་སྤྱོད་བཞིན་དུ། །བདག་ཉིད
184a6 ཆེན་པོར་དམིགས་པ་དེ། །སངས་རྒྱས་འགྲུབ་པའི་སྣོད་དུ་གསུངས། །མ་དང་བུ་མོ་སྲིང་མོ་དང་། །རྒྱུ་བའི་བུད་མེད་ཐམས་ཅད་ལ། །འདོད་པ་བས་ནི་ཆགས་སྤྱད་ན། །དེ་དག་འགྲུབ་པའི་སྣོད་དུ་གསུངས། །གསོད་ལ་དགའ་བ་གང་དག་གིས། །
184a7 སྲོག་གི་དབང་པོ་རྒྱུན་བཅད་ནས། །ཤ་རུས་ཟ་ཞིང་ཁྲག་འཐུང་བ། །ཡང་དག་དམ་ཚིག་ཆེན་པོ་ཡིན། །ནོར་གྱི་བདག་པོའི་གཏེར་ཁུངས་ནས། །གསེར་ལ་སོགས་པ་མ་བྱིན་པར། །བླངས་ནས་འདོད་པའི་ལོངས་སྤྱོད་པ། །འདི་ནི་ཡང་དག་དམ་ཚིག
iiif viewer powered by OpenSeadragon
