| e-texts navigator |
| Wylie |
181b1 འོ་མའི་རྒྱ་མཚོ་ཇི་སྙེད་དུ། །སེང་གེའི་འོ་མ་གཅིག་བླུགས་རླག་པ་ལྟར། །ལས་དང་ཉོན་མོངས་སྡུག་བསྔལ་རྒྱ་མཚོར་ནི། །གསང་ཉིད་སྐད་ཅིག་སྣང་བས་ཐམས་ཅད་མེད། །འཁོར་ལོས་སྒྱུར་རྒྱལ་གང་རྟེན་འཇིགས་མེད་ལྟར། །གསང་ཉིད་ངེས་ལ་ལོག་པའི
181b2 དགྲས་མི་འཇིགས། །རྡོ་རྗེ་ཉམས་ཀྱང་རིན་ཆེན་ཟིལ་གནོན་ཅིང་། །རིན་ཆེན་མི་བརླག་དབུལ་བའི་སྡུག་བསྔལ་སེལ། །གསང་ཉིད་རྡོ་རྗེ་སྙིང་པོ་ཉམས་འགྱུར་ཡང་། །ཉན་ཐོས་ལ་སོགས་དབུ་མ་ཟིལ་གནོན་ཅིང་། །གསང་ཉིད་ངེས་སྣང་ཆོས་ཀྱི་དབུལ་བ་སེལ། །
181b3 སེང་གེ་ཕྲུག་གུའི་དྲིས་ནི་གར་ཁྱབ་པར། །གང་དག་མི་བཟོད་ཐམས་ཅད་འབྲོས་པར་འགྱུར། །སྙིང་པོ་དོན་ལ་རིག་པའི་མཐུ་མེད་ཀྱང་། །སེམས་བསྐྱེད་ཙམ་གྱིས་དབུ་མ་ཟིལ་གྱིས་གནོན། །ལོག་པའི་དགྲ་རྣམས་ཟིལ་གནོན་སྐྲག་འགྱུར་ཞིང་། །རང
181b4 རང་གནས་ནས་ཟུག་རྔུས་གཟིར་བར་འགྱུར། །སྐྱེས་བུ་རྐང་ལག་བཅད་དེ་ཉམས་ཀྱང་འཚོ། །ཇི་ལྟར་སྙིང་ཕྱུང་འཚོ་བའི་གླགས་མེད་ལྟར། །ཡན་ལག་ལྟ་བུའི་དབུ་མ་ཉམས་ཀྱང་འཚོ། །སྙིང་དང་འདྲ་བའི་གསང་ཉིད་མེད་ན་རླག་།གང་ཞིག་རྡོ་རྗེ་སྙིང་པོ
181b5 གསང་འཛིན་པ། །ཤིང་རྟ་ལ་སོགས་རྟ་ལ་འདུག་སྤྱོད་པ། །དེ་ཡི་བྱ་བ་བྱེད་པ་གཞན་མེད་ལྟར། །དེ་ཡི་རྟ་སྟེགས་རྒྱལ་བའི་དབུས་བཀུར་མཛད། །དབུ་མ་རྣམ་ཐར་གསུམ་སྒོར་བསྐལ་སྤྱད་ཀྱང་། །དེ་ལ་རྒྱལ་བ་མི་དགོངས་བཀུར་མི་མཛད། །སྙིང་པོ
181b6 དོན་རིག་སྐད་ཅིག་ཙམ་གྱིས་ཀྱང་། །བྱིན་བརླབས་ཡོན་ཏན་རྒྱལ་བས་བཤད་མི་རྫོགས། །དཀར་པོ་མཐའ་ཐུག་བསོད་ནམས་ཀུན། །སེན་མོ་ཐོག་གི་ས་རྡུལ་འདྲ། །རྡོ་རྗེ་སྙིང་པོར་གཅིག་སྐྱེད་པ། །ས་ཡི་དཀྱིལ་འཁོར་ཆེན་པོ་ཙམ། །དཀར་པོ
181b7 ཕྱོགས་ཀྱི་མཐའ་ཐུག་པ། །དེ་ནི་མུན་ཁང་སྒྲོན་མེ་ཙམ། །རྡོ་རྗེ་སྙིང་པོར་གཅིག་རིག་པ། །དུས་མཐའི་བསྐལ་པའི་མེ་ཆེན་འདྲ། །དབུ་མར་སྣང་བའི་ནམ་མཁའ་ནི། །གང་གི་གསེང་ཁུང་ནམ་མཁའོ། །རྡོ་རྗེ་གསང་བའི་ནམ་མཁའ་ནི། །འབྱུང
iiif viewer powered by OpenSeadragon
