| e-texts navigator |
| Wylie |
178b1 ཁྱབ་དབྱིངས་ལས་ནི། །སྨྲ་བའི་ཕྲེང་བའི་འོད་ཟེར་ཤར། །སྨྲ་བའི་ཡེ་ཤེས་ལས་བསྒྲུན་ན། །འདྲེན་པ་སྤྲུལ་པའི་ས་བོན་འབྱུང་། །དཔག་མེད་རྒྱལ་བའི་སྐུ་གསུང་ཐུགས། །ཡི་གེ་སྤྲུལ་པ་དེ་ཉིད་ཡིན། །མ་སྐྱེས་པ་ཡི་ཐུགས་ཉིད་དེ། །དང་པོ་མགུར་གྱི་གཟུགས
178b2 བརྙན་ཏེ། །གཉིས་པ་ལྗགས་ཀྱི་གཟུགས་བརྙན་ཡིན། །གསུམ་པ་རྩེ་མོ་ལས་བྱུང་བ། །བཞི་པ་འབྱུང་བའི་སྒྲོས་ལ་ཤར། །ལྔ་པ་གསུང་གི་རྒྱུན་ལམ་ཡིན། །ཐམས་ཅད་སྡུད་པའི་ཡི་གེ་ཡ། །སྲེག་པ་འབྱུང་བའི་ཡི་གེ་ར། །འཇོམས་པ་ཆེན་པོ་ཡི་གེ་ལ། །
178b3 མུན་པ་སེལ་བའི་ཡི་གེ་ཝ། །མཚན་མ་དག་པའི་ཡི་གེ་ཤ། །སྟོང་པ་ཆེན་པོའི་ཡི་གེ་ཥ། །ཆོ་འཕྲུལ་འབྱུང་བའི་ཡི་གེ་ཀྵ། །རྣམ་པ་ཀུན་གྱི་ཡི་གེ་ས། །འཁོར་བ་གནོན་པའི་ཡི་གེ་ཧ། །འབྱུང་བ་ཀུན་གྱི་ཡི་གེ་ཨ། །བརྗོད་པ་ཀུན་གྱི་ཡི་གེ་ཨྭཱ། །
178b4 ཚད་མེད་པ་དང་ལམ་རྣམས་ཀྱི། ཡི་གེ་བཅུ་དྲུག་རྫོགས་པ་ཉིད། །སྐུ་དང་གསུང་ཐུགས་ཡོན་ཏན་གྱི། །ཚིག་འབྱུང་སྨྲ་བའི་ཡི་གེ་བཞི། །བདུན་དང་བཅུ་གཉིས་གསུང་གི་རྒྱུན། །འབྱུང་བ་ཉིད་དུ་མགོན་པོས་བཤད། །ལང་ཀའི་བདག་པོ་དེ་དག་ནི་ཡི
178b5 གེའི་བྱུང་ཚུལ་དུ་རིག་པར་བྱའོ། །ལང་ཀའི་བདག་པོ་འདི་ལ་ཡི་གེའི་གཟུགས་གང་ཞེ་ན། འདི་ལྟ་སྟེ། གང་ཁ་དོག་དང་དབྱིབས་འབའ་ཞིག་གོ། །ལང་ཀའི་བདག་པོ་དེ་ལ་ཁ་དོག་གང་ཞེ་ན། རང་བཞིན་དང་། རིགས་དང་། སྣ་ཚོགས་དང་། མ་ངེས
178b6 པའོ། །ལང་ཀའི་བདག་པོ་དབྱིབས་ནི་ཐ་དད་པ་སྟེ། འདི་ལྟར་ཨ་འབའ་ཞིག་ལ་ཡང་ཨ་སེང་གེ་གཡལ་བ་ལྟ་བུ་དང་། ཨ་སེང་གེ་བསྒྱིངས་པ་ལྟ་བུ་དང་། ཨ་སེང་གེ་སྒྲ་འབྱིན་པ་ལྟ་བུ་དང་། ཨ་བིན་དུ་ཕུན་སུམ་ཚོགས་པ་ལྟ་བུ་དང་། ཨ་ཨ་མོ་ཀ་རི་ཁ
178b7 འདྲ་བ་དང་། ཨ་འོད་དཔག་ཐིག་ལྟ་བུ་ལ་སོགས་པ་ཐ་དད་དོ། །དེ་བཞིན་དུ་ཀ་ལ་ཡང་ཀ་པི་ཝང་ལྟ་བུ་དང་། ཀ་ཏྲི་ཤཱུ་ལ་ལྟ་བུ་དང་། ཀ་སྤྱང་ཀི་ལྟ་བུ་དང་། ཀ་རུ་སྦལ་ལྟ་བུ་དང་། ཀ་བ་དན་རྩེ་གསུམ་པ་ལྟ་བུ་ལ་སོགས་པ་ཐ་དད་དོ། །གཞན་ཡང་ཁ་ནི་བོང
iiif viewer powered by OpenSeadragon
