| e-texts navigator |
| Wylie |
172b1 དགོངས་པ་ནི་གང་ལགས། གཞི་ནི་གང་ལགས། སྨྲས་པ། ལང་ཀའི་བདག་པོ་དེ་དག་གི་མཛད་པ་ནི་སངས་རྒྱས་ཀུན་གྱི་མཛད་པ་སྟེ་རྒྱུན་གྱི་བྱ་བ་ཅིར་ཡང་སྣང་བའོ། །སྐུ་ནི་སངས་རྒྱས་ཀུན་གྱི་སྐུ་སྟེ་ཡོངས་སུ་སྨིན་པའོ། །དགོངས་པ་ནི་སངས་རྒྱས
172b2 ཀུན་གྱི་དགོངས་པ་སྟེ་རྣམ་པར་དག་པའོ། །གཞི་ནི་སངས་རྒྱས་ཀུན་གྱི་འབྱུང་གནས་ཏེ་དེ་ཉིད་དོ། །ལང་ཀའི་བདག་པོ་དེ་དག་ནི་མང་པོ་དང་། གཅིག་དང་། གཅིག་མང་པོ་དང་། དེ་དག་ལས་འདས་པ་ཞེས་ཀྱང་བྱའོ། །དེ་ཅིའི་ཕྱིར་ཞེ་ན། རྒྱུན་ནི
172b3 སྣ་ཚོགས་དཔག་གིས་མི་ལང་བའི་ཕྱིར་མང་པོ་ཞེས་བྱའོ། །སྨིན་པ་ནི་གང་ཐམས་ཅད་གཅིག་པའི་ཕྱིར་གཅིག་ཅེས་བྱའོ། །རྣམ་པར་དག་པ་ནི་རྒྱུན་དང་སྨིན་པའི་གཞིར་གྱུར་པའི་ཕྱིར་གཅིག་མང་པོ་ཞེས་བྱའོ། །དེ་ཉིད་ནི་དེ་དག་གི་འབྱུང་འཇུག་གིས
172b4 ཟད་འཕེལ་མེད་པའི་ཕྱིར་དེ་དག་ལས་འདས་པ་ཞེས་བྱའོ། །ཡང་ལང་ཀའི་བདག་པོས་དྲིས་པ། གསང་བ་པའི་བདག་པོ་དེ་དག་རྟག་པ་ཞིག་གམ། འོན་ཏེ་མི་རྟག་པ་ཞིག་།ཡོད་པ་ཞིག་གམ། འོན་ཏེ་མེད་པ་ཞིག་།གཅིག་པ་ཞིག་གམ། ཐ་དད་པ
172b5 ཞིག་ཅེས་དྲིས་པ་ལས། གསང་བ་པའི་བདག་པོས་སྨྲས་པ། ལང་ཀའི་བདག་པོ་ཇི་སྐད་དུ་དྲི་བ་དྲུག་ནི་འདི་ལྟ་སྟེ། དེ་དག་ནི་རྟག་པ་ཡང་ཡིན་ནོ། །མི་རྟག་པ་ཡང་མ་ཡིན་ནོ། །རྟག་ཀྱང་རྟག་ལ་མི་རྟག་ཀྱང་མི་རྟག་པ་ཡང་མ་ཡིན་ནོ། །རྟག་པ་ཡང
172b6 མ་ཡིན། མི་རྟག་པ་ཡང་མ་ཡིན་པ་ཡང་མ་ཡིན་ནོ། །དེ་དག་ནི་ཡོད་པ་ཡང་ཡིན་ནོ། །མེད་པ་ཡང་ཡིན་ནོ། །ཡོད་ཀྱང་ཡོད་ལ་མེད་ཀྱང་མེད་པ་ཡང་ཡིན་ནོ། །ཡོད་པ་ཡང་མ་ཡིན། མེད་པ་ཡང་མ་ཡིན་པ་ཡང་ཡིན་ནོ། །གཅིག་པ་ཡང་ཡིན་ནོ། །
172b7 ཐ་དད་པ་ཡང་ཡིན་ནོ། །གཅིག་པ་ཡང་མ་ཡིན། །ཐ་དད་པ་ཡང་མ་ཡིན་པ་ཡང་ཡིན་ནོ། །གཅིག་པ་དང་ཐ་དད་པའི་ངོ་བོ་ལས་གྲོལ་བ་ཡང་ཡིན་ནོ། །ལང་ཀའི་བདག་པོ་དེ་ཅིའི་ཕྱིར་ཞེ་ན། འདི་ལྟ་སྟེ། མི་འགྱུར་ཞིང་གཉེན་པོ་མེད་པ་དང་། གང་འབྱུང་བ་མི
iiif viewer powered by OpenSeadragon
