| e-texts navigator |
| Wylie |
169b1 གསང་བ་པའི་བདག་པོ་འོ་ན་ཅིག་གསང་བའི་དབྱིངས་དེར་ནམ་མཁའ་མ་འདུས་པ་ཞིག་གམ། སྨྲས་པ། ལང་ཀའི་བདག་པོ་དེ་ཇི་སྙམ་དུ་སེམས། གསང་བའི་དབྱིངས་དེར་ནི་ནམ་མཁའ་འདུས་ལ། ནམ་མཁའི་ཁོངས་སུ་ནི་གསང་བའི་དབྱིངས་མ་འདུས་སོ། །
169b2 སྨྲས་པ། གསང་བ་པའི་བདག་པོ་ནམ་མཁའ་གང་ལགས། སྨྲས་པ། ལང་ཀའི་བདག་པོ་ནམ་མཁའ་ནི་གང་གོ་སྐབས་ཡོད་པ་ཁོ་ནའོ། །སྨྲས་པ། གསང་བ་པའི་བདག་པོ་འོ་ན་ཅིག་གསང་བའི་དབྱིངས་དེ་ནམ་མཁས་ཇི་ལྟར་མཚོན་ཏེ་ཤེས་པར
169b3 འགྱུར། སྨྲས་པ། ལང་ཀའི་བདག་པོ་ཆོས་མཐུན་པའི་དཔེ་ཉེ་བར་བཟུང་བ་སྟེ། གང་གི་གོ་སྐབས་ཡོད་པ་དང་མེད་པ་ལ་ཟད་མི་ཤེས་པ་དང་། སྟོང་པ་ལ་ཐམས་ཅད་འབྱུང་བ་སྟེ། ཕྱོགས་ཙམ་དུ་ཆོས་དེ་དག་མཐུན་ཀྱང་རང་རིག་པའི་དཔེར་ནི་ཕྱོགས་མེད
169b4 དོ། །གསང་བའི་དབྱིངས་དེ་ནི་ཐམས་ཅད་རང་རིག་པའི་ཕྱིར་རང་འབྱུང་གི་ཡེ་ཤེས་ཞེས་བྱ་སྟེ། ཡེ་ཤེས་དེ་ལ་ནི་སྐབས་ཁ་ཅིག་ཏུ་ནི་རྣམ་པར་མི་རྟོག་པའི་ཡེ་ཤེས་ཞེས་བྱའོ། །ཁ་ཅིག་ཏུ་ནི་སྟོང་པ་ཉིད་ཀྱི་ཡེ་ཤེས་ཞེས་བྱའོ། །ཁ་ཅིག་ཏུ་ནི་ཆོས
169b5 ཀྱི་དབྱིངས་ཀྱི་ཡེ་ཤེས་ཞེས་བྱའོ། །ཁ་ཅིག་ཏུ་ནི་རྣམ་དག་གསལ་བའི་ཡེ་ཤེས་ཞེས་བྱའོ། །ཁ་ཅིག་ཏུ་ནི་མཉམ་པ་ཉིད་ཀྱི་ཡེ་ཤེས་ཞེས་བྱའོ། །ཁ་ཅིག་ཏུ་ནི་སོ་སོར་རྟོག་པའི་ཡེ་ཤེས་ཞེས་བྱའོ། །ཁ་ཅིག་ཏུ་ནི་བྱ་བ་གྲུབ་པའི་ཡེ་ཤེས་ཞེས
169b6 བྱའོ། །ལང་ཀའི་བདག་པོ་དེ་དག་ལ་ནི་ནམ་མཁའ་ལྟ་བུའི་ཡེ་ཤེས་དང་། མེ་ལོང་ལྟ་བུའི་ཡེ་ཤེས་དང་། ཆེན་པོ་ལྟ་བུའི་ཡེ་ཤེས་དང་། སྣ་ཚོགས་བཀོད་པའི་ཡེ་ཤེས་དང་། ཡིད་བཞིན་ནོར་བུའི་ཡེ་ཤེས་ཞེས་ཀྱང་བྱའོ། །ལང་ཀའི་བདག་པོ
169b7 མེ་ལོང་ནི་ཆོས་མཐུན་པའི་དཔེ་ཉེ་བར་བཟུང་བ་སྟེ། སྐྱོན་སེལ་བ་དང་། ལེགས་པ་སྐྱེད་པ་དང་། གསལ་བར་བྱེད་པ་དང་། གཟུགས་བརྙན་འབྱུང་བ་དང་། རྩོལ་བ་མེད་པ་དང་། མངོན་པར་འདུ་བྱེད་པ་མེད་པ་དང་། ལྡན་པ་མ་ཡིན་པ་དང་། མི་ལྡན་པ་མ
iiif viewer powered by OpenSeadragon
