| e-texts navigator |
| Wylie |
168b1 བྱེ་བ་ཕྲག་སུམ་ཅུ་རྩ་གཉིས་དང་། འབུམ་ཕྲག་ལྔ་དང་ཁྲི་ཉིས་སྟོང་ཡོད་ལ། དེ་དག་ལ་ཡང་མེ་དང་། ཆུ་དང་། རླུང་གི་རྡུལ་ཕྲ་རབ་ཏུ་ཕྱེ་ནས་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་ཆེན་པོ་གཅིག་ལ་རྡུལ་ཕྲ་རབ་ཏུ་ཡོད་པའི་རྩིས་ཀྱིས་གཅོད
168b2 པ་དང་། གཞན་ཡང་ཕྱིའི་ས་ཆེན་པོ་འདི་ལ་དབྱིབས་ཐ་དད་པ་མཐའ་ཡས་པ་དག་བརྟགས་ཏེ་འདི་དག་ནི་འབྱུང་བ་འཁྱུགས་པ་དང་། འཁྱུལ་བ་དང་། འཕྲིས་པ་དང་། འཁྱོགས་པ་དང་། འཁྲིལ་བ་དང་། འཁིལ་བ་དང་། ལྗར་བ་དང་། གཤར་བ་དང་།
168b3 ཞ་བ་དང་། ལྡེམས་པ་དང་། འབུས་པ་དང་། འཁྲིས་པ་དང་། འཆུས་པ་ལ་སོགས་པ་ཐ་དད་པའི་དབང་གིས་སོ་སོར་རྟོག་པ་དང་། གཞན་ཡང་མིང་དང་། བརྡ་དང་། མཚན་མ་དང་། ཐ་སྙད་དང་། བཏགས་པ་སྣ་ཚོགས་ཀྱི་རྗེས་སུ་འཇུག་ཅིང་སོ་སོའི
168b4 མཚན་ཉིད་མཐའ་ཡས་པའི་རྗེས་སུ་རྟོག་མཐའ་པ་དང་། དཔྱོད་མཐའ་ཆེར་འགྲོ་བ་དག་གི་རྒྱུས་ཐམས་ཅད་མཁྱེན་པ་དག་གི་རྒྱུར་འགྲོ་ཞེས་ཟེར་བ་དག་ཡོད་དེ། ལང་ཀའི་བདག་པོ་དེ་དག་ལ་ནི་ཤིན་ཏུ་ཞིབ་པ། ཆེས་ཞིབ་པ་ཞེས་མི་བྱའི། དེ་དག་ནི
168b5 རྩིང་བ། ཆེས་རྩིང་བ་ཞེས་བྱའོ། །དེ་ཅིའི་ཕྱིར་ཞེ་ན། བླུན་པོ་གང་དག་བྱེ་མ་ལ་གསེར་ཕྱེ་བཙག་པར་འདོད་ན་ལྷང་ཚེར་ལ་གསེར་ཕྱེར་འདུ་ཤེས་ཏེ་ཚོལ་བ་བཞིན། རྣམ་པ་ཐམས་ཅད་མཐོང་ཞིང་རྙེད་པར་མི་འགྱུར་རོ། །དེ་ཅིའི་ཕྱིར་ཞེ་ན། དེ་ལ་ནི་རྣམ་པ
168b6 ཐམས་ཅད་ཡོད་དེ་ཡེ་ཤེས་མེད་པའི་ཕྱིར་རོ། །ལང་ཀའི་བདག་པོ་གང་བློ་ཞིབ་པ། ཆེས་ཞིབ་པ་ནི་འདི་ལྟ་སྟེ། ཆོས་གཅིག་གི་ཆོས་ཉིད་དེ་ཁོ་ན་ཉིད་ཕྱིན་ཅི་མ་ལོག་པར་ཤེས་པས་ཆོས་ཐམས་ཅད་ཀྱི་ཆོས་ཉིད་དེ་ཁོ་ན་ཉིད་ཕྱིན་ཅི་མ་ལོག་པར་ཤེས་པས་སོ། །
168b7 གང་རྡུལ་ཕྲ་རབ་དང་། དབྱིབས་སྣ་ཚོགས་དང་། མིང་དང་། བརྡ་དང་། མཚན་མ་དང་། ཐ་སྙད་དང་། བཏགས་པ་ཐམས་ཅད་ངང་གིས་ཤེས་པར་འགྱུར་ཏེ། དེ་ལ་ནི་རྣམ་པ་ཐམས་ཅད་དང་། ཡེ་ཤེས་གཉིས་སུ་མེད་པ། གཉིས་ཀྱི་ངོ་བོ་ལས
iiif viewer powered by OpenSeadragon
