| e-texts navigator |
| Wylie |
161b1 དུ་གསོལ། །ཞེས་ལུས་འབངས་སུ་ཕུལ་ལོ། །དེ་ནས་གནོད་སྦྱིན་གྱི་ཚོགས་ཀྱིས་ཤིན་ཏུ་ངུས་ནས་སྨྲེས་ཏེ་གསོལ་པ། ཐབས་མཁས་ཐུགས་རྗེ་གྲུ་གཟིངས་དགོངས་སུ་གསོལ། །འཁོར་བའི་རྒྱ་མཚོར་འཁྱམས་པ་བདག་ཅག་རྣམས། །སྡུག་བསྔལ
161b2 དབའ་རླབས་འཇིངས་སུ་བྱིང་གྱུར་པ། །སུས་ཀྱང་མ་མནན་གནོན་པར་བྱེད་མེད་དེ། །རྣམ་རྟོག་དངོས་པོར་འཛིན་པའི་རི་བོས་མནན། །ལས་ཀྱི་ཆུ་བོས་འཁོར་བར་གཡེངས་པ་ལ། །དངོས་པོར་འཛིན་པའི་རྐ་མགོ་མ་བསྒྱུར་བས། །ལས་དབང་དྲག་པོ་ཆུ་བོ
161b3 རྒྱུན་མི་འཆད། །མི་ཐར་འབོག་པར་དཀའ་བའི་སྡུག་བསྔལ་ལས། །ཐབས་མཁས་ཐུགས་རྗེའི་གྲུ་ཡིས་བསྒྲལ་དུ་གསོལ། །ཞེས་སྐྱབས་དམ་པར་དོང་ངོ་། །དེ་ནས་འབྱུང་པོའི་ཚོགས་ཀྱིས་ཤིན་ཏུ་ངུས་ནས་སྨྲེས་ཏེ་གསོལ་པ། རང་འབྱུང་བདུད་རྩིའི
161b4 རྒྱལ་པོ་དགོངས་སུ་གསོལ། །དུག་ཆེན་གླིང་དུ་འཁྱམས་པ་བདག་ཅག་རྣམས། །ཀུན་ནས་མྱོས་པ་མྱོས་ཤིང་ཉམས་གྱུར་པ། །སུས་ཀྱང་མ་སྦྱར་སྦྱོར་བར་བྱེད་མེད་དེ། །ཕྱིན་ཅི་ལོག་ཏུ་ལྟ་བའི་དུག་གིས་མྱོས། །དུག་ཆེན་ནད་ཀྱིས་རྣམ་ཤེས་གཟིར་བ
161b5 ལ། །ཁོང་ནས་འཁྱིལ་བའི་དུག་རྩ་མ་བཅད་པས། །དུག་ནད་འབར་བའི་སྡུག་བསྔལ་རྒྱུན་མི་འཆད། །མི་ཟད་བཟོད་པར་དཀའ་བའི་སྡུག་བསྔལ་ལ། །རང་འབྱུང་དག་པའི་བདུད་རྩིས་བྱུག་ཏུ་གསོལ། །ཞེས་སྐྱབས་དམ་པར་དོང་ངོ་། །དེ་ནས་ཡང་རྡོ་རྗེ
161b6 སྲིན་པོ་དེས་བཀའ་སྩལ་པ། ཡིན་ནོ་ལེགས་སོ་རིགས་ཀྱི་བུ། །རུ་ཏྲ་དག་གིས་ཁྱོད་རེ་འཁོར། །རུ་ཏྲ་དག་གིས་ཁྱོད་རེ་འཚོག་།བདག་ཏུ་འཛིན་པས་ཁྱོད་རེ་འཁོར། །བདག་ཏུ་འཛིན་པས་ཁྱོད་རེ་འཚོག་།ཞེ་སྡང་དག་གིས་ཁྱོད་རེ་འཁོར། །ཞེ་སྡང
161b7 དག་གིས་ཁྱོད་རེ་འཚོག་། གཏི་མུག་དག་གིས་ཁྱོད་རེ་འཁོར། །གཏི་མུག་དག་གིས་ཁྱོད་རེ་འཚོག་།འདོད་ཆགས་དག་གིས་ཁྱོད་རེ་འཁོར། །འདོད་ཆགས་དག་གིས་ཁྱོད་རེ་འཚོག་།ཆུ་བོ་བཞི་ཡིས་ཁྱོད་རེ་འཁོར། །ཆུ་བོ་བཞི་ཡིས་ཁྱོད་རེ
iiif viewer powered by OpenSeadragon
