| e-texts navigator |
| Wylie |
161a1 གསོལ། །མྱ་ངན་གླིང་དུ་འཁྱམས་པའི་བདག་ཅག་རྣམས། །མེ་ཆེན་འབར་བས་གདུངས་ཤིང་སྲེག་འགྱུར་བ། །སུས་ཀྱང་མ་བསྲེགས་སྲེག་པར་བྱེད་མེད་དེ། །མི་ཟད་རྣམ་སྨིན་དྲག་པོ་ཉིད་ལས་བྱུང་། །ཞེ་སྡང་འབར་བས་རང་རྒྱུད
161a2 བསྲེགས་པ་ལ། །བདག་འཛིན་ཁོང་ནས་འབར་བ་མ་བསད་པས། །ཀུན་དུ་སྲེག་ཅིང་གདུང་བ་རྒྱུན་མི་འཆད། །མི་ཟློགས་ཞི་བར་དཀའ་བའི་སྡུག་བསྔལ་ལས། །ཐུགས་རྗེ་བསིལ་བའི་ཆར་རྒྱུན་དབབ་ཏུ་གསོལ། །ཇི་ལྟར་ཁབ་ལེན་རྡོ་ལ་ལྕགས་འདུ་ལྟར། །དེང
161a3 ནས་བཟུང་སྟེ་དཔའ་བོའི་འབངས་སུ་མཆི། །ཞེས་སོ་སོའི་ཐོད་པ་ཁྲག་གིས་བཀང་བ་བསྟབས་སོ། །དེ་ནས་ལོག་སྲེད་ཅན་གྱི་ཚོགས་ཀྱིས་ཤིན་ཏུ་ངུས་ནས་སྨྲེས་ཏེ་གསོལ་པ། ཀུན་སྣང་མུན་སེལ་སྒྲོན་མ་དགོངས་སུ་གསོལ། །མུན་ནག་སྨག་ཏུ་འཁྱམས
161a4 པ་བདག་ཅག་རྣམས། །ལམ་ནོར་ལམ་སྟོར་ཀུན་དུ་འཐོམས་འགྱུར་ཏེ། །སུས་ཀྱང་མ་བཀག་འགོག་པར་བྱེད་མེད་དེ། །བདག་ཏུ་རྨོངས་པའི་མ་རིག་མུན་པས་བསྒྲིབས། །རྣམ་ཤེས་གཏི་མུག་མུན་པས་འཐིབས་པ་ལ། །བདག་ཏུ་རྨོངས་པས་མུན་པ་མ
161a5 བསལ་བས། །ཀུན་ནས་བསྒྲིབས་པའི་མུན་ནག་རྒྱུན་མི་འཆད། །སྨག་ཆེན་སངས་པར་དཀའ་བའི་སྡུག་བསྔལ་ལས། །མཁྱེན་རབ་གསལ་བའི་སྒྲོན་མ་བསྟན་དུ་གསོལ། །ཞེས་སྐྱབས་དམ་པར་དོང་ངོ་། །དེ་ནས་མི་དང་མི་མ་ཡིན་པའི་ཚོགས་ཀྱང་ཤིན་ཏུ་ངུས
161a6 ནས་སྨྲེས་ཏེ་གསོལ་པ། ཐབས་མཁས་ཐུགས་རྗེ་སྨན་པ་དགོངས་སུ་གསོལ། །གྲོང་ཁྱེར་གསུམ་དུ་འཁྱམས་པ་བདག་ཅག་རྣམས། །འཁོར་བའི་གཅོང་རྙིང་ནད་ཀྱིས་ཟིན་གྱུར་པ། །སུས་ཀྱང་མ་བཟུང་འཛིན་པར་བྱེད་མེད་དེ། །བདག་འཛིན་ཉོན་མོངས་མ
161a7 རིག་ནད་ཀྱིས་བཟུང་། །ཟུག་རྔུ་བཟོད་དཀས་རྣམ་ཤེས་གཟིར་བ་ལ། །དངོས་པོར་འཛིན་པའི་གཅོང་རྙིང་མ་སྦྱངས་པས། །ཀུན་ནས་གདུང་བའི་ཟུག་རྔུ་རྒྱུན་མི་འཆད། །ཐར་མེད་འཚོ་བར་དཀའ་བའི་སྡུག་བསྔལ་ལས། །ཐབས་མཁས་ཐུགས་རྗེའི་སྨན་གྱིས་སྦྱང
iiif viewer powered by OpenSeadragon
