| e-texts navigator |
| Wylie |
160b1 དུས་གཅིག་ཏུ་གཤེགས་པར་འགྱུར་ཏེ། ཐེ་ཚོམ་ཆད་པའི་སྒོ་ནས་དབང་ཕྱུག་ཆེན་པོ་ལ་སོགས་པ་ལྷ་ཆེན་པོ་རྣམས་ཀྱིས་ཤིན་ཏུ་ངུས་ནས་སྨྲེས་ཏེ་གསོལ་པ། གར་གྱི་དབང་ཕྱུག་གསན་ཅིང་དགོངས་སུ་གསོལ། །བདག་ཅག་རུ་ཏྲའི་མཐའ་ལ་ཞེན་པ་རྣམས། །ལུས
160b2 དང་ལས་ཀྱི་འཁོར་བའི་དྲ་བ་འདི། །བཀའ་ཡི་གཏན་ཚིགས་ཞིབ་མོས་མ་བཀྲོལ་ཞིང་། །ཤེས་རབ་ཟབ་མོ་དམིགས་བུས་མ་ཕྱེ་བས། །རང་རིག་ཡེ་ཤེས་བློ་དང་མི་ལྡན་ཞིང་། །ངེས་པར་ལེགས་པའི་གྲོས་ཀྱིས་མཆོད་དེ། །གར་ཐབས་གློག་གི་ཞགས་པས་མ
160b3 ཟིན་པས། །རྣམ་ཤེས་ལས་ཀྱི་རྒྱ་མཚོའི་དབས་བསྒྲིབས་ཏེ། །དེ་ཉིད་དེ་བཞིན་ཉིད་དུ་ངོ་མ་འཚལ། །གཏི་མུག་རང་སེམས་བདག་ཏུ་བཟུང་བས་ནོངས། །ཤིན་ཏུ་འགྱོད་པས་གནོང་པའི་ཚུལ་བཟུང་བས། །དཔའ་བོ་ཆེན་པོ་ཁྱོད་ལ་སྐྱབས་སུ་མཆི། །དངོས་པོ་སྦྱང
160b4 ཕྱིར་བདག་ལུས་གདན་དུ་དབུལ། །ཐབས་མཁས་ཐུགས་རྗེས་ལུས་འདི་བཞེས་སུ་གསོལ། །ཞེས་རང་གི་ལུས་ཞབས་ཀྱི་གདན་ཁྲིར་ཕུལ་ལོ། །དེ་ནས་མགྲིན་ནག་པོ་ལ་སོགས་པ་ཀླུ་ཆེན་པོ་རྣམས་ཀྱིས་ངུས་ནས་སྨྲེས་ཏེ་གསོལ་པ། གཟི་བརྗིད་རྒྱལ་པོ་མངའ
160b5 བདག་དགོངས་སུ་གསོལ། །སྲིད་པའི་དྲ་བར་འཁྱམས་པ་བདག་ཅག་རྣམས། །བཅིང་བ་ལྔ་ཡིས་ཀུན་དུ་བཅིངས་གྱུར་པ། །སུས་ཀྱང་མ་བཅིངས་བཅིང་བར་བྱེད་མེད་དེ། །བདག་ཏུ་འཛིན་པའི་རྣམ་རྟོག་ལས་ཀྱིས་བཅིངས། །སྣ་ཚོགས་ལུས་དང་འདུ་ཤེས
160b6 གནས་ལ་སོགས། །བདག་འཛིན་གྲོང་ཁྱེར་གསུམ་གྱི་བཙོན་ར་འདིར། །འཁོར་བའི་བཙོན་ཆས་རྣམ་ཤེས་བཅིངས་པ་ལ། །བདག་ཏུ་འཛིན་པའི་མདུད་པ་མ་བཀྲོལ་བས། །ཀུན་དུ་བཅིངས་པའི་མདུད་པ་རྒྱུན་མི་འཆད། །མི་ཤིགས་དགྲོལ་བར་དཀའ་ཡི
160b7 སྡུག་བསྔལ་ལས། །ཐུགས་རྗེའི་མདུད་དགྲོལ་ཐབས་ཀྱིས་དགྲོལ་དུ་གསོལ། །ཞེས་ལུས་སྐུའི་རྒྱན་དུ་ཕུལ་ལོ། །དེ་ནས་སྲིན་པོའི་རྒྱལ་པོ་ཤ་ཏྲང་གསེང་བུ་ལ་སོགས་པ་རྣམས་ཀྱིས་ཤིན་ཏུ་ངུས་ནས་སྨྲེས་ཏེ་གསོལ་པ། དཔའ་བོ་སྒེག་པོ་ཆེན་པོ་དགོངས་སུ
iiif viewer powered by OpenSeadragon
