| e-texts navigator |
| Wylie |
159b1 གཙོ་ལགས་ཀྱིས། །དབང་ཕྱུག་རྒྱལ་པོར་བདག་སྐུར་ཅིག་།བདག་ནི་རྡོ་རྗེས་མངོན་དུ་དབང་བསྐུར་བས། །སངས་རྒྱས་ཀུན་གྱིས་དེང་ཉིད་བདག་དབང་བསྐུར། །བཅོམ་ལྡན་ཐམས་ཅད་མཆོག་ནི་བདག་ལགས་ཏེ། །མཆོག་ཉིད་སྒྲུབ་ཕྱིར་རྡོ་རྗེ་བླང་བར་བགྱི། །རྡོ་རྗེ
159b2 རྒྱལ་པོར་ཁྱོད་བཞུགས་པས། །སྐུ་གསུང་ཐུགས་ཀྱི་རྡོ་རྗེ་སྟེ། །རྡོ་རྗེ་དམ་ཚིག་མཆོག་ཉིད་ཀྱིས། །གྲུབ་པ་ཕུན་སུམ་དབང་སྐུར་ཅིག་།ཆོས་ཀུན་རྡོ་རྗེའི་མཚན་ཉིད་དེ། །རྡོ་རྗེ་ལ་ཡང་མཚན་ཉིད་མེད། །རྡོ་རྗེ་ལྟ་བུའི་རྣལ་འབྱོར་པས། །དོན་ཀུན་རྡོ་རྗེ་ཉིད་དུ་གསལ། །
159b3 འདི་ནི་སངས་རྒྱས་གསུང་དབྱངས་ཉིད། །ཡེ་ཤེས་སེམས་དཔའི་དམ་ཚིག་བསྣམས། །རྡོ་རྗེ་སེམས་དཔའི་དཀའ་ཐུབ་དམ། །རྟག་ཏུ་བདག་གིས་བཅང་བར་བགྱི། །ཧཱུ~ཾ་རྡོ་རྗེ་སེམས་དཔའི་དམ་ཚིག་དམ་པ་སྲུང་། །ཡེ་ཤེས་སེམས་དཔའ་ཉེ་བ་ཉིད་དུ་སྤྱོན། །རིག་པའི
159b4 རྒྱལ་པོ་བདག་ལ་བརྟན་པར་དགོངས། །གསང་བའི་དབང་ཕྱུག་བདག་ཉིད་གསོ་བར་གསོལ། །རྟོགས་པ་མཆོག་སྦྱིན་བདག་ལ་དགྱེས་པ་སྐྱེད། །འདོད་པ་ཀུན་ཞེན་བདག་ལ་ཆགས་པར་མཛོད། །དང་པོ་སངས་རྒྱས་མཉམ་ཉིད་ཐུགས་རྗེ་ཅན། །ལས་རྣམས་ཀུན་ལ
159b5 བདག་སེམས་དགེ་བར་སྒྱུར། །དུས་གསུམ་བདེར་གཤེགས་བདག་གནས་ཐམས་ཅད་དུ། །རྡོ་རྗེ་ཅན་དང་དམ་ཚིག་སེམས་དཔའ་བསྒྲུབས། །དེ་བཞིན་གཤེགས་པ་དགྱེས་པ་དགྱེས་པ་ཀྱེ། །རྡོ་རྗེས་བདག་ཡང་གཏན་དུ་མ་བཏང་ཞིག་།ཀྱེ་རྡོ་རྗེ་ཆོས་དབྱིངས
159b6 ཀུན་གྱི་གཙོ། །མི་གནས་ཆགས་པ་ཆེན་མོ་སྟེ། །མ་ལུས་ཀུན་གྱི་འབྱུང་གནས་མཆོག་།བདེ་བ་མཆོག་གི་དམ་པ་ལགས། །ཁྱོད་ནི་དམ་ཚིག་ཀུན་གྱི་གཙོ། །རྡོ་རྗེ་སེམས་དཔའ་སྐྱེད་མཛད་མ། །སེམས་ཅན་དོན་བསྒྲུབས་ཕྲིན་ལས་ལ། །ཐུགས་རྗེ་མཉམ
159b7 སྦྱོར་གྲུབ་པར་མཛོད། །སངས་རྒྱས་ཡོན་ཏན་ཀུན་འབྱུང་ཕྱིར། །རིན་ཆེན་རྡོ་རྗེ་བླ་ན་མེད། །རྡོ་རྗེ་ཆོས་ཀྱི་གླུ་བླངས་པས། །ལས་ཀྱི་རྡོ་རྗེ་བྱེད་གྱུར་ཅིག་།ས་མ་ཡ་ཧོ་ཞེས་དམ་ཚིག་ཉེ་བར་བླངས་སོ། །ས་མ་ཡ་སྟྭཾ། ཞེས་དམ་ཀུན་དུ་བཅས་སོ། །དེ་ནས
iiif viewer powered by OpenSeadragon
