| e-texts navigator |
| Wylie |
155b1 སྲོག་གི་དབང་པོས་མ་བཟོད་དེ། །གང་དེར་མདུན་གྱིས་ཕྱོགས་པ་དང་། །རྩེ་གསུམ་ཁ་ཊྭཱཾ་འབར་བ་ཡིས། །བུ་ཏྲའི་རི་བོ་བཅོམ་དབང་གི། །ཕྱག་རྒྱས་རོལ་ཏེ་ཕྱལ་དུ་སྦྱངས། །ཉེ་གནས་དབང་གིས་མཚམས་སྦྱར་བའི། །རང་གི་དམ་པ་ལ་སོགས་པའི། །མཐའ
155b2 ཐུག་མེད་པའི་སངས་རྒྱས་དང་། །དཔག་ཏུ་མེད་པའི་བྱང་ཆུབ་སེམས། །སྟུག་པོ་བཀོད་པའི་མཐོང་བའི་མཐུས། །ཐོག་མ་མེད་པའི་དུས་མཐའ་ནས། །ཞེན་པའི་མུན་ནག་སངས་གྱུར་ཏེ། །སྐྱེ་བ་དུས་མཐའ་མེད་རྙེད་དུ། །ལུས་བླངས་ལས་ནི་ཅི་སྤྱད་དྲན། །སྣམ
155b3 དུ་བཏོན་ཏེ་ཞབས་དྲུང་འཁོད། །རབ་དགའ་བཏུད་ནས་གནོད་ཚུལ་དུ། །གང་དེར་ཤིན་ཏུ་ངུས་ནས་སྨྲེས། །ེ་མ་ཨེ་མའོ་ཨེ་མ་ཡང་། །དཔའ་བོ་ལྷ་རྗེ་ཐུགས་རྗེ་ཆུང་། །ཤིན་ཏུ་བདེ་བའི་གནས་གཅིག་ནས། །སྣམ་དུ་བཏོན་པ་ཐུགས་རྗེ་ཆུང་། །ད་ཡང་ཅི
155b4 མཛད་མྱུར་དུ་མཛོད། །མྱུར་དུ་བསྒྲལ་ན་ཡུན་བདེའོ། །འབངས་སུ་མཆིའོ་བདག་ལུས་འབུལ། །འབངས་ལ་ནན་ཏན་མ་ཆུད་ཅིག་།དེང་ནས་སླན་ཆད་བཀའ་བཞིན་དུ། །བཀའ་ཡི་ལུང་བཞིན་རྗེས་སུ་སྒྲུབ། །གལ་ཏེ་བཀའ་བཞིན་མ་བགྱིས་སམ། །དམ་པའི་ལུང
155b5 ལས་འགལ་གྱུར་ན། །བདག་ཅག་རྣམས་ཀྱི་མགོ་ལུས་སྙིང་། །རུལ་མྱགས་སྐམས་ནས་ཚིག་པར་འགྱུར། །མ་སྲིང་བུ་མོ་ཆུང་མ་རྣམས། །འབངས་སུ་འབུལ་ལོ་ཚིས་མ་ཆུང་། །དབུས་སུ་མཆི་སྐལ་མི་ལྡན་གྱིས། །འབར་བའི་དཀྱིལ་འཁོར་མཐའ་ལ་ཞོག་།
155b6 ཕུད་ལ་འཚལ་སྐལ་མི་ལྡན་གྱིས། །ལྷག་མ་ཞལ་ཆབ་བྲོན་ལ་སྩོལ། །ཉེ་གནས་གདུང་བའི་མ་སྲིང་རྣམས། །དེ་ནས་རྒྱལ་བའི་འབངས་ཡིན་གྱིས། །ཁྱེད་ནི་ཅི་བགྱི་བཀའ་ཡི་ལས་མཁན་ཏེ། །བཀའ་ཡི་ལས་བྱུང་རྟག་པར་མྱུར་དུ་སྒྲུབས། །བདག་ཀྱང་དེང
155b7 སྔོན་ལམ་ལོག་ལས་སྤྱད་པས། །དཔག་ཏུ་མེད་པའི་འཁོར་བའི་སྡུག་བསྔལ་བརྒྱུད། །ད་ནི་ཐུགས་རྗེ་ལས་འཕྲོ་གཉིས་ཕྲད་པས། །བདེ་བ་ཅན་གྱི་ཞིང་དུ་མྱུར་འགྲོ་ཡིས། །རྗེས་སུ་བསྟན་པའི་བཀའ་ལ་ཉམས་ས་རེ། །ཇི་ལྟར་མ་བྱམས་བུ་ལ་གདུང་བ
iiif viewer powered by OpenSeadragon
