| e-texts navigator |
| Wylie |
155a1 སྙན་པའི་ངག་རྣམས་ནི་མངོན་དུ་གྱུར་ཏེ་ཐེག་པ་ཆེན་པོ་གསང་སྔགས་ཀྱི་སྒྲ་ནི་དི་རི་རི་སྒྲོགས་པར་གྱུར་ཏོ། །དུར་ཁྲོད་ཀྱི་བདག་པོ་རུ་ཏྲ་ནག་པོ་ལྟ་ཞིག་རང་གི་འཁོར་གྱིས་ཡོངས་སུ་བོར་ཏེ་རྗེ་བཙན་དམ་པ་དེ་ལ་སྐྱབས་སུ་དོང་། བློ་གྲོས་ཀུན
155a2 གྱི་ཡུལ་དང་བྲལ། །ཡི་ཁོས་བསམ་པ་ཆད་ཅིང་ཐབས་བརླག་ནས་ཀུན་ནས་འཁྲུགས་ཏེ་རྣམ་པར་འཁམས་ནས་རང་གི་རུ་ཏྲ་ལྔ་ཡི་ས་བོན་མངོན་དུ་ཕྱུང་བས། རུ་ལུ་རུ་ལུ་བྷྱོ་ཞེས་བརྗོད། །མགོ་གསུམ་ལག་དྲུག་རྐང་བཞི་པ། །ཁྲོས་པའི་ཚུལ་དུ་གྱུར
155a3 པ་ལས། །རྗེ་བཙན་རྡོ་རྗེ་སྲིན་པོ་དེས། །ཁོ་ན་ཉིད་དུ་དེར་མཛད་དེ། །བྱིན་བརླབས་ཡི་གེ་མི་ཕྱེད་པའི། །དབང་དུ་འཁོར་བའི་ས་བོན་ལྔ། །བྱས་ནས་ངག་གི་སྤྲུལ་པ་ཕྲོགས། །ཁོ་ན་ངག་གི་དབང་པོ་ཉམས། །དེ་ནས་དུར་ཁྲོད་བདག་པོ་དེས། །ར་ལ་ར་ལ
155a4 བྷྱོ་བརྗོད་པས། །མགོ་དགུ་བརྒྱད་ལག་ཏུ་གྱུར། །གང་དེར་རྗེ་བཙན་དམ་པ་དེས། །ངག་གི་སྤྲུལ་པ་ངེས་པར་བཅད། །ཡང་དེར་དུར་ཁྲོད་བདག་པོ་དེས། །ཧུ་ལུ་ཧུ་ལུ་བྷྱོ་བརྗོད་པས། །མགོ་བརྒྱད་བཅུ་དྲུག་ལག་ཏུ་གྱུར། །དཔལ་ཆེན་རྗེ་བཙན་སྲིན་པོ་དེས། །
155a5 ཁོ་ན་ཅི་འདྲ་དེར་མཛད་དེ། །དེར་ཡང་ངག་གི་བརྗོད་པ་བཅད། །གང་དེར་དུར་ཁྲོད་བདག་པོ་དེས། །ཧ་ལ་ཧ་ལ་བྷྱོ་བརྗོད་པས། །ཉི་ཤུ་རྩ་གཅིག་མགོ་བོ་ལ། །བཞི་བཅུ་རྩ་གཉིས་ལག་ཏུ་གྱུར། །ཡང་དུ་རྡོ་རྗེ་སྲིན་པོ་དེས། །དེ་ཅི་ཁོ་ནར་དེར་མཛད་ནས། །གང
155a6 འདིར་སྨྲ་བའི་དབང་པོ་བཅད། །ཡང་དེར་ཁོ་ནར་དེ་ཉིད་ཀྱིས། །ར་ལི་ར་ལི་བྷྱོ་བརྗོད་པས། །ལུས་ནི་ཚད་མེད་ཆེན་པོ་ལ། །ནད་ཀྱི་བསྐལ་པ་ཚུབ་མར་གཏོང་། །གདུག་པའི་མཚོན་ཆ་ལུས་ལས་འགྱེད། །རྗེ་བཙན་རྡོ་རྗེ་སྲིན་པོ་དེས། །ཁོ་ན་དེ་འདྲར་ཉིད་མཛད
155a7 དེ། །ངག་ཕྲོགས་ངག་གི་སྤྲུལ་པ་ཆད། །དཔེར་ན་སྐྱེས་བུ་གང་ལ་ཞིག་།ལྕེ་བཅད་ཁྲག་གིས་པོར་བ་བཞིན། །ཤིན་ཏུ་མྱོས་ཏེ་འགྱེལ་བར་གྱུར། །ཀུན་གྱིས་མངའ་བདག་ཆེན་པོ་དེས། །ས་མ་ཡ་ཧཱུཾ་གསུང་བསྒྲགས་པས། །སྔོན་བྱུང་དུས་ན་འབྲེལ་པ་ཡིས། །
iiif viewer powered by OpenSeadragon
