| e-texts navigator |
| Wylie |
154b1 པ་ནོན། །ཚངས་ལས་སྒྲོལ་མ་དྲོངས་ཤིག་སྨ་ར་ཐ། །ཧྲི་རབ་ཀྱི་རྩལ་གྱི་སྟོབས་ཀྱིས་ངོ་མཐོན་དགའ་དབང་ནོན། །སྦྱོར་ཆེན་ཀུན་གྱིས་བདག་ལ་དགའ་དྲོངས་ཤིག་།ཧྲི་རབ་ཀྱི་རྩལ་གྱི་སྟོབས་ཀྱིས་ངོ་མཐོན་རུ་ཏྲ་ནོན། །སྦྱོར་ཆེན་ཀྲོ་དྷི་ཤྭ་རི་དབང་མོ་དྲོངས་ཤིག
154b2 རབ་དྲོངས་ཤིག་། སྙིང་རྗེ་གང་ལ་བྱ་མི་བྱ་བ་ཡི། །ཡོངས་སུ་རྟོག་པ་དེ་དག་མེད་ཀྱང་བླ། །དེ་འདྲའི་སྙིང་རྗེ་སྒྱུ་མ་ཡིན་པས་ན། །དེ་ལ་སུ་ཞིག་སྙིང་རྗེ་ཟེར། །གདུལ་བྱ་གདུལ་བར་བྱ་མི་བྱ་བ་ཡི། །ཡོངས་སུ་རྟོག་པ་དེ་དག་མེད་ཀྱང་བླ། །དེ་འདྲའི་གདུལ་བྱ་སྒྱུ་མ་ཡིན
154b3 པས་ན། །དེ་ལ་གདུལ་བར་སུ་ཞིག་ཟེར། །ཧྲི་ཧ་ཧ་ཧོ་ཧོ་སྤྲུལ་རབ་ཏུ་སྤྲུལ། །ཀུན་དུ་རབ་སྤྲུལ་སྣང་བར་མཛོད། །གཏུམ་ཐུང་རྔམ་འཁྲུག་འབར་བར་མཛོད། །རྣམ་པ་མང་པོ་སྣ་ཚོགས་ཁྲོ་བོར་ལོག་པར་ལྟ་བ་ཡི། །ཁྲོ་བོ་སྣང་བའི་འགྲོ་རྣམས་རྣམ་མང་པོ། །
154b4 ཁྲོ་བོ་རྒྱུད་ཀྱི་མ་ལུས་ལུས་པ་མེད་པར་འདུལ་མཁས་པར། །རྒྱལ་བ་ཀུན་གྱི་ཐབས་མཆོག་སྒྱུ་མ་རབ་སྤྲུལ་རྣམ་པར་སྤྲུལ། །ཁྲོ་ལ་མ་གཡོས་ཡེ་ཤེས་བཞི་མཆོག་ཀུན་དུ་བཞེངས་ཤིག་བསྣམས། །རྣམ་པ་མང་པོ་སྣ་ཚོགས་འདོད་པ་སྣང་བའི་འགྲོ་བ་རྣམས། །
154b5 རྣམ་པ་མང་པོའི་འདོད་ཆགས་རྒྱུད་ཀྱིས་མ་ལུས་ལུས་པ་མེད་པ་འདུལ་མཁས་པ། །རྒྱལ་བ་ཀུན་གྱི་ཐབས་མཆོག་སྒྱུ་མར་རབ་སྤྲུལ་རྣམ་པར་སྤྲུལ། །སྤྱོད་ལ་མ་ཆགས་ཡེ་ཤེས་བདེ་མཆོག་ཀུན་དུ་མྱོང་མཛད་བཞེངས་ཤིང་རོལ། །རྣམ་པ་མང་པོ་སྣ་ཚོགས
154b6 རྨོངས་པར་སྣང་བའི་འགྲོ་བ་རྣམས། །རྣམ་པ་མང་པོ་གཏི་མུག་རྒྱུད་ཀྱིས་མ་ལུས་ལུས་པར་འདུལ་མཁས་པ། །རྒྱལ་བ་ཀུན་གྱི་ཐབས་མཆོག་སྒྱུ་མས་རབ་སྤྲུལ་རྣམ་པར་སྤྲུལ། །མཉམ་ལ་མ་རྨོངས་ཡེ་ཤེས་མ་འདྲེས་ཡོངས་རྫོགས་བཞེངས་ཤིང་དགོངས
154b7 ཞེས་ཁྲོ་མོ་མ་རངས་མི་བསྙེངས་དྲག་པོ་དགྱེས་པའི་སྒྲ་འབྲུག་སྟོང་དིར་བ་བྱུང་བས་བདུད་ཀྱི་ཆ་འཛིན་པའི་བདུད་བྱེ་བ་དུང་ཕྱུར་རྣམས་བག་བཞི་བསྐུམས་ཏེ་ཟིལ་གྱིས་ནོན། རུ་མཚོན་ལ་སོགས་པ་མཚོན་ཆའི་སྤྲིན་ཕུང་ནི་སྟོང་པ་ཉིད་དུ་སངས་པར་གྱུར། མི
iiif viewer powered by OpenSeadragon
