| e-texts navigator |
| Wylie |
152b1 བཏུལ་བའི་འཁོར་འདུས་པ། །འཇིག་རྟེན་དབང་ཕྱུག་མཐུ་ཆེན་རྣམས། །ཕལ་ཆེར་ལས་ལ་གྲམ་སྐབས་སུ། །དཔལ་ཆེན་རྡོ་རྗེ་འཛིན་པ་དེའི། །དེ་ཉིད་ཡང་དག་དངོས་མིན་པའི། །གཞོན་ནུ་སྣམ་ནས་བཏོན་པའི་སྲས། །རྡོ་རྗེ་གཞོན་ནུ་སྨེ་བ་བརྩེགས། །མཐིང
152b2 གནག་ཁྲོ་གཉེར་རལ་པ་ཅན། །འབར་བ་ཆེན་པོའི་གར་དགུར་མཛད། །དུར་ཁྲོད་བདག་པོ་ཇི་བཞིན་དུ། །དབུ་དང་ཕྱག་ཞབས་དེར་མཛད་དེ། །བདུད་རྩི་ལྔ་ཡི་སྦྱོར་བ་ཡིས། །བཤུད་བ་ལྔ་ནི་བདུད་རྩིར་བསྒྱུར། །ཐམས་ཅད་སྟོང་ཉིད་བདུད་རྩིར་སྦྱངས། །ཉེ་གནས
152b3 ལ་སོགས་འཁོར་མོ་རྣམས། །སྤྱོད་ལ་མ་ཆགས་ཡེ་ཤེས་དང་། །བྱས་ལ་མི་སོགས་ཕྲིན་ལས་ཀྱིས། །མཐུན་འཇུག་ཁྲིད་པའི་སྦྱོར་ཐབས་ཀྱིས། །དབང་བསྡུས་ངད་སྦྱངས་སྤྲུལ་པ་ནི། །སེམས་དཔའ་ཡེ་ཤེས་སྤྲུལ་པའི་ཚོགས། །ཀཽ་ཙཽ་ལ་སོགས་མ་ཚོགས
152b4 དང་། །སེང་སྟག་ལ་སོགས་ཡུལ་དུ་སྣང་། །འདོད་པའི་དབང་མོ་བརྐམ་པ་དེས། །ཆགས་པའི་དབང་གིས་གང་མཐོང་བ། །སྤྱིར་ནི་རང་གི་ཁྱོ་བདག་ལྟ། །ལྷག་པའི་གཟི་ཆེན་འབར་བར་མཐོང་། །སྙམ་པའི་དབང་གི་ཐེ་ཚོམ་སྐྱེས། །ེ་མའོ་བདག་གི
152b5 བདག་པོ་བས། །ཤིན་ཏུ་འོད་འབར་གཟི་བྱིན་ཆེ། །འདི་ཇི་ལྟ་བར་སྤྲུལ་པ་ཞིག་།སྙམ་དུ་ཡིད་གཉིས་རྟོག་པ་ལས། །ཐབས་མཆོག་རྡོ་རྗེ་གཞོན་ནུ་དེས། །སྲིན་སྐད་ཐར་གསུམ་ཕྱུང་བ་ལས། །ཐེ་ཚོམ་རྟོག་པ་ཆད་པར་གྱུར། །ཆགས་པའི་དབང་གིས
152b6 སངས་རྒྱས་ཀྱི། །སྐུ་ལ་ངེས་པར་འཁྲིལ་བ་ནི། །ཙན་དན་སྦྲུལ་གྱི་སྡོང་པོ་ལ། །ཚད་པས་བདས་པའི་སྦྲུལ་འཁྲིལ་བས། །མི་རྟོག་ཚད་མའི་གདུང་སེལ་ལྟར། །གང་ལ་ཆགས་པ་མི་མངའ་བར། །གང་གི་གདུང་བ་རྣམ་པར་སེལ། །དེ་ནས་སྨེ་བ
152b7 བརྩེགས་པ་དེས། །ཐམས་ཅད་ཅི་དགའ་འབྱུང་བ་ཡི། །ཡིད་བཞིན་ནོར་བུའི་སྙིང་པོ་དེ། །ཉེ་བའི་རིག་པ་འདི་བརྗོད་པས། །བྱ་བ་ཐམས་ཅད་བྱེད་པའི་མཆོག་།ོཾ་བྷུ་ར་ཀུཾ། ཨི་ཙི། ཀི་ཕི། ཨུ་ཙྪུསྨ་ཀྲོ་དྷ་ཧཱུ~ཾ་ཕཊ། ཡང་དག་དངོས་མིན་ཆོ་འཕྲུལ
iiif viewer powered by OpenSeadragon
