| e-texts navigator |
| Wylie |
152a1 ཀ་ཁྭ་སྐེག་འུག་པའི་ཚོགས། །ཅེ་སྤྱང་སྟག་སེང་ལ་སོགས་པའི། །གདུག་པ་ཅན་གྱི་འཁོར་གྱིས་བསྐོར། །ལྷ་ཡི་སྡེ་དཔོན་ཀ་རུ་ནི། །བུ་མོ་ཆུང་མ་མ་སྲིང་དང་། །འཇིག་རྟེན་དབང་ཕྱུག་ལྷ་ཆེན་གྱི། །མ་སྲིང་ཆུང་མ་བུ་མོ་རྣམས། །ཕྲོགས
152a2 ནས་དབང་དུ་བྱས་པ་ཡི། །སླས་དང་བྱི་མོ་བྲན་མོའི་ཚོགས། །བཅུ་གཉིས་དང་ནི་བརྒྱད་ལ་སོགས། །མ་མོ་ཕྲ་མེན་གནོད་སྦྱིན་མོ། །སྲིན་མོ་ཤ་ཟ་ཁྲག་འཕྲོག་མ། །བདུད་ཀྱི་མིང་འཛིན་བླ་རྐུན་མ། །བློན་མོ་དམག་དཔོན་སྡེ་དཔོན་མ། །རུ་དཔོན་ཕོ་ཉ
152a3 མངག་པར་བཅས། །རང་རང་རྟེན་དང་ལག་ཆར་བཅས། །ཅི་བགྱི་བཀའ་ཉན་བཀའ་སྡོད་འཁོར། །སྦོད་གཏོང་རྔམ་པའི་ཚུལ་དུ་འཁོད། །སྲིན་པོའི་བུ་མོ་དྲི་ཟ་བརྒྱད། །སྟག་སེང་ཝ་སྤྱང་བཞད་ཚོགས་དང་། །དུར་བྱ་བྱ་རོག་འུག་པའི་ཚོགས། །བསྟོད་ཅིང
152a4 རྔམ་པའི་ཚུལ་དུ་འཁོད། །སྲིན་པོའི་ཉེ་གནས་ཆེན་མོ་བརྒྱད། །ཀཽ་རི་རྩཽ་རི་པྲ་མོ་ཧ། །བེཏྟ་ལི་དང་པུཀྐ་སི། །གྷསྨ་རི་དང་སྨ་ཤ་ནི། །ཙཎྜ་ལི་ལ་སོགས་པ་ཡི། །གཏུམ་ཞིང་རྔམ་པའི་མ་ཚོགས་མ། །ཤིན་ཏུ་འཇིགས་པའི་གཟུགས་སུ་འཁོད། །དུར
152a5 ཁྲོད་ས་ཡི་སྒོ་སྲུང་བཞི། །བརྩོན་མོ་གདོང་མོ་གར་ལོག་མོ། །དེ་བཞིན་འཇུག་མོ་ཆེན་མོ་བཞི། །གསང་སྒོ་འཛིན་ཅིང་བཀའ་སྒོ་སྲུང་། །དུར་ཁྲོད་བདག་མོ་གྲུ་འདེགས་མ། །བརྐམ་པ་ཤིན་ཏུ་བརྐམ་མ་དང་། །ར་རོ་མོ་དང་ཁྲག་འཐུང་མ། །ཆགས
152a6 པས་མྱོས་པའི་མདངས་ཀྱིས་འཁོད། །བམ་རི་ཐོད་པ་བརྩེགས་པའི་དབུས། །གནམ་ལྕགས་འབར་བའི་གཟེར་ཆེན་གྱིས། །བརྟན་པར་བཏབ་པའི་ནང་བདག་མོ། །ཉེ་གནས་ཀྲོ་དྷི་ཤྭ་རི་མ། །ཐོད་སྐྱོགས་ཁྲག་གིས་བཀང་བ་དང་། །འབྲུ་མར་རྫས་ལྔ་ཆང
152a7 སྦྱར་བ། །རྟག་པར་རང་གི་ལོངས་སྤྱོད་འཛིན། །ཆགས་པས་མྱོས་ཤིང་བརྐམ་པས་ན། །འདོད་པའི་དབང་མོ་བརྐམ་པར་གྲགས། །རུ་ཏྲའི་ཕྲུམ་གྲོང་རྡལ་དེ། །འབར་བ་ཆེན་པོའི་གར་དགུ་ཡིས། །བཅོམ་ལྡན་དབང་དུ་མཛད་པའི་ཕྱིར། །སྡེ་དཔོན
iiif viewer powered by OpenSeadragon
