| e-texts navigator |
| Wylie |
150b1 བསྐུལ་ལོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་ངན་བག་གནས་གྱུར་པ་སྐྱེས་བུ་དམ་པ་རྡོ་རྗེ་འཛིན་དུ་སྣང་བ་ཉིད་ལ་ཡོངས་སུ་བསྒོ་བ་མཛད་པ། རྒྱལ་བ་ཀུན་གྱི་གསང་མཛོད་པ། །ཐུགས་ཀྱི་བདག་པོ་རྡོ་རྗེ་འཛིན། །དྲག་པོ་བརྟུལ་ཞུགས
150b2 ཆེན་པོ་ཅན། །དཔའ་བོ་འཇིག་རྟེན་གསུམ་ལས་རྒྱལ། །སྔོན་གྱི་གོ་ཆ་ཆེན་པོའི་མཐུས། །སངས་རྒྱས་སངས་རྒྱས་ཐམས་ཅད་ཀྱིས། །གདུལ་དཀའ་དྲག་པོ་འདུལ་མཛད་པ། །བདུད་ཀྱི་བདུད་དེ་བདུད་རྣམས་འཇོམས། །སེམས་དཔའ་སྔོན་པོ་འབར་བའི
150b3 སྐུ། །འཇིགས་སུ་རུང་བའི་དཔའ་བྱད་ཅན། །གཏུམ་རྔམ་འཁྲུག་པའི་ངོ་བོ་ཡིས། །དུར་ཁྲོད་བདག་པོ་རབ་ཏུ་ཆོམ་ཞེས་ཡོངས་སུ་བསྐུལ་བས། སྐྱེས་བུ་རྡོ་རྗེ་འཛིན་པ་དེ། །ལྷ་དང་བཅས་པའི་འཇིག་རྟེན་འདི། །འབྱུང་པོའི་རྒྱལ་པོས་དབང་དུ་བྱས། །
150b4 ཤིན་ཏུ་གཏུམ་རྔམ་འཁྲུག་པ་དེས། །ལྷ་མི་འཇིག་རྟེན་བརླག་མ་ཁད། །བཞིན་དང་མདངས་ཀྱང་མི་གསལ་བར། །ཀུན་དུ་མོག་མོག་པོར་གྱུར་ནས། །དུས་མ་ཡིན་པའི་མུན་པ་ཡང་། །མུན་ནག་སྨག་ཏུ་གྱུར་པས་འཐིབས། །ཚ་དང་གྲང་དང་ནད
150b5 དང་རིམས། །མི་ངས་སྣ་ཚོགས་ཀུན་དུ་རྒྱས། །རླུང་དམར་འབྲུག་དང་སེར་བ་དང་། །རྣག་ཁྲག་རྡོ་དང་མཚོན་ཆའི་ཆར། །དུས་མ་ཡིན་པར་ཀུན་དུ་འབྱུང་། །སྐྱེ་དམན་འཚོ་བའང་ལོག་པར་གྱུར། །གདུག་པ་སྣ་ཚོགས་སེམས་ཅན་གྱིས། །ཤིན
150b6 ཏུ་ཉམ་ཐག་གདུངས་འགྱུར་བའི། །མགོན་མེད་པ་ཡི་འཇིག་རྟེན་ཏེ། །མཁྱེན་ཏེ་ཐུགས་རྗེས་གདུང་བ་ནི། །རབ་ཏུ་རྔམ་པའི་བརྟུལ་ཞུགས་ཀྱིས། །རྡོ་རྗེ་ཆོས་ཀྱི་རྟ་གདོང་ལ། །རྡོ་རྗེ་ཚིག་ཏུ་འདི་སྐད་དུ། །ངག་གི་དབང་ཕྱུག་རྡོ་རྗེའི་གདོང་། །
150b7 ལང་ཀའི་ཡུལ་གྱི་གྲོང་རྡལ་གྱི། །དབུས་ཀྱི་རི་བོ་མ་ལ་ཡ། །རྐོ་རྐ་ཐང་མར་རྒྱ་མཚོའི་དངོ་། །དྲག་ཤུལ་ཡོད་པའི་རྩེ་ལ་དོང་། །རྡོ་རྗེ་ཐབས་ཀྱིས་བལྟ་བའི་ཡུལ། །དུར་ཁྲོད་བདག་པོ་ཚོགས་དང་བཅས། །མི་ངམ་སྐྱབས་ལིངས་ཆེན་པོ་ལ། །ཁམས
iiif viewer powered by OpenSeadragon
