| e-texts navigator |
| Wylie |
146a1 བོན་རྩུབ་མོས་འཕངས། །སྡུག་བསྔལ་ཆེན་པོའི་རྣམས། །ལས་ཀྱིས་འཇིག་རྟེན་ཁམས་འདིར་བྱུང་། །དྲག་པོ་ལོག་པའི་དཀའ་ཐུབ་ཀྱིས། །སྲིད་པ་གསུམ་གྱི་བདག་པོར་སྨིན། །དྲེགས་པ་རུ་ཏྲའི་གདུག་དཔལ་གྱིས། །
146a2 འགྲོ་རྣམས་མཐར་རློག་འཇོམས་བྱེད་འདི། །གདུལ་བའི་ཞིང་མཆོག་རྨད་དུ་བྱུང་། །སྙིང་རྗེའི་བདག་པོ་ཀུན་འདུས་ནས། །ལས་ངན་ལས་ཀྱི་རྒྱུན་བཅད་དེ། །བདེ་ཆེན་ས་ལ་གཞག་པར་རིགས། །ཞེས་བགྲོས་སོ། །སངས་རྒྱས་རྡོ་རྗེའི་གདུང་དང
146a3 སྡེའི་ཚོགས་ཀྱིས་གཅིག་པར་བགྲོས་པ། །ཀྱེ་མའོ་འདུས་པའི་སངས་རྒྱས་རྣམས། །འདས་པའི་དུས་ན་སྔོན་བྱུང་ལྟར། །ད་ལྟར་དུས་འདི་ཉིད་དུ་བྱུང་། །ལུང་ལོག་མངོན་པའི་རི་བོར་བསྲེགས། །རང་རྒྱུད་བསྲེགས་པའི་བསླད་པ་ཅན། །བདུད་ཀྱིས
146a4 བྱིན་གྱིས་བརླབས་པ་ཡི། །གླང་ཆེན་མྱོས་པ་དྲག་པོ་ཆེ། །ཤིན་ཏུ་མི་བཟད་དུག་ཆེན་གྱིས། །འོ་དོད་འབོད་པར་གསད་བརླག་པས། །རོ་གླིང་དུར་ཁྲོད་མཐར་ཞེན་པ། །ཇི་ལྟའི་ཐབས་ཀྱིས་ཕན་པར་འགྱུར། །ཞེས་བགྲོས་སོ། །སངས་རྒྱས་ནོར་བུའི
146a5 གདུང་དང་སྡེའི་ཚོགས་ཀྱིས་གཅིག་ཏུ་མཐུན་པར་བགྲོས་པ། ནག་པོའི་གདུག་པ་སྨྱོན་པ་འདི། །ཇི་ལྟར་དེ་དགར་བཞག་འགྱུར་ན། །མི་བཟད་དུག་མཚོ་ཆུ་རླབས་ཀྱིས། །ནག་པོའི་ཁམས་སུ་རྒྱས་འགྱུར་བས། །དམ་པ་རྣམས་ཀྱི་རྒྱུན་གཅོད་ཅིང་། །
146a6 ཉི་མ་སྒྲོན་མ་འཇིག་པར་འགྱུར། །དེ་ཚེ་ལས་ཀྱི་མུན་པ་ཡིས། །ཐམས་ཅད་མུན་ནག་སྨག་ཏུ་འཁྱམས། །ཞེས་བགྲོས་སོ། །སངས་རྒྱས་པདྨོའི་གདུང་དང་སྡེའི་ཚོགས་ཀྱིས་མགྲིན་གཅིག་ཏུ་མཐུན་པར་བགྲོས་པ། གང་འདས་པའི་དུས་ན་སྔོན་བྱུང
146a7 བ། །ལས་ཀྱི་འཁོར་ལོས་འཕངས་པ་ཡི། །བློ་གྲོས་ལོག་པའི་རུ་ཏྲ་དེ། །སྙིང་པོ་དབྱིངས་ནས་བྱུང་བ་ནི། །སྐྱེས་བུ་དམ་པའི་སྦྱོར་བ་ཡིས། །བདུད་ཀྱིས་བདུད་བཏུལ་གཉེར་བཀོད་ལྟར། །ད་ལྟར་འདི་ཚེ་བྱུང་བ་ནི། །དུག་འགྱུར་བརྩེགས་པའི་རི་བོ
iiif viewer powered by OpenSeadragon
