| e-texts navigator |
| Wylie |
140a1 ལྟུང་བཤད་དག་གོ། །ཤིན་ཏུ་གཏི་མུག་གིས་རྨོངས་པར་གྱུར་ཏེ་བྱོལ་སོང་གི་གནས་སུ་ལྟུང་བ་ཤ་དག་གོ། །ཤིན་ཏུ་ཆགས་པས་མྱོས་པར་གྱུར་ཏེ་མངལ་གྱི་ཁམས་སུ་འགྲོ་བ་ཤ་དག་གོ། །བྱང་ཆུབ་ཀྱི་ཤིང་སྐམས་པས
140a2 སེམས་ཀྱི་རྩ་བ་ཚིག་པ་ཤ་དག་གོ། །ལང་ཀའི་བདག་པོ་དེ་ཡང་འདི་ལྟར་གྲགས་ཤིང་གྲགས་ཏེ་གྲགས་པར་གྱུར་ཏོ། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ
140a3 ནི་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ཤིན་ཏུ་སྟོང་པ་ཉིད་ལ་བརྩོན། །སྟོང་པ་ཉིད་དུ་མུ་ཆད་པས། །ཆད་པའི་ཁམས་ཆེན་ཉིད་དུ་གྱུར། །དེ་ནས་སླར་ཡང་འཕོས་པ་ཡིས། །གྲོལ་ཐར་ལམ་ནི་ཆད་པར་འགྱུར། །འདས་པའི་དུས་ན
140a4 སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་ནི་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ཤིན་ཏུ་བདག་ཏུ་ལྟ་ལ་བརྩོན། །ཐེར་ཟུག་རྟག་པ་བདག་ཆེན་གྱིས། །ཐམས་ཅད
140a5 རྟག་པ་ཉིད་དུ་འགྱུར། །དེ་ནས་དེ་ཉིད་བླར་བྱུང་བྱུང་བས། །དམ་པ་དག་ལ་རྨོངས་པར་འགྱུར། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས་པའི་གསུང་རབ་ལ། །འགྲོ་བའི་ཚུལ་ནི་སྔོན་བྱུང་བ། །དེ་ཚེ
140a6 སེམས་ཅན་ཐམས་ཅད་ནི། །ཤིན་ཏུ་འགོག་ལ་བརྩོན་པར་འགྱུར། །ཤིན་ཏུ་འགོག་པའི་སྦྱོར་བ་ཡིས། །འགགས་ཤིང་ཡོངས་སུ་འདས་པར་འགྱུར། །འདས་པའི་དུས་ན་སྔོན་བྱུང་བ། །བདག་ཉིད་ཆེན་པོ་རྟག་པ་ཡི། །དེ་བཞིན་གཤེགས
140a7 པའི་གསུང་རབ་ལ། །འགྲོ་བའི་ཚུལ་ནི་སྔོན་བྱུང་བ། །དེ་ཚེ་སེམས་ཅན་ཐམས་ཅད་ནི། །ཤིན་ཏུ་ཁྲོ་གཏུམ་གདུག་པར་འགྱུར། །ཤིན་ཏུ་ཁྲོ་གཏུམ་གདུག་པ་ཡིས། །འོ་དོད་འབོད་པར་ལྟུང་བར་འགྱུར། །དེ་ནས་འཕོས་པའི་སེམས་ཅན་དེ། །
iiif viewer powered by OpenSeadragon
