| e-texts navigator |
| Wylie |
134b1 ཀུན་གྱི་གསང་། །སྤྲུལ་པ་ཐབས་ཀྱི་དྲ་པ་ལས། །མཐའ་གཉིས་འཛིན་པའི་ཞགས་པ་བྱུང་། །ེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསུང་། །བྱ་བྲལ་རྣལ་འབྱོར་མཐུན་འཇུག་སྤྱོད། །སྦྱོར་ཐབས་བྱ་བ་ལས་རྒྱུད་བྱུང་། །
134b2 ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ལྷག་པར་མཐོང་དང་ཞི་བར་གནས། །དག་པའི་མཐའ་གཉིས་ངེས་པར་བྱུང་། །ེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །སྡེ་མཛོད
134b3 དམ་པའི་བཀའ་ལུང་རྣམས། །འབྱུང་གནས་གཏན་ལ་ངེས་པར་འབེབས། །ེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །གདུལ་བྱའི་ཡུལ་ནི་ཇི་སྙེད་པའི། །གསུང་གི་སྒོ་ཡང་དེ་སྙེད་འབྱུང་། །ེ་མའོ་ངོ་མཚར་རྨད
134b4 ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །རབ་འབྱམ་རྨད་དུ་གྲགས་པ་འདི། །བཀའ་ཡི་རབ་རྒྱུད་དམ་པ་ཉིད། །ེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ཇི་བཞིན་པ་ཡི་དེ་ཁོ་ན། །བསྟན་པ་འབྱུང
134b5 བའི་སྙིང་པོ་མཆོག་། ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ཟབ་མོ་འདུས་པའི་གཏན་ཚིགས་འདི། །སངས་རྒྱས་འབྱུང་བའི་སྙིང་པོའི་ཡུམ། །རྣམ་པ་སྣ་ཚོགས་སྣང་བར་མཛད། །མི་འགྱུར་མི་འཇུག་རྡོ་རྗེ་སེམས། །
134b6 དཔག་ཏུ་མེད་པ་གསུང་མཐའ་ཡས། །ཡོན་ཏན་རིན་ཆེན་སྣ་ཚོགས་འབྱུང་། །མཐའ་དག་ལྷུན་གྲུབ་གདོན་མི་ཟ། །རྡོ་རྗེ་སྙིང་པོ་ཉིད་ལ་ཉིད། །ཉི་མ་ཐུགས་ཀྱི་དཀྱིལ་འཁོར་ཤར། །བསམ་མེད་བསམ་གྱིས་མི་ཁྱབ་པའི། །དཔག་མེད་བརྒྱད་ཁྲི་བཞི
134b7 སྟོང་སྒོ། །གྲགས་པའི་རྣམ་གྲངས་བསམ་ཡས་ཀྱང་། །ངེས་པའི་ཐེག་པ་གཅིག་ལས་མེད། །གསང་ཉིད་མ་ངེས་འཇུག་བར་དུ། །ཐེག་པའི་སྒོ་ཡང་བསམ་མི་ཁྱབ། །གསང་ཉིད་ངེས་པར་སྣང་མ་ཐག་།ཐེག་པའི་སྒོ་ཡང་དེ་ལས་མེད། །བརྗོད་དང
iiif viewer powered by OpenSeadragon
