| e-texts navigator |
| Wylie |
132b1 རྒྱུན་མི་འཆད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །རྫོགས་སྐུ་མ་འདྲེས་ཕུན་སུམ་ཚོགས། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །
132b2 མ་བཅོས་དེ་བཞིན་ཉིད་ཁོ་ན། །ཆོས་སྐུ་རྣམ་པར་དག་པའི་ཉིད། །ཡོངས་སུ་རྫོགས་པས་སྟོང་བདག་མེད། །དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །ཐམས་ཅད་མ་འདྲེས་ཐ་དད་པ། །ཡོངས་སུ་རྫོགས་པས་སྟོང་བདག་མེད། །
132b3 དེ་ཉིད་མ་འདྲེས་ཡོངས་རྫོགས་ན། །མ་བཅོས་དེ་བཞིན་ཉིད་ཁོ་ན། །ཆོས་ཀུན་བརྗོད་པའི་ཆོ་འཕྲུལ་ལས། །མ་བཅོས་དེ་བཞིན་ཉིད་སྣང་བ། །དབུ་མར་མི་དམིགས་གསང་བ་ཉིད། །སྐྱེས་བུ་དམ་པའི་སྤྱོད་ཡུལ་ཡིན། །གསང་སྔགས་རྡོ་རྗེ་ཐེག་ཆེན
132b4 འདི། །དེ་བཞིན་གཤེགས་པ་ཉིད་དུ་གསལ། །ཅི་ཕྱིར་རྡོ་རྗེ་གསང་སྔགས་དང་། །སེམས་ཅན་སངས་རྒྱས་ཐ་དད་མིན། །གསང་སྔགས་རྡོ་རྗེ་རྣལ་འབྱོར་པ། །སྐྱེས་བུ་ཐབས་ཀྱི་ཕ་རོལ་ཕྱིན། །རྡོ་རྗེ་རྣལ་འབྱོར་མི་ལྡན་ན། །དེ་ཉིད་ཐབས་དང་ཤེས
132b5 རབ་བྲལ། །དེ་བས་རྣལ་འབྱོར་ཆེན་པོ་ཡིས། །རྡོ་རྗེ་གསང་སྔགས་དམ་པ་ཡི། །ཆོ་འཕྲུལ་བཞི་ཡི་རང་བཞིན་ལས། །ནམ་ཡང་འདའ་བར་བྱ་བ་མིན། །ཞེས་སྨྲས་པས། མ་འདྲེས་པ་ཡོངས་སུ་རྫོགས་པ་ནི་ཆོས་ཐམས་ཅད་ཀུན་དུ་བཟང་པོ་ཉིད
132b6 དོ་ཞེས་ཡོངས་སུ་གྲག་ཅིང་གྲགས་པར་གྱུར་ཏོ། །ལང་ཀའི་བདག་པོ་དེ་དག་ནི་ཀུན་བརྗོད་པའི་ཆོ་འཕྲུལ་ཏེ། དེ་དག་ཀྱང་སོ་སོར་མ་འདྲེས་པར་དེ་ཁོ་ན་ཉིད་གཅིག་ཏུ་ཡོངས་སུ་འགྲེལ་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན
132b7 པོ་ལས་ཀུན་བརྗོད་པའི་ཆོ་འཕྲུལ་བསྟན་པ་ཞེས་བྱ་བའི་ལེའུ་སྟེ་བརྒྱད་པའོ། ། །།ལང་ཀའི་བདག་པོ་དེ་ལ་རྗེས་སུ་བསྟན་པའི་ཆོ་འཕྲུལ་གང་ཞེ་ན། ཞི་གནས་ཡོངས་སུ་རྫོགས་པར་འགྲེལ་པ་ནི་འདི་ལྟ་སྟེ། ཇི་སྙེད་པ་ཐམས་ཅད་ཇི
iiif viewer powered by OpenSeadragon
