| e-texts navigator |
| Wylie |
122b1 པར་ཅིར་བལྟས་སྣང་བ་ཉིད་དོ། །ཅི་ཡང་མེད་པར་ཅིར་ཡང་རིག་པ་ཉིད་དོ། །ཁྱབ་བདལ་འུབ་ཆུབ་གཅིག་མཐའ་ཡས་པ་ཉིད་དོ། །ཀུན་བྲལ་ཉག་གཅིག་ཅི་མ་སྤངས་པ་ཉིད་དོ། །ཕྱི་དང་ནང་མེད་ཀུན་དུ་ནང་ཉིད་དོ། །མཐའ་ཡས་བྱུང་ཡང་ཟད་པ་མེད་པ
122b2 ཉིད་དོ། །མ་བཟུང་མ་བརྟགས་གང་དུ་ཆགས་པ་ཉིད་དོ། །གདོས་པ་མེད་པར་རྟག་པར་ལྟུང་བ་ཉིད་དོ། །འདེགས་པ་མེད་པར་ནམ་མཁའ་ལ་འགྲོ་བ་ཉིད་དོ། །ཡན་ལག་མེད་པར་ས་རྣམས་བགྲོད་པ་ཉིད་དོ། །གར་ཡང་མ་གཡོས་ཀུན་དུ
122b3 ཕྱིན་པ་ཉིད་དོ། །བསྐྱོད་པ་མེད་པར་ཐོགས་མེད་མྱུར་བ་ཉིད་དོ། །ཐ་དད་སྤྲོས་ཀྱང་གཅིག་ལས་མ་གཡོས་པ་ཉིད་དོ། །གཅིག་ལས་མ་གཡོས་སྣ་ཚོགས་སྣང་བ་ཉིད་དོ། །ཐམས་ཅད་འཇུག་པས་ལམ་ཉིད་དོ། །གང་ཡང་མ་སྤངས་པས
122b4 འཁོར་བ་ཉིད་དོ། །མི་ཤེས་འཁྲུལ་པས་སེམས་ཅན་ཉིད་དོ། །ཆུ་བོ་བཞི་སྒྲོལ་བས་གྲུ་ཉིད་དོ། །རྣམ་པར་བསྐྱོད་པས་བགྲོད་པའོ། །དམིགས་པ་མེད་པས་བྱང་ཆུབ་བོ། །རྣམ་པ་སྣ་ཚོགས་པས་སེམས་ཉིད་དོ། །ཀུན་ལ་མཁས་པས
122b5 ཤེས་རབ་བོ། །ཐམས་ཅད་གསལ་བས་ཏིང་ངེ་འཛིན་ནོ། །མ་བགྲོད་པར་ཕྱིན་པས་གནས་ཉིད་དོ། །ཟླ་མེད་པས་རབ་ཉིད་དོ། །ངོ་མཚར་བས་མཆོག་ཉིད་དོ། །རྣམ་པར་འཕགས་པས་ཕུལ་ཉིད་དོ། །དབང་དང་གཉེན་པོ་མེད་པས་བླ་ན
122b6 མེད་པ་ཉིད་དོ། །གཏིང་མི་རྙེད་པས་ཟབ་པ་ཉིད་དོ། །དཔག་ཏུ་མེད་པས་ན་གསང་བ་ཉིད་དོ། །ཕྲ་བས་ན་མི་གསལ་བ་ཉིད་དོ། །ཐམས་ཅད་འབྱུང་བས་ཆོས་སོ། །མི་འགྱུར་བས་དེ་ཁོ་ན་ཉིད་དོ། །གོ་འཕང་ཉིད་པས་བྱང་ཆུབ་སེམས་དཔའོ། །
122b7 རྒྱུན་སངས་རྒྱས་ཁྱབ་པས་སངས་རྒྱས་ཉིད་དོ། །གཞིར་གྱུར་པས་རྩ་བ་ཉིད་དོ། །ཐམས་ཅད་བསྐྱེད་པས་ཡུམ་ཉིད་དོ། །དེ་ལས་བྱུང་བས་ཡབ་ཉིད་དོ། །གདུང་རྒྱུད་འཛིན་པས་སྲས་ཉིད་དོ། །རང་བྱུང་བ་ཉིད་པས་དབང་བདག་ཉིད་དོ། །དེ
iiif viewer powered by OpenSeadragon
