| e-texts navigator |
| Wylie |
114b1 ཅིའི་ཕྱིར་དུ། དེ་དག་གིས་གསོལ་བ། བཤེས་གཉེན་དམ་པ་འདི་ལྟ་སྟེ། ལམ་གྱི་ནང་ན་ཉེ་ལམ་པ། །ཐབས་ཀྱི་ནང་ན་དམ་པ་འདི། །སྔོན་དུ་མ་ཐོས་སྐལ་བ་ཆུང་། །ེ་མའོ་ངོ་མཚར་རྨད་ཀྱི་ཆོས། །ཡུན་གྱི་དོན་སྲིད་འདི་ལྟ་བུ། །དོན
114b2 རག་གཞན་ལ་མ་ལུས་པར། །གཞན་ལ་རེ་སྩོལ་ཨེ་མའོ་འཁྲུལ། །བྱ་བའི་ལས་ལ་ཤ་ཐང་བར། །མཚན་མའི་རྗེས་སུ་གཡེང་སྤྱོས་ཏེ། །ངལ་ཆད་དོན་མེད་ཚིག་མཐའ་ཡས། །བསྡུ་བས་མ་འདུས་དོན་རེ་ཆུང་། །བཤེས་གཉེན་དམ་པ
114b3 དེ་གཉིས་ལས། །ངེས་པར་རྙེད་པས་དབུགས་ཆེན་འབྱིན། །སངས་རྒྱས་མཉམ་དང་དབྱིངས་སུ་གྲོལ། །དེ་ཉིད་ཆེན་པོར་ལྷུན་གྱིས་གྲུབ། །ཅེས་གསོལ་ཏེ། ངོ་མཚར་གྱི་དགའ་བ་ཆེན་པོ་ལས་ཡེ་ཤེས་ཀྱི་འོད་ཉི་མ་འབུམ་ལྟ་བུར་བྱུང་བས་གངས
114b4 པ་རྣམས་ནི་རིག་པའི་རྩལ་སྦྱངས། དོན་གྱི་ཆེ་བ་བྱུང་། ས་རྣམས་ཀུན་དུ་གཡོས་པས་སྤྱོད་པའི་རྣལ་འབྱོར་པ་དག་ངོ་མཚར་བར་གྱུར་ཏེ་རང་རང་གི་སྟོན་པ་ལ་གསོལ་པ། འདི་ལྟ་བུའི་ལྟས་ཡ་མཚན་ཅན་འདི་ཇི་ལྟ་བུ་ཞིག་ལགས་ཞེས་ཞུས་པ་ལས་སོ
114b5 སོའི་སྟོན་པ་དཔག་ཏུ་མེད་པས་སོ་སོའི་འཁོར་དཔག་ཏུ་མེད་པ་ལ་བཀའ་སྩལ་པ། རིགས་ཀྱི་བུ་དག་ལྟས་ཆེན་པོ་འདི་ནི་གང་ལ་ཁྱབ་ཆེན་པོ་ཞེས་བྱ་བའི་ཞིང་ཁམས་ན་སངས་རྒྱས་ཀུན་གྱི་དགེ་བའི་བཤེས་གཉེན་རྡོ་རྗེ་སེམས་དཔའ་དེ་ཁོ་ན་ཉིད་ཅེས་བྱ
114b6 བ་ཐེག་པ་ཆེན་པོ་གསང་སྔགས་ཀྱི་དེ་ཁོ་ན་ཉིད་ངེས་པ་ཞེས་བྱ་བའི་ཆོས་སྟོན་ཏེ། སངས་རྒྱས་དེ་ནི་ཐེ་ཚོམ་ཐམས་ཅད་གཅོད་ཅིང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ངེས་པར་སངས་རྒྱས་པར་ལུང་སྟོན་པའི་དགེ་བའི་བཤེས་གཉེན་དམ
114b7 པར་གྱུར་པས་སྐྱེས་བུ་དམ་པ་ལྔ་གང་གསང་སྔགས་ཀྱི་ངེས་པ་མ་རྙེད་པས་ཡོངས་སུ་མངོན་པར་རྫོགས་པར་སངས་རྒྱས་པས་དེ་དག་ངེས་པའི་ཐེ་ཚོམ་བཅད་དེ་ལུང་སྟོན་པས་དེ་དག་གི་ལྟས་ཡིན་ནོ། །ཞེས་སྟོན་པར་གྱུར་ཏོ། །ལང་ཀའི་བདག་པོ་དེ་ལྟར
iiif viewer powered by OpenSeadragon
