| e-texts navigator |
| Wylie |
112a1 ས་ཆེན་པོའི་སངས་རྒྱས་ཞེས་བྱ་བར་བརྗོད་ཅིང་གྲགས་ཀྱང་། སངས་རྒྱས་ཀྱི་དགོངས་པ་གསང་བ་དམ་པ་ད་དུང་ཉམས་སུ་མ་མྱོང་སྟེ་མཉམ་པ་ལ་འཇོག་དགོས་པའི་ཕྱིར་རོ། །དེ་ཅིའི་ཕྱིར་ཞེ་ན། སྐྱེས་བུ་དམ་པ་དེ་དག་གིས་ནམ་མཉམ་པ
112a2 ལ་མ་བཞག་གི་བར་དུ་སངས་རྒྱས་ཀྱི་དགོངས་པ་ཉམས་སུ་མ་མྱོང་ནས་ཡང་དག་པའི་རྟོགས་པས་དང་པོའི་སངས་རྒྱས་རྡོ་རྗེ་སེམས་དཔའ་ལ་གསོལ་པ། བཅོམ་ལྡན་འདས་སངས་རྒྱས་བཅོམ་ལྡན་འདས་རྣམས་ནི་མཉམ་པར་བཞག་པ་དང་མ་བཞག་པ་མི
112a3 མ་ངའ་བར་རྣམ་པ་ཐམས་ཅད་མཁྱེན་ན་བདག་ཅག་གིས་བསྐལ་པ་དཔག་ཏུ་མེད་པར་དཀའ་བ་དཔག་ཏུ་མེད་པར་བགྱི་བ་ཐམས་ཅད་རྫོགས་པར་བགྱིས་ཀྱང་མཉམ་པ་ལ་མ་བཞག་གི་བར་དུ་སངས་རྒྱས་ཀྱི་དགོངས་པ་མྱོང་བར་མ་གྱུར་པ་འདི་ངོ་མཚར་ལགས
112a4 སོ། །བདེ་བར་གཤེགས་པ་འདི་ངོ་མཚར་ལགས་སོ། །དེ་སྐད་ཅེས་གསོལ་པ་དང་། བཅོམ་ལྡན་འདས་སེམས་དཔའ་རྡོ་རྗེ་སྙིང་པོ་དེས་བཀའ་སྩལ་པ། ཀྱེ་སྐྱེས་བུ་དམ་པ་རྣམས་གང་དེ་བཞིན་གཤེགས་པ་ཉིད་དུ་ལྷུན་གྱིས་གྲུབ་པར་འདོད་པ་རྣམས
112a5 ཀྱིས་ནི་སངས་རྒྱས་ཀྱི་ཆོས་ཐམས་ཅད་ནས་ཐམས་ཅད་དུ་ཡོངས་སུ་རྫོགས་པར་བྱ་བ་གསུམ་ལས་ཁྱེད་རྣམས་ཀྱིས་གང་བྱ་བ་ཡོངས་སུ་རྫོགས་པར་བྱས། བསྲུང་བ་ཡོངས་སུ་དག་པར་བྱས་སུ་ཟིན་ཀྱང་ད་དུང་བློ་གྲོས་ཀུན་དུ་ཆུབ་པར་མ་བྱས་སོ། །དེ་བས་ན
112a6 གདོད་མ་ནས་དམ་པ་རྣམས་ཀྱི་དེ་ཁོ་ན་ཉིད་ལ་བློ་གྲོས་ཀུན་དུ་ཆུབ་པར་གྱིས་ཤིག་དང་། དེ་ཡོངས་སུ་ཆུབ་པ་བཞིན་དམ་པ་རྣམས་ཀྱི་དགོངས་པ་མྱོང་བར་འགྱུར་རོ། །དེ་སྐད་ཅེས་བཀའ་སྩལ་པ་ལས། སྐྱེས་བུ་དམ་པ་རྣམས་ཀྱིས་གསོལ་པ། ཨེ་མའོ
112a7 བཅོམ་ལྡན་འདས། བཅོམ་ལྡན་འདས་ཀྱིས་ནི་བདག་ཅག་རྣམས་ལ་ཤིན་ཏུ་ངོ་མཚར་ཞིང་རྨད་དུ་གྱུར་པ། དཔག་པར་དཀའ་བ་ཐེ་ཚོམ་སྐྱེ་བ། སོམ་ཉི་འཚལ་བར་བཀའ་སྩལ་ན། བློ་གྲོས་ཀུན་དུ་ཆུབ་པར་བགྱིད་པའི་དམ་པ་རྣམས་ཀྱི་དེ་ཁོ་ན་ཉིད
iiif viewer powered by OpenSeadragon
