| e-texts navigator |
| Wylie |
111a1 པ་མ་རྙེད་དོ། །རིགས་ཆེན་འབྱེད་པའི་སྐབས་སུ་སེམས་བཞི་རྫོགས་ཏེ། །མཐའ་བཅུ་ཆུབ་ནས་བསོད་ནམས་སྟེར་བར་གྱུར་ཏོ། །དེའི་ཚེ་སངས་རྒྱས་ལྔ་ཁྲི་ལྔ་སྟོང་ལ་ཐེ་ཚོམ་བཅད་ཀྱང་ངེས་པ་མ་རྙེད་དོ། །ཡང་དབུགས་ཆེན་ཕྱིན
111a2 པའི་སྐབས་སུ་སེམས་གཅིག་རྫོགས་ཏེ། མཐའ་བཅུ་ཆུབ་ནས་འཇིགས་པ་ལྔ་ལས་འདས་ཏེ་བརྟེན་ནས་ཁྱད་པར་འགྲོ་བའི་ས་པར་གནས་སོ། །དེའི་ཚེ་སངས་རྒྱས་དྲུག་ཁྲི་དྲུག་སྟོང་ལ་ཐེ་ཚོམ་བཅད་པས་ཕྱོགས་ཙམ་ཤེས་ཏེ་དབུགས་ཕྱིན་པར་གྱུར་ཏོ། །
111a3 དེ་ཡང་འདི་ལྟར་སྒྱུ་མ་སྦྱོང་བའི་སྐྱེས་བུ་དེ། །འཁོར་ལོས་སྒྱུར་བའི་ཆ་བྱད་དུ། །རིན་ཆེན་བདུན་དང་དཔུང་ཚོགས་ཀྱིས། །དབང་སྒྱུར་ཐབས་ཀྱི་ཐེག་པ་སྟོན། །ཡང་ལུང་ཆེན་ཐོབ་པའི་སྐབས་སུ་སེམས་བདུན་རྫོགས་ཏེ་ལྷན་ཅིག་གནས་པའི
111a4 དྲི་མ་དག་པས་རི་བོ་ལས་རྒལ་ཏེ་དམིགས་པས་འབྲས་བུ་སྐྱེ་བའི་ས་པར་གནས་སོ། །དེའི་ཚེ་སངས་རྒྱས་བདུན་ཁྲི་བདུན་སྟོང་ལས་ལུང་ཐོས་པས་རྟོག་ཆེན་ལ་གནས་སོ། །དེ་ཡང་འདི་ལྟ་སྟེ། དེའི་ཚེ་སྐྱེས་བུ་དམ་པ་དེ། འབྲས་བུ་ཉིད་ལ་ལམ་ཤེས་པས། །
111a5 ལམ་གྱི་ཡན་ལག་བདེ་རྫོགས་ཏེ། །གཞན་དག་སྨིན་པར་བྱ་བའི་ཕྱིར། །ཇི་ལྟར་འདོད་ལྟར་ཐབས་མཆོག་སྦྱོར། །ཡང་རྩལ་ཆེན་རྫོགས་པའི་སྐབས་སུ་སེམས་གསུམ་བསྐྱེད་ཅིང་མཐའ་དྲུག་ཆུབ་ནས་གནས་པར་མི་འགྱུར་བའི་ས་པར་གནས་སོ། །
111a6 དེའི་ཚེ་སངས་རྒྱས་བརྒྱད་ཁྲི་བརྒྱད་སྟོང་ལས་ལུང་བསྟན་པ་ཐོས་ནས་གདེང་དུ་གྱུར་ཏོ། །དེ་ཡང་འདི་ལྟར། དེ་ནས་རྒྱལ་ཚབ་སྐྱེས་བུ་དེ། །ཆོས་ཀྱི་རྒྱལ་པོ་གང་དེ་ཡི། །གདུང་འཚོ་བ་དགའ་ལྡན་ཐེག་ཆེན་སྟོན། །མི་གནས་བཅུ་དུས་ཆོ་འཕྲུལ་སྣང་། །
111a7 ལང་ཀའི་བདག་པོ་དེ་ལྟར་ན་ལས་དང་པོ་པའི་རིགས་ཀྱི་བུ་དེ་དག་ནི་རིགས་ལྔར་སྐྱེ་བ་བླངས་པ་དེ་ནས་ཀྱང་བསྐལ་པ་དཔག་ཏུ་མེད་པ་བརྗོད་པ་ལས་འདས་པའི་ཐོག་མ་དང་ཐ་མ་མེད་པའི་དུས་ན་སངས་རྒྱས་ལྔ་ལ་བྱང་ཆུབ་མཆོག་ཏུ་སེམས་བསྐྱེད་ནས
iiif viewer powered by OpenSeadragon
