| e-texts navigator |
| Wylie |
102b1 དམིགས་པ་ཞེས་ཀྱང་བྱའོ། །སངས་རྒྱས་ཀུན་གྱི་དངོས་གཞི་ཞེས་ཀྱང་བྱའོ། །སྤྲུལ་པ་ཀུན་གྱི་འབྱུང་གནས་ཞེས་ཀྱང་བྱའོ། །སངས་རྒྱས་ཀུན་གྱི་དགེ་བའི་བཤེས་གཉེན་ཞེས་ཀྱང་བྱའོ། །ཞིང་ཁམས་ཀུན་གྱི་སྒྲོན་མ་ཞེས་ཀྱང་བྱའོ། །ཐུགས་རྗེ་ཐབས་ཀྱི
102b2 འབྱུང་གནས་ཞེས་ཀྱང་བྱའོ། །ཆོས་ཐམས་ཅད་ཀྱི་གཟུགས་བརྙན་སྣང་བ་ཞེས་ཀྱང་བྱའོ། །ལང་ཀའི་བདག་པོ་དེ་དག་ཀྱང་གང་གི་དོན་དུ་དེ་ལྟར་བཏགས་ཀྱི་དེ་ཁོ་ན་ཉིད་ལ་ནི་མིང་དུ་བཏགས་པ་མེད་དེ། དེ་དག་ནི་ཉིད་དུ་རིག་པར་བྱའོ། །ལང་ཀའི
102b3 བདག་པོ་དེའི་ཕྱིར་ན་སངས་རྒྱས་ནི་སོ། །ཆོས་ཀྱང་སོ། །བྱང་ཆུབ་ཀྱང་སོ། །དེ་བཞིན་དུ་དབྱིངས་དང་ཡེ་ཤེས་དང་ཆོས་ཀྱི་སྐུ་དང་། སྐུ་ཐ་དད་པ་དང་། སེམས་ཅན་དང་། འཇིག་རྟེན་ལ་སོགས་པ་ཐམས་ཅད་དུ་བཏགས་ཤིང
102b4 ཆགས་པ་ཇི་སྙེད་པ་དག་འབའ་ཞིག་ཏུ་རིག་པར་བྱའོ། །ལང་ཀའི་བདག་པོ་གང་ཡིན་པ་ནི་གློ་བུར་དུ་བཏགས་པ་སྟེ་ཡེ་ནས་ལྡན་པ་ནི་མ་ཡིན་ནོ། །ལང་ཀའི་བདག་པོ་གལ་ཏེ་ཡེ་ནས་ལྡན་པ་ཞིག་ཡིན་ནི། གང་གློ་བུར་པ་ཐམས་ཅད
102b5 མི་འབྱུང་བར་འགྱུར་རོ། །ལང་ཀའི་བདག་པོ་གློ་བུར་ནི་སྤྲིན་བཞིན་ཏེ་ཐེར་ཟུག་པ་མ་ཡིན། ཡེ་ནས་ལྡན་པ་མ་ཡིན། བརྟག་བཟོད་པ་མ་ཡིན་ནོ། །ལང་ཀའི་བདག་པོ་དེའི་ཕྱིར་མིང་དང་། བརྡ་དང་ཐ་སྙད་དང་མཚན་མ་དང་། བཏགས་པ་དང་། ལས
102b6 དང་ལས་ཀྱི་རྣམ་པར་སྨིན་པ་ཐམས་ཅད་ནི་གློ་བུར་པ་སྟེ་འབྱུང་བ་དང་། སངས་པ་དང་། སྒྲིབ་པ་དང་། དང་བར་རིག་པར་བྱའོ། །ལང་ཀའི་བདག་པོ་གལ་ཏེ་ལས་དང་ལས་ཀྱི་རྣམ་པར་སྨིན་པ་ལ་སོགས་པ་གློ་བུར་དུ་མ་བཏགས་ན་ནི་དེ་བཞིན་ཉིད་ཅེས་བྱ་བ་དེ
102b7 དེ་ལྟར་མི་རུང་བ་ཞིག་ན་ལང་ཀའི་བདག་པོ་དེ་བཞིན་ཉིད་དེ་ནི་གང་གི་དབང་དུ་མི་འགྱུར་བའི་སུ་རིག་པར་བྱའོ། །ལང་ཀའི་བདག་པོ་དེའི་ཕྱིར་ཆོས་ཐམས་ཅད་མིང་མེད། ཚིག་མེད། བརྗོད་དུ་མེད། ཚིག་གི་ལམ་ཆད་པའོ། །སྨྲས་པ། གསང་བ་པའི
iiif viewer powered by OpenSeadragon
