| e-texts navigator |
| Wylie |
102a1 བ་ནི་ཐིག་ལེ་གང་ཡིན་པ་ཉིད་དོ། །འོད་ཅེས་བྱ་བ་ནི་སྣང་བའོ། །གསལ་བ་ཞེས་བྱ་བ་ནི་གང་མི་ཤེས་པ་ལས་གཞན་གང་གིས་ཀྱང་མ་བསྒྲིབས་པའོ། །གསང་བ་ཞེས་བྱ་བ་ནི་སྨྲར་བྱེད་པ་སྤྱོད་ཡུལ་དུ་མ་གྱུར་པ་ལ་བྱའོ། །སྔགས
102a2 ཞེས་བྱ་བ་ནི་ཡོན་ཏན་གྱི་འབྱུང་གནས་སུ་བརྗོད་པ་ལ་བྱའོ། །ངོ་བོ་ཉིད་ཅེས་བྱ་བ་ནི་དངོས་པོ་མེད་པ་མི་དམིགས་པ་ཀུན་འབྱུང་བའི་གཞི་ལ་བྱའོ། །ཇི་བཞིན་པ་ཞེས་བྱ་བ་ནི་མ་བཅོས་མ་བསླད་པ་ལ་བྱའོ། །དེ་བཞིན་པ་ཞེས་བྱ་བ་ནི་མ་བྱས་མ་བཏགས
102a3 པ་ལ་བྱའོ། །དེ་ཁོ་ན་ཉིད་ཅེས་བྱ་བ་ནི་མ་ནོར་མི་འགྱུར་བ་ལ་བྱའོ། །ཡང་ལང་ཀའི་བདག་པོས་དྲིས་པ། གསང་བ་བའི་བདག་པོ་མ་བྱས་མ་བཅོས་པ་ཞེས་བྱ་བ་ནི་གང་། སྣ་ཚོགས་འབྱུང་བ་ཞེས་བྱ་བ་ནི་ཇི་ལྟ་བུ་གསང་བ་པའི་བདག་པོས་སྨྲས་པ། ལང
102a4 ཀའི་བདག་པོ་བྱེད་པ་པོ་མེད་ལ་བྱ་བས་བཙལ་དུ་མེད་པའི་ཕྱིར་མ་བྱས་པའོ། །གཞི་ཇི་བཞིན་པའི་ཕྱིར་མ་བཅོས་པའོ། །གང་མེད་པ་ལས་རྒྱུན་དུ་འབྱུང་ཞིང་ཡུལ་ཐ་དད་ལ་འགྲོ་བ་ལེགས་པ་དང་། ཉེས་པ་དང་། གཉིས་ཀ་མ་ཡིན་པ་སྣ་ཚོགས་འབྱུང་བ
102a5 སྟེ་གང་དེ་ཉིད་ནི་ནམ་མཁའ་ལྟ་བུའོ། །དེ་རྒྱུན་ནི་འབྱུང་བ་སྟེ། སྤྲིན་དང་ཁུག་རླངས་དང་འཇའ་རླན་ལ་སོགས་པ་ལྟ་བུའོ། །ཡང་དྲིས་པ་གསང་བ་པའི་བདག་པོ་དེ་ལ་ཅིའི་ཕྱིར་རྡོ་རྗེ་སེམས་དཔའ་ཞེས་བགྱི། སྨྲས་པ་ལང་ཀའི་བདག་པོ་དེ་ཁོ་ན་ཉིད་ཇི
102a6 བཞིན་པ་དེ་ནི་ཐམས་ཅད་ནས་ཐམས་ཅད་དུ་གཉེན་པོ་མེད་པ། འཕོ་འགྱུར་མེད་པ། སྐྱེ་འགག་མེད་པ། དེ་ཁོ་ན་ཉིད་སེམས་རང་རིག་པ། དགོངས་པ་ངེས་པར་འགྲེལ་པ་ལས་ཆོ་འཕྲུལ་སྣ་ཚོགས་འབྱུང་བའི་དངོས་པོ་མེད་པ་ཉིད་དུ་བཅོམ་པའི་ཕྱིར་རྡོ་རྗེ
102a7 སེམས་དཔའ་ཞེས་བྱའོ། །ལང་ཀའི་བདག་པོ་དེ་ལ་ནི་བླ་ན་མེད་པའི་བྱང་ཆུབ་ཀྱི་སེམས་ཞེས་ཀྱང་བྱའོ། །ཆོས་རྣམས་ཀྱི་ཆོས་ཉིད་དེ་བཞིན་ཉིད་ཅེས་ཀྱང་བྱའོ། །སེམས་ཀྱི་སྟོང་པ་ཉིད་ཅེས་ཀྱང་བྱའོ། །མཐའ་ལས་འདས་པ་ཞེས་ཀྱང་བྱའོ། །དབུ་མར་མི
iiif viewer powered by OpenSeadragon
