| e-texts navigator |
| Wylie |
101a1 བརྙན་གཞལ་མེད་ཁང་ལས་མ་གཡོས་པར་ཆུ་ཐ་དད་པའི་ནང་དུ་གཟུགས་བརྙན་ཐ་དད་པར་སྣང་བ་བཞིན་དུ་སངས་རྒྱས་རྡོ་རྗེ་སེམས་དཔའ་ཉིད་ལས་མ་གཡོས་བཞིན་དུ་ཞིང་ཁམས་དཔག་ཏུ་མེད་པར་སངས་རྒྱས་མཐའ་ཡས་པར་སྣང་ངོ་། །དེ་ལྟར
101a2 ན་ཨ་གང་མིང་སྣ་ཚོགས་སུ་བཏགས་པའི་སངས་རྒྱས་ཀྱི་ཞིང་ཁམས་མཐའ་ཡས་པ་ན་འཁོད་པའི་སེམས་ཅན་རྣམས་ཀྱིས་སངས་རྒྱས་རྡོ་རྗེ་སེམས་དཔའི་མཚན་སྣ་ཚོགས་པར་ཤེས་པ་ནི་བརྗོད་ཀྱིས་མི་ལང་བའི་བསྐལ་པར་སྨྲས་ཀྱང་ཤར་ཕྱོགས་གཅིག་པུའི་སངས
101a3 རྒྱས་ཀྱི་ཞིང་ན་བཞུགས་པའི་མཚན་ཉིད་ཀྱི་མཐའ་ཡང་མི་དམིགས་སོ། །དེ་བཞིན་དུ་ཕྱོགས་བཅུ་ཐམས་ཅད་ཀྱི་སངས་རྒྱས་ཀྱི་ཞིང་ན་འཁོད་པའི་སེམས་ཅན་རྣམས་བརྗོད་ཀྱིས་མི་ལང་བའི་བསྐལ་པར་སྨྲས་ཀྱང་མཚན་གྱི་མཐའ་ནི་མི་རྫོགས་སོ། །ཇི་ལྟར
101a4 སེམས་ཅན་མོས་པ་ཆུང་ངུ་རྣམས་ཀྱིས་རྡོ་རྗེ་སེམས་དཔའི་ཞིང་ཁམས་ཚད་མེད་པ་དང་མཚན་མཐའ་ཡས་པ་ཐོས་ན་བློ་ག་ཆད་པ་དང་མྱོས་པར་འགྱུར་རོ། །ཇི་ལྟར་རྡོ་རྗེ་སེམས་དཔའི་ཞིང་ཁམས་དེ་དག་ཐམས་ཅད་ན་སེམས་ཀྱི་དཀྱིལ་འཁོར་འོད་གསལ་བ
101a5 གསང་སྔགས་ཀྱི་ངོ་བོ་དེ་ཉིད་འབའ་ཞིག་ཡང་དག་པ་ཇི་ལྟ་བ་བཞིན་དུ་རབ་ཏུ་ཕྱིན་ཅི་མ་ལོག་པར་རིམ་གྱིས་དང་། ཅིག་ཅར་བར་སྟོན་ཏོ། །དེ་ཅིའི་ཕྱིར་ཞེ་ན། རྡོ་རྗེ་སེམས་དཔའི་ཞིང་ཁམས་ན་འཁོད་པའི་སེམས་ཅན་ཆེན་པོ་དེ་དག་ནི་སེམས་ཀྱི
101a6 རང་བཞིན་སྣ་ཚོགས་པའི་ཕྱིར། བློ་ཤིན་ཏུ་ཟབ་པ་དང་། མི་ཟབ་པ་དང་། ཡངས་པ་དང་། དོག་པ་དང་། བརྟན་པ་དང་། འགྱུར་བ་དང་། རྣོ་བ་དང་། རྟུལ་བ་དང་། མྱུར་བ་དང་། བུལ་བ་དང་། ཤས་སྟག་པས་བསྔགས་ཀྱི་ངོ་བོ་ཉིད་ཀྱི་གཏམ་རིམ
101a7 གྱིས་པ་དང་ཅིག་ཅར་བར་ཐོས་ནས་དེ་དག་ལ་ཡང་མི་སྐྲག་མི་དབང་གི་དགའ་ཞིང་མགུ་བ་དང་། རངས་པར་འགྱུར་བའི་ཕྱིར་སྣ་ཚོགས་སུ་སྣང་བའོ། །དེ་ན་གནས་པའི་ཚེའི་ཚད་ཀྱང་ཐུང་བ་དང་། རིང་བ་དང་། དཔག་ཏུ་མེད་པ་དང་། བརྒྱ་པ་དང་བརྒྱད་ཁྲི་བཞི
iiif viewer powered by OpenSeadragon
