| e-texts navigator |
| Wylie |
82a1 ཡང་དག་ཤེས་ཀྱིས། བཅོམ་ལྡན་འདས་ལ་ལན་དུ་མར་བསྐོར་བ་བྱས་ནས། ལྷའི་མེ་ཏོག་དང་། རིན་པོ་ཆེ་དུ་མས་བཅོམ་ལྡན་འདས་ལ་མངོན་པར་བསྟོད་ནས་འདི་སྐད་ཅེས་གསོལ་ཏོ། །བཅོམ་ལྡན་འདས་ལྷ་རྣམས་ཀྱི་རྒྱལ་པོ་འདི་ལ་ཅིའི་སླད་དུ་རྣམ་ཐོས་སྲས
82a2 ཞེས་བགྱི། ཅིའི་སླད་དུ་ངལ་བསོ་པོ་ཞེས་བགྱི། ཅིའི་སླད་དུ་གནས་སྲུང་པོ་ཞེས་བགྱི། ཅིའི་སླད་དུ་ལུས་ངན་པོ་ཞེས་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་གསང་བའི་བདག་པོ་ལག་ན་རྡོ་རྗེ་ལ་བཀའ་སྩལ་པ། གསང་བའི་བདག་པོ་ཁྱོད་ཀྱིས་ལྷའི་རྒྱལ
82a3 པོའི་མིང་གི་རྣམ་གྲངས་རྣམས་གནོད་སྦྱིན་གྱི་ཚོགས་ཆེན་པོ་འདི་དང་། སྡེ་དཔོན་ཆེན་པོ་ཡང་དག་ཤེས་ལ་ཡང་དག་པར་སྟོན་ཅིག་ཅེས་པ་དེ་གསུངས་ནས། དེ་ནས་གསང་བའི་བདག་པོ་ལག་ན་རྡོ་རྗེས་བཅོམ་ལྡན་འདས་ལ་ལན་དུ་མར་བསྐོར་བ་བྱས་ནས། རྡོ་རྗེ་སྙེམས་པ་དང་བཅས་པས།
82a4 འགྱིང་ཞིང་རང་གི་སྟན་ལ་འདུག་སྟེ། འཁོར་འདུས་པ་དང་། གནོད་སྦྱིན་གྱི་སྡེ་དཔོན་ཆེན་པོ་རྣམས་ལ་གཟིགས་ནས། གནོད་སྦྱིན་གྱི་སྡེ་དཔོན་ཆེན་པོ་ཡང་དག་ཤེས་ལ་འདི་སྐད་ཅེས་གསུངས་སོ། །སྡེ་དཔོན་ཡང་དག་ཤེས་ལྷའི་རྒྱལ་པོ་འདི་ནི་རྣམ་པར་སྣང་མཛད་དེ་བཞིན
82a5 གཤེགས་པའི་ཐུགས་ལས་སྤྲུལ་པ་སྟེ། སངས་རྒྱས་ཀྱི་མཛད་པ་ཇི་ལྟ་བ་བཞིན་དུ་མཛད་པའོ། །དེ་ནས་ཚངས་པ་ཁྱད་པར་སེམས་ཀྱིས་བསམས་པ། ཀྱེ་མ་ལྷ་རྣམས་ཀྱི་སྲིད་གྲུབ་ཅིང་མི་རྣམས་ཀྱི་རེ་བ་སྐོང་བའི་ཕྱིར་ཐབས་ཅི་ཡོད་ཅེས་བསམས་པ་དང་། ལྷ་ཐམས་ཅད་ཀྱི་མངའ
82a6 བདག་མ་ཧཱ་དེ་བ་དྲང་སྲོང་གི་སྤྱོད་པ་ལ་གནས་ཤིང་དགའ་བའི་ཚལ་ན་ཡོད་པ། ལྷའི་བུ་རྣམས་ཀྱིས་དྲང་སྲོང་ཆེན་པོ་རྣམ་པ་མང་དུ་ཐོས་པ་དྲང་སྲོང་གི་སྤྱོད་པ་མཛད་དོ་ཞེས་གྲགས་སོ། །དེའི་ཚེ་ན་ཚངས་པ་ཁྱད་པར་སེམས་ཀྱིས་བརྒྱ་བྱིན་ལ་བསྐུལ་ཏེ། །དཔལ་ལྷ་མོ་དྲང་སྲོང་ལ་ཕུལ
82a7 ལོ། །དེས་ཀྱང་དྲང་སྲོང་གི་དཀའ་ཐུབ་བཟློག་གོ། །རྣམ་པ་མང་པོ་ཐོས་པ་དང་ལྷན་ཅིག་ཏུ་གནས་པ་ལས། ཟླ་བ་བཅུ་ན་ཁྱེའུ་མཚན་དང་ལྡན་པ་ཅིག་དཔལ་ལྷ་མོའི་པང་དུ་བརྫུས་ཏེ་བྱུང་ངོ་། །མིང་ཡང་སྲིད་གྲུབ་ཅེས་བཏགས་སོ། །དེ་ནས་ཆེར་སྐྱེས་པ་དང་རྒྱལ་ཆེན་བཞིའི
iiif viewer powered by OpenSeadragon
