| e-texts navigator |
| Wylie |
80a1 པས་ཡོན་ཆབ་དབུལ་བར་བྱའོ། །འདི་དག་སྒྲུབ་པའི་ཚིག་སྟེ། ཡུངས་ཀར་ལ་ལན་བདུན་ཡོངས་སུ་བཟླས་ཏེ་གྲོང་ཁྱེར་གྱི་དབུས་སུ་ཡོངས་སུ་གཏོར་ན་གུས་པར་བྱིན་གྱིས་བརླབས་ཏེ་འབབ་པར་འགྱུར་རོ། །འཇིག་རྟེན་པ་ཕན་ཚུན་འཇིག་པར་འགྱུར།
80a2 གང་གིས་ཀྱང་འཚོ་བར་མི་ནུས་སོ། །ཆུས་གཏོར་ན་ཞི་བར་འགྱུར་རོ། །རལ་གྲིས་ཡིད་ལ་དྲན་པ་ཙམ་གྱིས་འབར་བའོ། །དེ་བཞིན་དུ་རྩེ་གསུམ་པ་དང་། འཁོར་ལོ་དང་། རལ་གྲི་དང་། མུ་ས་ལ་དང་། ཐོ་བ་ལ་རེག་ཅིང་ཡིད་ལ་སྔགས་དྲན་ཅིང་གུ་གུལ་གྱིས་བདུགས
80a3 པ་ཙམ་གྱིས་འབར་བར་འགྱུར་རོ། །བུ་དོན་གྱི་གཟུགས་ལ་ཡུངས་ཀར་གྱིས་བདུགས་ན་གཟུགས་དེ་འབར་བར་འགྱུར་རོ། །དེ་བཞིན་དུ་ཚངས་པ་དང་། བརྒྱ་བྱིན་དང་། མཐུ་བོ་ཆེ་དང་། དབང་པོ་དང་། ངལ་བསོ་པོ་དང་། ནག་པོ་ཆེན་པོ་ལ་སོགས་པ་ལ་གུ་གུལ་གྱིས
80a4 བདུགས་པ་ཙམ་གྱིས་ལས་ཀུན་འབར་བར་འགྱུར་རོ། །བུམ་པ་ལ་དབབ་པར་འདོད་ན་དཀྱིལ་འཁོར་བྱས་ཏེ། བུམ་པ་ཆུས་བཀང་ལ་དཀྱིལ་འཁོར་དུ་མེ་ཏོག་གིས་གཏོར་ནས་གུ་གུལ་གྱིས་བདུག་ཅིང་སྔགས་རྗེས་སུ་དྲན་པར་བྱས་ན་བབས་ན་འབར་ཏེ། མེ་ལོང་དབབ་པར
80a5 འདོད་ན་དཀྱིལ་འཁོར་བྱས་ནས་མེ་ཏོག་གཏོར་ཏེ། གུ་གུལ་གྱིས་བདུགས་ན་འདས་པ་དང་མ་འོངས་པ་དང་། ད་ལྟར་བྱུང་བ་དང་། ཐམས་ཅད་མེ་ལོང་གི་དབུས་སུ་མཐོང་ངོ་། །ཇི་སྲིད་ལྷའི་གནས་དང་། རྒྱལ་ཆེན་བཞིའི་གནས་དང་། གཤིན་རྗེའི་གནས་དང་།
80a6 ཀླུའི་གནས་དང་། གང་དང་གང་ཡིད་ཀྱིས་བསམས་པ་དེ་དང་དེ་མཐོང་བར་འགྱུར་རོ། །གང་དུ་འདོད་པ་དེའི་ཚེ་མཐར་འགྱུར་བ་ཡང་མཐོང་སྟེ། འཇིག་རྟེན་མངོན་སུམ་མཐོང་བར་འགྱུར་རོ། །དེ་བཞིན་དུ་ཐོ་བ་ལ་དབབ་པར་འདོད་ན། ཐོ་བ་ལ་རྒྱ་སྐྱེགས་ཀྱི་ཁུ་བས
80a7 བསྐུས་ནས་དཔུང་པ་ལ་ཙནྡན་དང་གུར་གུམ་གྱིས་བསྐུས་ཏེ། མེ་ལོང་ལ་བསྡིགས་ན་ཆོ་ག་འདིས་ཐམས་ཅད་མཐོང་བར་འགྱུར་རོ། །སྐྱེས་བུ་དམ་པའི་ཐོད་པ་བླངས་ནས་ཤིན་ཏུ་བཀྲུས་ནས་བྱི་དོར་བྱས་ཏེ་ཡོན་ཆུས་བཀྲུས་ནས་དྲི་རྣམ་པ་ལྔས་བཀྲུ་བར་བྱའོ། །ཐོད་པའི
iiif viewer powered by OpenSeadragon
