| e-texts navigator |
| Wylie |
78a1 བདག་སྲུང་བ་དང་། མཆོག་སྲུང་བ་དང་། ལས་ཐམས་ཅད་བྱེད་པ་སྟེ། སྐུད་པའམ། ཆུའམ། ཡུངས་ཀར་རམ། ཐལ་བའམ། གུ་གུལ་ལ་ལན་ཉི་ཤུ་རྩ་གཅིག་བཟླས་པར་བྱའོ། །གནོད་སྦྱིན་གར་མཁན་མཆོག་གི་བརྟན་པ་ལས་མཆོག་ཏུ་གྲུབ་པའི
78a2 སྔགས་ཀྱི་ལེའུ་སྟེ་དྲུག་པའོ། ། །།འདི་མན་ཆད་ཕྱག་རྒྱའི་ཆོ་ག་བཤད་པར་བྱ་སྟེ། གར་མཁན་མཆོག་གི་སྤྱད་ཆེན་པོ་བླ་ན་མེད་པའི་མཆོག་སྒྲུབ་པའོ། །ཐལ་མོ་གཉིས་མཉམ་པར་སྦྱར་ཏེ། སོར་མོའི་རྩེ་མོ་རྣམས་མཉམ་པར་གཞག་ལ་མཐེ་བོང་དང་མཐེ་ཆུང་གཉིས
78a3 ཕྲལ་ལ་གུང་མོ་གཉིས་བཀུག་པའི་རྒྱབ་ཏུ་མཛུབ་མོ་གཉིས་དཀྲི་བར་བྱ་སྟེ། ཕྱག་རྒྱ་འདི་ནི་ཕྱག་རྒྱ་ཆེན་པོ་སྟེ། གཟི་བརྗིད་ཆེན་པོ་ཕ་རོལ་གནོན་པ། དཔའ་བོ་ཆེན་པོའི་ཆོ་ག་དང་། ལས་ཐམས་ཅད་སྒྲུབ་པར་བྱེད་ཅིང་། གནོད་སྦྱིན་ཐམས་ཅད་གཟིར་བ་དང་། རྟག་ཏུ་འགུགས
78a4 པ་སྟེ། གཟའ་དབབ་པ་དང་། ལས་ཐམས་ཅད་སྒྲུབ་པ། གར་མཁན་མཆོག་གི་ཕྱག་རྒྱ་ཞེས་བརྗོད་དོ། །ལས་ཐམས་ཅད་སྒྲུབ་པའོ། །ོཾ་ཊ་ཀི་ཀུ་པར་སྭཱ་ཧཱ། སོར་མོ་ཐམས་ཅད་བསྣོལ་ཏེ། གུང་མོ་གཉིས་རྡོ་རྗེ་ལྟར་བསྒྲེངས་ནས། སྤྱི་བོར་བཅིང་བ་ནི་ཐོ་བའི་ཕྱག་རྒྱ
78a5 སྟེ་ལས་ཐམས་ཅད་སྒྲུབ་པར་བྱེད་པའི་མཆོག་ཏུ་བཀོད་པའོ། །ོཾ་ཙི་ཏི་ཙི་ཏི། བི་ཙི་ཏི་མུད་གར་ཧཱུ~ཾ་ཧཱུ~ཾ། དེ་ནས་རྡོ་རྗེ་ལྟ་བུས་སོར་མོ་ཀུན་བསྣོལ་ཏེ་བཀུག་ནས་མཛུབ་མོ་གཉིས་རྩེ་སྤྲད་དེ་ཟླུམ་པོར་བཀུག་པ་སྙིང་པོའི་ཕྱག་རྒྱ་སྟེ། གནོད་སྦྱིན་གྱི་བདག་པོ་ཆེན་པོའོ། །གནོད
78a6 སྦྱིན་དང་། འབར་བ་དང་། ཀླུའི་རིགས་དང་། གདུག་པ་ལ་སོགས་པ་ཐམས་ཅད་གཏན་ནས་འབྱིན་པར་བྱེད་པའོ། །ོཾ་རུ་ཏི་སྭཱ་ཧཱ། ཕྱག་རྒྱ་དེ་ཉིད་ལས་མཛུབ་མོ་གཉིས་ནང་དུ་བཀུག་སྟེ། མཐེ་བོང་གཉིས་རྩེ་སྤྲད་དེ་བརྐྱང་བ་དེ་ནི་ཐམས་ཅད་ཀྱི་སྙིང་པོའི་ཕྱག
78a7 རྒྱ་སྟེ། ལས་ཐམས་ཅད་ཤིན་ཏུ་སྒྲུབ་པར་བྱེད་པའོ། །ོཾ་ན་ར་ཏེ་ཨ་ཙ་ཧཱུ~ཾ་ཕཊ། ཐལ་མོ་མཉམ་པར་སྦྱར་ཏེ་གུང་མོ་གཉིས་ལྷན་ཅིག་ཏུ་གཞིབས་ཏེ་ནང་དུ་གནས་པར་བྱ། གནོད་སྦྱིན་དང་། འབར་བ་ཐམས་ཅད་ཀྱི་སྙིང་པོའི་ཕྱག་རྒྱ་སྟེ། གཟའ་ཐམས
iiif viewer powered by OpenSeadragon
