| e-texts navigator |
| Wylie |
75b1 ཨན་ཛན་བླང་ཞིང་ས་བི་ར་དང་ལྷན་ཅིག་ཏུ་བསྲེས་ཏེ། ལན་ཉི་ཤུ་རྩ་གཅིག་ཡོངས་སུ་བཟླས་ཏེ། མིག་ལ་བསྐུས་ན་སྐལ་བའི་མཆོག་དང་གཟི་བརྗིད་དང་ལྡན་ཞིང་གང་མཐོང་བ་དེ་དབང་དུ་འགྱུར་རོ། །འཇིག་རྟེན་ཀུན་དང་མཛའ་ཞིང་ཐམས་ཅད་ཀྱིས་མཆོད་པར
75b2 འགྱུར་རོ། །གོ་རོ་ཙ་ན་ལ་ལན་ཉི་ཤུ་རྩ་གཅིག་བཟླས་ཏེ། ཐིག་ལེ་བྱས་ན་སྐལ་བ་མཆོག་དང་དགོས་པ་ཐམས་ཅད་སྒྲུབ་ཅིང་བུད་མེད་ཀུན་ལ་དབང་བར་གྱུར་ནས་འགྲོ་བ་ཐམས་ཅད་མཛའ་བར་འགྱུར་རོ། །ཟོས་ན་རྩོད་པ་ལས་རྒྱལ་བར་འགྱུར་རོ། །ལན་ཉི་ཤུ
75b3 རྩ་གཅིག་བཟླས་པའི་ཆུས་གདོང་བཀྲུས་ན་ཁྲོས་པའི་རྒྱལ་པོ་ཡང་ཞི་བར་འགྱུར་རོ། །འཇིག་རྟེན་པ་ཀུན་དང་མཛའ་ཞིང་འཛིན་པའི་ངག་ཏུ་འགྱུར་རོ། །ཐམས་ཅད་ཀྱང་གུ་གུལ་གྱི་དུད་པས་བསྒྲུབ་པར་བྱའོ། །གནོད་སྦྱིན་གར་མཁན་མཆོག་གི་བརྟག་པ་ལས་མིག
75b4 སྨན་དང་། གོ་ངོ་ཙན་དང་། གནོད་སྦྱིན་མོ་སྒྲུབ་པའི་ལེའུ་སྟེ་གསུམ་པའོ།། །།འདི་མན་ཆད་གར་མཁན་མཆོག་གནོད་སྦྱིན་ཆེན་པོའི་དཀྱིལ་འཁོར་ཆོ་ག་བཤད་པར་བྱའོ། །གྲུབ་པའི་ལྷ་ཐམས་ཅད་ཀྱིས་ཕྱག་བྱས་པ། ཚངས་པ་དང་། གཏོགས
75b5 འདོད་དང་། དབང་པོས་མཆོད་པ་དང་། དེ་བཞིན་གཤེགས་པ་ཐམས་ཅད་ཀྱི་བྱིན་གྱིས་བརླབས་པ། བྱང་ཆུབ་སེམས་དཔའ་ཐམས་ཅད་ཀྱིས་ཕྱག་བྱས་པ། དྲང་སྲོང་ཐམས་ཅད་ཀྱིས་བསྟོད་པ། གནོད་སྦྱིན་དང་འབར་བ་ཐམས་ཅད་ཀྱིས་དམ་ཚིག་ཐོབ་པ། དཔྱད
75b6 ཐམས་ཅད་དང་། རིག་པ་ཐམས་ཅད་ཐོབ་པའོ། །དེ་ནས་གནས་གཙང་མར་གྲུབ་པའི་མཚན་མ་བརྟག་གོ། །དེ་ནས་རིག་པ་འཛིན་པ་གཙང་མར་བྱས་ཏེ། རབ་ཏུ་ཁྲུས་བྱས་ནས་གོས་དཀར་པོ་གཙང་མ་བགོས་ཏེ། ཁ་ཟས་དཀར་པོ་བཟའ་ཞིང་རྟག་ཏུ་བཟླས་པ་ལ
75b7 བརྩོན་པར་བྱའོ། །དཀར་པོའི་ཕྱོགས་ལ་སྐར་མ་དང་། གཟའ་དང་། མཇུག་བཟང་པོ་ཡིད་དུ་འོང་བའི་ཉི་མ་དེར་བརྟགས་ཏེ། བ་ཁམ་པ་མོའི་ལྕི་བས་ལམ་ལྷུང་བས་དཀྱིལ་འཁོར་བསྐུས་ཏེ། ཁྲུ་བཅུ་གཉིས་པ་རིམ་པ་གསུམ་དུ་དཀྱིལ་འཁོར་ཡང་རབ
iiif viewer powered by OpenSeadragon
