| e-texts navigator |
| Wylie |
75a1 དཀྲིས་ལ་དུར་ཁྲོད་ཀྱི་དབུས་སུ་ཅི་འབྱོར་བའི་ཁྲག་གི་སྦྱིན་སྲེག་ཞག་བཅུ་གཉིས་ཡོངས་སུ་རྫོགས་པའི་བར་དུ་བསྲེགས་ན། བུད་མེད་སེང་གེ་ལ་ཞོན་པ། ལག་པ་བཞི་པ། དྲིལ་བུ་དང་། དགྲ་སྟ་དང་། མུ་ས་ལ་དང་། ལག་ན་ཏྲི་ཤཱུ་ལ་ཐོགས་པས་མདུན་དུ།
75a2 འོངས་ནས། དེས་སྨྲས་པ། རིག་པ་འཛིན་པ་ང་བཀྲེས་སོ་ཞེས་པ་དང་། གཏོར་མ་འདི་གར་མཁན་མཆོག་གི་བཀའ་སྟེ། ཇི་ལྟར་བདེ་བར་སྤྱོད་ཅིག་ཅེས་ནས་དེ་ནས་ཡོན་ཆབ་སྦྱིན་པར་བྱ། དེས་སྨྲས་པ། ཅི་སློང་ཞེས་པ་དང་། རིག་པ་འཛིན་པས་སྨྲ་བར་བྱ་སྟེ། ངའི
75a3 ལས་ཐམས་ཅད་བྱོས་ཤིག་ཅེས་སོ། །དེས་སྨྲས་པ། རིག་པ་འཛིན་པ་དེ་བཞིན་ནོ་ཞེས་ནས་གང་དགོས་པར་འགྱུར་བ་དེ་ཐམས་ཅད་དང་། གཏེར་ཐམས་ཅད་ཀྱང་སྟོན་ནོ། །དེ་ནས་ཨ་ཙ་ན་བསྐུ་བར་འདོད་ན་ལྡོང་རོས་དམར་པོ་མི་མགོ་གཤེར་བའི་ནང་དུ་ཁྲག་དང་བསྲེས་ནས་བཅུག
75a4 ནས་སྔགས་ལན་བརྒྱད་ཀྱིས་ཡོངས་སུ་བཟླས་ཏེ། ཀ་ར་བཱི་རའི་ལྕུག་མས་དགུག་པར་བྱའོ། །དེ་ནས་མི་མགོ་འབར་བར་འགྱུར་ཏེ། དེས་ཐེག་ལེ་བྱས་ན་ནམ་མཁའ་ལ་འགྲོ་བར་འགྱུར་ཞིང་རིག་པ་འཛིན་པ་དང་ཐབས་ཅིག་ཏུ་རོལ་བར་འགྱུར་རོ། །སྙིང་ཁར་ཐིག་ལེ་བྱས་ན
75a5 མི་སྣང་བར་འགྱུར་ཞིང་གང་དུ་འདོད་པ་དེ་དང་དེར་ཞུགས་པར་འགྱུར། མིག་ལ་བསྐུས་ན་གཏེར་ཐམས་ཅད་མཐོང་བར་འགྱུར་ཞིང་ལྷ་མ་ཡིན་གྱི་སྒོ་ཐམས་ཅད་སྒྲིབ་པ་མེད་པར་མཐོང་བར་འགྱུར་རོ། །ཀླུའི་གནས་ཐམས་ཅད་མཐོང་བ་དང་། ཀུན་དུ་འགྲོ་བ་ཐམས
75a6 ཅད་དང་རོལ་ཅིང་དགའ་བ་མྱོང་བར་འགྱུར་རོ། །ཟོས་ན་བསྐལ་པ་བརྒྱ་ཕྲག་སྟོང་དུ་འཚོ་ཞིང་རིག་པ་འཛིན་པའི་འཁོར་ལོས་སྒྱུར་བར་གྱུར་ནས། སྐྲ་འཁྱིལ་ཞིང་འཁྱིལ་བ། མིའམ་ཅི་དང་ཚངས་པའི་ང་རོའི་དབྱངས་དང་ལྡན་པར་འགྱུར་རོ། །ཉུང་རུ་མ་བྱ་བར་འདོད་ན་དུར
75a7 ཁྲོད་ཀྱི་ཐལ་བ་ལ་གཟུགས་བྱས་ཏེ། །སེང་ལྡེང་གི་ཕུར་བ་ལ་ལན་བདུན་བཟླས་ནས་སྙིང་ཁའི་གནས་སུ་བཏབ་ན་ཉུང་རུམ་དུ་འགྱུར་ཏེ་ཕྱུང་ན་ཐར་རོ། །ནག་པོའི་ཕྱོགས་ཀྱི་ཚེས་བཅུ་བཞི་ལ་དུར་ཁྲོད་དུ་ཞུགས་ནས་སྔགས་ལན་ཉི་ཤུ་རྩ་གཅིག་རྗེས་སུ་དྲན་པར་བྱས་ནས
iiif viewer powered by OpenSeadragon
