| e-texts navigator |
| Wylie |
74b1 ཡོངས་སུ་བཅིང་བ་ལ་སྟན་འཇམ་པོ་ལ་ཡོངས་སུ་བཟླས་ཏེ། ཁང་པ་མཐོན་པོའི་ཁར་འདུག་ན། རླུང་ཐམས་ཅད་འཆིང་བར་བྱས་པར་འགྱུར་རོ། །མིའི་ཐོད་པ་བཟུང་སྟེ། །ཀར་བཱི་རའི་ལྕུག་མས་དགྲ་བོའི་མིང་བཟུང་ནས་གཞུས་ན་ལས་ཐམས་ཅད་ལ་ལན་ཅིག་བཟླས
74b2 པ་ཙམ་གྱིས་གྲུབ་པར་འགྱུར་རོ། །གནོད་སྦྱིན་གར་མཁན་མཆོག་གི་བརྟག་པ་ལས་ལས་ཐམས་ཅད་པའི་ཆོ་གའི་ལེའུ་སྟེ་གཉིས་པའོ།། །།ན་མོ་པེ་ཤྲ་མ་ཎ་སུ་ཏཱ་ལ་དི་བྱ་བི་མཱ་ན་ཙི་རི་ཏི་ཡ། ཧེ་མ་ཨ་ལ་ཀུཎྜལ་ཤ་རཱི་རཱ་ཡ། ཡཀྵ་རཀྵ། ས་བན་ཏི་དྷ་ཡ།
74b3 ཏཾ་བྷ་ག་ན་ན། མཱ་བརྟ་ཡི་ཥྱུ་མི། ཏདྱ་ཐཱ། བ་ནི་བ་ནི། ཀུ་ཊ་ཀ་ཊ། ཀུཊྚ་ཀུཊྚ། ཀུ་ཀུ་ཀུ་ཀུ། པ་ར་པ་ར། ཀུ་པར་ཀུ་པར། ན་ར་ཀུ་བར། དི་བྱ་བི་མྱ་ནི་ཀུ་ཏ་ལི། ཏུ་ཏི་ཏུ་ཏི་སྭཱ་ཧཱ། དེ་ནས་གནོད་སྦྱིན་ནམ། གནོད་སྦྱིན་མོ་སྲུང་བར་འདོད་ན། ཝ་དའི་ཤིང་ལས་སྤང་ལེབ
74b4 ཏུ་བྱས་ཏེ། གནོད་སྦྱིན་མོ་བྲི་བར་བྱ་སྟེ། ཁ་དོག་སྔོ་བསངས་ལ་གདོང་ཁྲོ་གཉེར་ཅན། མཆེ་བ་འཁྱིལ་བསྟོད་གཡོགས་མེད་པ། རྒྱན་ཐམས་ཅད་ཀྱིས་རྣམ་པར་བརྒྱན་པ། ལག་པ་གཡོན་པ་ན་མིའི་ཐོད་པ་ཁྲག་གིས་བཀང་བ་ཐོགས་པ། ལག་པ་གཡས་པ་མཆོག
74b5 སྦྱིན་མ་སྟེ། དེའི་མདུན་རིག་པ་བརྒྱ་སྟོང་བཟླས་ཤིང་ཟས་དཀར་པོ་བཟའ་བར་བྱ། བརྒྱ་སྟོང་རྫོགས་པ་དང་། གནོད་སྦྱིན་མོ་མདུན་དུ་འོང་བར་འགྱུར་ཏེ། དེ་ལ་གཏོར་མ་དཀར་པོ་དང་། ཡོན་ཆུ་སྦྱིན་ནོ། །དེས་སྨྲས་པ། ཅི་བགྱི་བ་བཀའ་སྩོལ་ཅིག་ཅེས་བགྱིས་པ་དང་།
74b6 རིག་པ་འཛིན་པ་སྨ་བར་བྱ་བ་ངའི་ཆུང་མའོ་ཞེས་པ་དང་། དེ་དེ་བཞིན་ནོ་ཞེས་སྨྲས་ནས་མི་སྣང་བར་འགྱུར་རོ། །དེ་ནས་རྒྱན་ཐམས་ཅད་ཀྱིས་བརྒྱན་པའི་བུད་མེད་འོངས་ནས་དེ་ནས་འདོད་པའི་ཡོན་ཏན་ལྔ་ལྷན་ཅིག་ཏུ་རོལ་ཅིང་སྤྱོད་པ་ལ་དགའ་བས་རྩེའོ། །རིག་པ་འཛིན
74b7 པ་དེ་གནོད་སྦྱིན་ཆེན་པོའི་སྟོབས་དང་ལྡན་པར་འགྱུར་ཏེ་གང་དང་གང་དུ་འདོད་པ་དེ་དང་དེར་འགྲོ་ཞིང་ནམ་མཁར་སྤྱོད་དེ། ཚེ་ལོ་ལྔ་སྟོང་ཐུབ་པར་འགྱུར་རོ། །དེ་ནས་མངོན་པར་སྤྱོད་པར་འདོད་པས་བྱེད་པ་བསླང་བ་ནི་གོས་ཆེན་པོ་བགོས་ཏེ། སྟག་གི་པགས་པས་སྨད
iiif viewer powered by OpenSeadragon
